Jeremías 50:28 - Tayta Diosninchi Isquirbichishan

²⁸ «Babiloniapita waquin gueshpejcuna parlashanta wiyay-llapa. Ayñita imano cutichishätapis parlajta wiyay-llapa: ‹Templunta illgächishanpitami Tayta Diosga Babilonia runacunata ayñita cutichisha› nir.

Jeremías 50:28 ပူးပေါင်းရင်းမြစ်များ

Isaías 48:20

Caldeacho caycaj Babiloniapita llojshicuy-llapa. Gueshpir aywacuy-llapa. Llojshicunanpaj caj willapataga fiyupa cushicur gayacuyparaj willacuy. Intëruman musyachiy. Cayno willacuy «¡Tayta Diosga salbashami sirbejnin Jacobpita mirajcunata!

Jeremías 50:15

Intëru cantunpa curalaraycajcuna cayno gaparpay: ‹¡Babiloniaga binsishanami caycan! ¡Tunishanami ricchacuna törrincunapis! ¡Pergancunapis juchushanami!› nir. Nogami imanöpis rurashanpita ayñita cutiycächë. Imanömi gamcunata rurashurayqui, chayno gamcunapis ruray.

Jeremías 51:45

Acrashä runacuna chaypita llojshicuy. Cawayta munaj cäga cada-ünuyqui gueshpicuy, fiyupa rabyar nina ratarejno usharinäpaj caycajpita.

Jeremías 51:6

«¡Babiloniapitaga aywacuy! ¡Cawayta munaj cäga gueshpicuy! ¡Babilonia runacunapa juchanpitaga llapayqui ama wañuychu! Paycunata ayñita cutichinä junaj chayamushanami. Chaymi juchanman-tupu castigashaj.

Lamentaciones 1:10

Jerusalenpa ima-aycantapis chiquejcunami apacusha. Siudächo tiyajcunaga ricashami Diosta mana rispitajcuna callpaycur Templuman yaycojta. Tayta Dios, gamga chay runacunapaj nirayqui Templuyquiman mana yaycunanpämi.

Daniel 5:23

Chaymi Tayta Diosta Templuncho garanan cöpacunata apaycachimur bïnuta upyashcanqui mandäshishojcunawan, warmiquicunawan, chïnayquicunawan. Chaynöpis goripita, guellaypita, runsipita, fyërrupita, guerupita rurasha caycaj mana ricaj, mana wiyaj, mana yarpachacoj dioscunatami alabashcanqui. Janaj pachacho caycaj Tayta Diostami ichanga mana alabashcanquichu paypa maquincho bïdayqui caycaptinpis, llapan rurashayquicunata pay ricaycaptinpis.

Levítico 26:25

Mana cumliptiquega conträtuta rurar parlashanchïcho nishänömi castïguta gamcunaman chayachimushaj. Siudäniquicunaman pacacunayquipaj gueshpiptiquipis fiyu gueshyatami cachamushaj. Chauraga contrayquicunapa munayninchöna canquipaj.

Deuteronomio 32:41

Conträcunata jusganäpaj achicyaypa achicyaycaj espädäta afilashaj. Chiquimajcunataga llapantami castigashaj. ¡Chiquimajcunataga merësishanman-tupumi ayñita cutichishaj!