Jeremías 50:18 - Tayta Diosninchi Isquirbichishan

¹⁸ Chaypitami Israelcunapa munayniyoj Tayta Diosnin në: Babiloniapa raynin Nabucodonosorta, chaycho tiyajcunatapis castigashäpaj Asiriapa rayninta castigashänömi.

Jeremías 50:18 ပူးပေါင်းရင်းမြစ်များ

Isaías 10:12

Sión lömatawan Jerusalenta Asiriapa rayninwan ushaycacherga paytapis Tayta Dios castigangami. Castiganga alli-tucushanpita, ollgoj car munayniyoj-tucushanpita.

Jeremías 27:7

Llapan nasyun runacunami Nabucodonosor ray cashancama, wamran ray cashancama, willcan ray cashancamaga paycunapa maquillancho caycanga. Chaypitanami ichanga paycunapa nasyunninpis cangapaj mas aypalla nasyuncunapa, munayniyoj raycunapa maquinchöna.

Jeremías 46:10

Chay junäga cangapaj noga munayniyoj Tayta Dios castiganä junajmi. Chay junajmi llapan conträcunata ayñita cutichishaj. Sablëmi tucsenga yamacashancama. Chayno tucsenga pasaypa yawar ñitinancamami. Chay junäga noga munayniyoj Tayta Diosmi norte caj-lächo caycaj nasyuncho, Éufrates mayu läduncho aypalla runata wañuchishaj.

Nahúm 3:18

«¡Asiriapa raynin, mandäshishojcunaga imanöshi puñucasha carcaycan! Mandaj suldäruyquicuna jamaparcaycan. Runacunanami wacpa caypa machicasha carcaycan. Manami pipis canchu juc pachaman chaycunata shuntananpäga.

Nahúm 3:7

Llapanpis ricashojcunaga gueshpirmi aywaconga cayno nishpan: ‹¡Nínive siudäga illgächishami caycan! ¿Piraj cuyapayconga? ¿Maychöraj pillatapis tarishwan shogananpaj?›

Habacuc 2:8

Gamcunaga achca nasyun runacunatami ima-aycantapis guechushcanqui. Cananga ima-aycayquitapis paycunanami cutichicongapaj. Llapan mana allita rurashayquipitami wañuchishayquipitami ayñita cutichishunquipaj.

Deuteronomio 32:41

Conträcunata jusganäpaj achicyaypa achicyaycaj espädäta afilashaj. Chiquimajcunataga llapantami castigashaj. ¡Chiquimajcunataga merësishanman-tupumi ayñita cutichishaj!