Jeremías 50:16 - Tayta Diosninchi Isquirbichishan

¹⁶ Babiloniacho tiyaycaj juc-lä runacunaga manchariypaj guërrata ricashpanmi nasyunninman marcanman-cama gueshpir cuticonga. Chaura Babiloniachöga ni jucnayllapis manami quëdanganachu murupacoj, ni micuy shuntajpis.

Jeremías 50:16 ပူးပေါင်းရင်းမြစ်များ

Isaías 13:14

«Chay öra runaga Babiloniapita cada-ünunmi nasyunninman-cama gueshpir cuticonga. Cada-ünunmi marcanman-cama cuticongapaj. Chay runacuna ricaconga gaticachaptin lluychu gueshpiycajnörämi. Uyshëruynaj juc röpa uysha mancharisha cörriyllapa gueshpiycajno canga.

Jeremías 25:38

Tayta Dios fiyupa rabyacurcur castigaptinmi paycuna tiyashan partiga ricacusha liyun tiyashan machay garayasha quëdashanno. Chaynöga quëdasha fiyupa manchariypaj guërra captinmi.

Jeremías 46:16

Suldäruyquicunapis tacanacushpan tunin. Jucnin-jucninpis ninacun: ‹Caypitaga llapanchi cuticushun marcanchïman-cama. Yurishanchi marcanchïman cuticushun. Wañuchinacuypita gueshpir aywacushun› nir.

Jeremías 51:23

Gamwanmi wañuchichë uyshayojcunata uyshantinta, arojcunata yuntantinta. Gamwanmi wañuchichë gobernadorcunatapis llapan yanapajnintinta.

Jeremías 51:9

Chaura waquin nasyun runacunaga Babiloniata jampiyta camasha. Ichanga manami allchacashanachu. Chaymi nin: ‹¡Cachaycäriyna! Llapanchi aywacushun nasyunninchïman-camana. Paycunapa juchanga syëlucamami chayasha. Chaymi paycunaga fiyupa castigasha canga› nir.

Joel 1:11

Gamcuna, chacracho arojcuna, übasta cusichajcuna, llaquicushpayqui wagay-llapa. Cananga llapan murushayquicunapis yangallapämi casha. Manami wayushachu rïgupis ni sebädapis.

Amós 5:16

Munayniyoj Tayta Diosga caynömi nin: «Läsacunachömi wagay canga. Cällicunachömi llaquicuypita gaparpanga. Chacracho arojcunatapis gayanga wagäshinanpaj. Pägapaj wagapacojcunatapis gayanga.