Jeremías 50:44 - Tayta Diosninchi Isquirbichishan

⁴⁴ «Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Babiloniacunaga manchacamashpan gueshpir aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipämanman?

Jeremías 50:44 ပူးပေါင်းရင်းမြစ်များ

Salmos 89:6

¡Manami ima diospis, ni syëlucho caycajcunapis gammanga tincunchu!

Salmos 89:8

Ima-aycapäpis munayniyoj Tayta Dios ¿piraj gammanga tincunman? Gamllami rasunpa cajtapis ruranqui; munayniyoj canqui.

Éxodo 15:11

«Tayta Dios, maygan dioscunapis gammanga manami tincunchu. Gamno santuga manami juc canchu. Gamno munayniyöga manami juc canchu. Gamga fiyupa almiraypajcunatami rurashcanqui.

Isaías 40:18

Gamcunaga ¿imamanraj Tayta Diosta tincuchinqui? ¿Imanirajtataj ruranqui «diosnë» nishpayqui?

Isaías 40:25

Santo Tayta Diosmi tapushunqui: «Gamcunaga ¿imamanraj tincuchimanqui? ¿Piraj nogamanga tincunman?» nir.

Isaías 41:25

«Inti yagamunan caj-lächömi juc runata yurichishcä. Paytaga jutinpami gayashcä. Payga norte caj-läpami chayamonga. Mandajcunatapis mituta-jinami lluchcarenga. Manca-ruraj mituta lluchcajnömi rurarenga.

Isaías 43:10

Tayta Diosga caynömi nin: «Nogata sirbimaj runacuna gamcunami testïgö canqui. Gamcunataga acrashcä rejsimänayquipämi, nogaman yäracamunayquipämi, pï cashätapis tantiyacur musyanayquipämi. Imaypitapis nogallami Diosga cä. Nogapita mas juc diosga manami cangapischu.

Isaías 46:11

Inti yagamunan caj-läpitami juc runata gayashcä. Aycha micoj äbinöpis carupitami shamonga. Ruranäpaj yarpaycashäcunata paymi rurangapaj. Imano ruranäpäpis yarpashcänami. Chaytaga cumlishämi.

Isaías 46:9

Unaypita-pacha imano päsashantapis yarpay. Nogallami Diosga cä. Manami mas juc Dios canchu. Nogaman tincöga manami juc dios canchu.

Isaías 48:14

«Llapayqui shuntacaycushpayqui sumaj wiyamay: ¿Pitaj gamcunachöga willacuran cayno cananpaj cashanta? Acrashä ray Ciromi Babiloniataga yarpashäno ruranga. Paymi chay Caldeacho caycaj Babilonia runacunataga munaynincho chararanga.

Jeremías 12:5

Chayno niptin Jeremiasta Tayta Dios niran: «Chaquipa cörrej runawan llallinacushpallayquipis fiyupana uticashpayquega ¿imanöpataj llallinacunquiman cawallun muntasha cörrejwanga? Lliuyaj pampacunachöga allimi caycanqui. Ichanga ¿imanöraj canquiman Jordán muntichöga?

Jeremías 25:38

Tayta Dios fiyupa rabyacurcur castigaptinmi paycuna tiyashan partiga ricacusha liyun tiyashan machay garayasha quëdashanno. Chaynöga quëdasha fiyupa manchariypaj guërra captinmi.

Jeremías 30:21

Quiquincunapitami juc mandaj jatarenga. Llapanta mandananpaj quiquincunapitami yurenga. Pay ñaupächo cananpämi camacächishaj. Chayno mana camacächiptëga ¿piraj ñaupäman chayamunman?

Jeremías 50:15

Intëru cantunpa curalaraycajcuna cayno gaparpay: ‹¡Babiloniaga binsishanami caycan! ¡Tunishanami ricchacuna törrincunapis! ¡Pergancunapis juchushanami!› nir. Nogami imanöpis rurashanpita ayñita cutiycächë. Imanömi gamcunata rurashurayqui, chayno gamcunapis ruray.

Zacarías 11:3

Uyshërucunaga gaparayparämi wagarcaycan, cuyayllapaj guewancuna ushajpaj illgasha captin. Jordancho fiyupa juntasha caycaj jachacuna ushajpaj illgasha captinmi liyunpis wagaycan.

Números 16:5

Nircur Corëtapis waquin runacunatapis niran: «Wara tutami Tayta Dios musyachimäshun pï paypa cashanta, pita acrashanta, pï ofrendancunata churananpaj cashanta. Pay quiquinmi nenga picuna ñaupanman witinanpäpis.