Jeremías 50:35 - Tayta Diosninchi Isquirbichishan

³⁵ «¡Babilonia runacunaga guërracho cachun! ¡Mandajnincunapis, fiyupa yachaj runacunapis llapan guërracho cachun!

Jeremías 50:35 ပူးပေါင်းရင်းမြစ်များ

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Isaías 41:25

«Inti yagamunan caj-lächömi juc runata yurichishcä. Paytaga jutinpami gayashcä. Payga norte caj-läpami chayamonga. Mandajcunatapis mituta-jinami lluchcarenga. Manca-ruraj mituta lluchcajnömi rurarenga.

Isaías 44:25

Nogaga manami camacächëchu llulla profëtacuna ‹caynömi, wacnömi canga› nishanno cananpäga. Nogami camacächë musyacojcunapapis manana yarpaynin cananpaj. Nogami camacächë yachajcuna jucnin nishan jucnin nishanwan mana tincunanpäpis. Yachashancunapis imapäpis mana bälejna cananpaj camacächë.

Isaías 45:1

Cirotaga Tayta Diosmi acrasha ray cananpaj. Maquipita charicurcurmi yanapasha llapan nasyuncunata mandananpaj, munayniyoj raycunatana ushananpaj. Tayta Diosmi camacächisha may siudä runacunatapis Ciro binsinanpaj. Cananga Tayta Diosmi payta nin:

Isaías 66:16

Tayta Diosga llapan runacunatami ninawan castiganga. Espädanta aptacurcurmi llapanta jusgangapaj. Chaynöpami Tayta Dios castigaptin aypalla runa wañongapaj.

Jeremías 10:7

Gamga nasyuncunapa rayninmi canqui. Gamtaga llapanmi manchacushunqui. Gamtaga pï-maypis manchacushunayquimi camacan. Cay munducho caj raycunapis, ni yachajcunapis manami gamnöga canchu.

Jeremías 47:6

Paycunaga llaquicur nircaycan: ‹¡Tayta Diospa sablin! ¿imayraj jamaycunqui? Churaränayquiman cashgan cuticuy. Jamacuyna. Amana cuyucuynachu› nir.

Jeremías 50:27

Llapan nubillucunatapis wañuchiy. Wañuchinanpaj caycaj partiman apachiy. ¡Wawallau! ¡Babilonia castigasha cananpaj junaj chayamushanami!

Jeremías 50:30

Chaypitami llapan mösuncuna cällicunacho wañusha mashtarpanga. Chay junajmi llapan suldäruncunapis wañonga. Noga Tayta Diosmi chayno në.

Jeremías 51:39

Fiyupa acaycho caycashan örami Noga upuchishaj fiyupa machächicojta. Chaura machacäcongapaj. Machacäcurnaga manami musyangapänachu imano carcaycashantapis. Chaymi paycunaga puñucäcongapaj imaycamapis manana ricchamoj. Noga Tayta Diosmi chayno në.

Jeremías 51:47

Chaynömi chayamongapaj Babiloniacho caycaj ïdulucunata ushajpaj illgächinäpaj caycaj junaj. Chayrämi nasyun intëru pengaycho ricaconga. Wañushacunapis llapan siudänincunachömi mashtarpanga.

Jeremías 51:57

Babiloniacunapa mandajnincunata, musyacojnincunata, siudäpa mandajnincunata, waquin mandajcunata, suldäruncunatapis rabyasha aptaraycashä cöpawanmi machächishaj. Chayno machashallami puñucäconga. Puñuycorga imaypis manami ricchanganachu.»

Jeremías 8:9

Chaypitami chay musyaj-yachajcunaga pengaycho cangapaj. Trampaman yaycusha animalnöpis mancharenga. Noga nishätaga manacajmanmi churasha. Chauraga ¿imanöpataj yachaj canga?

Ezequiel 14:2

Chaura Tayta Dios nogata cayno nimaran:

Daniel 5:30

Chay chacayllami Caldeacunapa raynin Belsasartaga wañuycachiran.

Oseas 11:6

Siudächo tiyajcunataga sabliwanmi wañuchenga. Llapan runacunatami illgächir ushanga. Yarpashancunatapis manami camacächenganachu.

Levítico 26:25

Mana cumliptiquega conträtuta rurar parlashanchïcho nishänömi castïguta gamcunaman chayachimushaj. Siudäniquicunaman pacacunayquipaj gueshpiptiquipis fiyu gueshyatami cachamushaj. Chauraga contrayquicunapa munayninchöna canquipaj.

Zacarías 11:17

«¡Ay imanöraj canga uyshata michiycashanpita cachaycoj uyshëru! ¡Chay uyshërutaga sabli cuchurichun maquinta; derëchu caj ñawintapis gaprarichun! ¡Ricranpis chaquicäcuchun; derëchu caj ñawinpis gaprayar amana ricachunnachu!»