Jeremías 51:11 - Tayta Diosninchi Isquirbichishan

¹¹ «Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 51:11 ပူးပေါင်းရင်းမြစ်များ

1 Reyes 11:14

Chaynöpami Tayta Dios camacächiran Salomonpa contran juc runa jatarinanpaj. Contran jatarej runaga caran Hadad. Payga caran Edom runacunapa mandajnin castami.

1 Reyes 11:23

Tayta Dios camacächiran Rezonpis Salomonpa contran jatarinanpaj. Rezonga caran Eliadapa wamran. Paymi patrunninpita gueshpir aywacusha caran. Patrunnenga caran Soba siudäpa raynin Hadad-ezermi.

1 Crónicas 5:26

Chaypitami Israelpa Tayta Diosnenga yarpayta goran Asiriapa raynin Pul nishan Tiglat-pileser jutiyojta Israelcunata prësu apananpaj. Chaura paynami prësu apachiran Rubén trïbuta, Gad trïbuta, pullan caj Manasés trïbutapis. Apar chayachiran: Halahman, Haborman, Haraman, Gozán mayupa ñaupanman. Canancamapis chayllachömi tiyarcaycan.

2 Crónicas 36:22

Persiapa raynin Ciro juc watana mandaj caycaran. Profëta Jeremías willacushan cumlinanpaj yarpayta Tayta Dios goptin Ciroga mandashan cajcho intërucho shimipapis papilwanpis cayno willacachiran:

Esdras 1:1

Persiapa raynin Ciro juc watana mandaycaran. Profëta Jeremías unay willacushan cumlinanpaj yarpayta Tayta Dios goptin Ciroga mandashan cajcho intërucho shimipapis papilwanpis cayno willacachiran:

Isaías 10:26

Noga munayniyoj Tayta Dios Madián runacunata Oreb gagacho binsishänömi castigashaj. Munayniyoj cashätapis Asiria runacunata musyachishaj Egipto runacunata musyachishänömi.

Isaías 21:2

Fiyupa manchacuypätami Tayta Diosga ribilamasha: Engañacöga engañacun. Wañuchicöga wañuchicun. ¡Shamuy ari Elam! ¡Media jutiyoj nasyun runacunapis yaycupaycäriy! Chauraga Babiloniacho ñacaycaj runacuna manami ñacanganachu.

Isaías 21:5

Babiloniachöga mësa maynami churaraycan. Jananman mantiltapis maynami mashtasha. Micurcaycan, upurcaycannami. ¡Jatariy mandajcuna! ¡Pillyar chapacuna escüduyquicunata llushwachay!

Isaías 41:25

«Inti yagamunan caj-lächömi juc runata yurichishcä. Paytaga jutinpami gayashcä. Payga norte caj-läpami chayamonga. Mandajcunatapis mituta-jinami lluchcarenga. Manca-ruraj mituta lluchcajnömi rurarenga.

Isaías 45:1

Cirotaga Tayta Diosmi acrasha ray cananpaj. Maquipita charicurcurmi yanapasha llapan nasyuncunata mandananpaj, munayniyoj raycunatana ushananpaj. Tayta Diosmi camacächisha may siudä runacunatapis Ciro binsinanpaj. Cananga Tayta Diosmi payta nin:

Isaías 45:5

Nogami Tayta Dios cä. Nogapita mas juc diosga manami canchu. Manapis rejsiycämaptiquimi gamtaga yanapäshayqui.

Isaías 46:11

Inti yagamunan caj-läpitami juc runata gayashcä. Aycha micoj äbinöpis carupitami shamonga. Ruranäpaj yarpaycashäcunata paymi rurangapaj. Imano ruranäpäpis yarpashcänami. Chaytaga cumlishämi.

Jeremías 25:25

Zimripa, Elampa, Mediapa raynincunatapis.

Jeremías 46:3

«¡Egipto runacuna, chapacuna escüduyquicunata listucuy! ¡Nircorga pillyaj ayway!

Jeremías 46:4

¡Cawalluyquicunata sillacuy! ¡Muntacuyta yachajcuna muntacuy! ¡Cascuyquicunata chucucuy! ¡Nircur sumaj fïlacay! ¡Tucsicunayquicunata sumaj afilacuy! ¡Chapäshunayquipaj caj chalëcucunata jaticuy!

Jeremías 46:9

«¡Cawalluwan muntäducuna pillyaj yaycuy! ¡Carrëtawan cajcunapis ayway! Pillyajcuna yaycuy. Ayway Etiopía nasyun suldärucuna, Fut parti suldärucuna chapacuna escüduyquicunata camaricarcärir. Camaricuy lëchawan illapay yachaj Lud parti suldärucuna.

Jeremías 50:25

Nogaga quichaparishcä pillyananpaj pillyacunancuna churarashantami. Nircur jorgamushcä rabyasha pillyanä armäta. Babilonia runacuna tiyashan nasyunchöga yarpaycashäcunatami rurashaj.

Jeremías 50:3

Norte caj-lächo caycaj nasyuncunapitami Babiloniamanga juc nasyun runacuna aywaycämun. Paycuna chayamorga chunyajtami cachaycongapaj. Chaychöga runa ni animalcunapis manami tiyangapänachu. Chaycho tiyajcunaga llapanmi gueshpir aywacongapaj.»

Jeremías 50:45

Babiloniacunapaj noga munayniyoj imano yarpashätapis wiyay-llapa. Babilonia nasyuncho tiyajcuna imano cananpaj yarpaycashätapis wiyay. Chaycho tiyajcunataga tacshannincunatapis apacongami. Nasyun intërutami pasaypa ushacashata cachayconga.

Jeremías 50:9

Nogami camacächishaj norte caj-läpita munayniyoj nasyuncuna Babiloniaman chay öralla wacpita-caypita yaycapaycunanpaj. Sumaj parlacarcärir aywarmi binsenga. Paycunaga fiyupami pillyayta yachan. Lëchancunawanga jitayllan-tupumi chayachin.

Jeremías 51:12

¡Babiloniapa curralninta juchuchej yaycunanpaj sëñata ruray! ¡Suldärucunatapis sumaj camacächiy! ¡Ricchacojcunata churay! ¡Wañuchinayquipaj pacacuy-llapa! Noga imano ruranäpäpis yarpashätaga Babiloniacho tiyajcunapaj camacächishcänami.

Jeremías 51:24

«Chaypis Judá runacuna, gamcuna ricaycaptiquimi Babilonia runacunataga ayñita cutichishaj imanöpis Sionta rurashanno. Noga Tayta Diosmi chayno në.

Jeremías 51:35

¡Cananga quiquin Babiloniapis quëdachun mana allita nogata ruramashanno! ¡Nogacho tiyajcunata wañuchishanno quiquincunatapis wañuchichun!»

Jeremías 51:36

Chaymi Tayta Dios nin: «Nogami alli arriglashayqui. Chaymi contrayquicunataga ayñita cutichishaj. Babiloniacho caj mayucunatawan pashtaj yacuncunatapis ushajpämi chaquirachishaj.

Daniel 5:30

Chay chacayllami Caldeacunapa raynin Belsasartaga wañuycachiran.

Joel 3:10

Rëjancunapita rurachun sablincunata. Ösinpitana rurachun lansata. Callpaynajcunapis ‹¡Callpayojmi cä!› nichun.

Joel 3:9

«¡Nasyuncuna, wiyay-llapa! ¡Guërrapaj camaricuyna-llapa! ¡Jinyu suldärucunata shuntay-llapa! ¡Pillyajcunaga shuntacarcur aywachunna!

Levítico 26:25

Mana cumliptiquega conträtuta rurar parlashanchïcho nishänömi castïguta gamcunaman chayachimushaj. Siudäniquicunaman pacacunayquipaj gueshpiptiquipis fiyu gueshyatami cachamushaj. Chauraga contrayquicunapa munayninchöna canquipaj.

Zacarías 14:12

Jerusalén runacunawan pillyaj juc-lä nasyun runacunatami ichanga Tayta Dios gueshyawan fiyupa castigangapaj. Chay runacunapaga cawaycaptillanmi aychan ismongapaj; ñawincunapis cawaycaptillanmi chaquicäconga; galluncunapis shimin rurillanchömi ismonga.

Zacarías 14:2

Chaypäga Tayta Diosmi shuntamongapaj llapan nasyuncunata Jerusalencho tiyajcunawan pillyananpaj. Nircorga contrancunami siudächöga tiyacaycärenga. Wasicunapita ima-aycantapis apaconga. Warmicunatana bigulanga. Nircur chaycho tiyajcunata pullantaga prësu juc-läman apanga. Jinanchöga waquillannami quëdangapaj.