Jeremías 50:15 - Tayta Diosninchi Isquirbichishan

¹⁵ Intëru cantunpa curalaraycajcuna cayno gaparpay: ‹¡Babiloniaga binsishanami caycan! ¡Tunishanami ricchacuna törrincunapis! ¡Pergancunapis juchushanami!› nir. Nogami imanöpis rurashanpita ayñita cutiycächë. Imanömi gamcunata rurashurayqui, chayno gamcunapis ruray.

Jeremías 50:15 ပူးပေါင်းရင်းမြစ်များ

1 Crónicas 29:24

Llapan mandajcuna, pillyay yachajcuna, ray Davidpa llapan wamrancunapis Salomonllatana rispitaran.

2 Crónicas 30:8

Chaymi wiyacuy. Ñaupa awiluyquicunano ama caynachu. Chaypa ruquenga Tayta Dios munashannöna cawashun yapay alli ricamänanchïpaj. Llapaniqui shamuy Templuman. Templutaga acrasha para-simrimi. Tayta Diosta sirbiy. Paypis gamcunapaj rabyasha caycashanpita allchacangami.

Salmos 149:7

Chay sabliwanmi ayñita cutichinqui Tayta Diosta mana rispitajcunataga. Juc nasyuncunatapis magar castiganqui.

Salmos 94:1

Tayta Dios, gammi caycanqui juez cay pachachöga. Arriglayna ari. Juchayoj cajtaga castigay. ¡Alli-tucojcunataga rurashanman-tupu ayñita cutichiy!

Isaías 59:17

Pay allita rurashanmi pillyar chapacunan chalëcuno ricacusha. Salbacoj cayninnami cascunno ricacusha. Ayñita cutichicoj cayninna röpanno ricacusha. Fiyupa rabyasha cashanna jacucushanno ricacusha.

Isaías 59:18

Chayno camaricurcurmi Tayta Diosga cada-ünunta imanöpis rurashanmanno cutichenga. Contrancunataga castigangami. Chiquej cajtaga imanöpis rurashanmannömi cutichenga. Chaynömi ruranga lamar cantun nasyuncunacho tiyaycajtapis.

Isaías 61:2

Tayta Dios cachamasha allita rurananpaj chayamushana cashanta willacunäpämi; contranchïcunata ayñita cutichinanpaj chayamushantana willacunäpämi. Chaynöpis Tayta Dios cachamasha llaquicuycajcunata shacyächinäpaj;

Isaías 63:4

Nogaga maynami yarpaycarä juc junaj llapanpita jusganäpaj. Acrashä runacunata salbanäpaj caj chayamushanami.

Jeremías 46:10

Chay junäga cangapaj noga munayniyoj Tayta Dios castiganä junajmi. Chay junajmi llapan conträcunata ayñita cutichishaj. Sablëmi tucsenga yamacashancama. Chayno tucsenga pasaypa yawar ñitinancamami. Chay junäga noga munayniyoj Tayta Diosmi norte caj-lächo caycaj nasyuncho, Éufrates mayu läduncho aypalla runata wañuchishaj.

Jeremías 50:14

«Babiloniacunataga intërunpa curalacaycäriy. Lëchayojcuna sumaj camacay. Nircur paycunataga lëchayquicunawan illapay. Paycunaga nogapa conträmi juchata rurasha.

Jeremías 50:25

Nogaga quichaparishcä pillyananpaj pillyacunancuna churarashantami. Nircur jorgamushcä rabyasha pillyanä armäta. Babilonia runacuna tiyashan nasyunchöga yarpaycashäcunatami rurashaj.

Jeremías 50:44

«Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Babiloniacunaga manchacamashpan gueshpir aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipämanman?

Jeremías 51:11

«Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 51:14

¡Nogami chiquishojcunataga gaycamushaj aypalla chüpacacunata-jina. Chauraga paycunanami gamcunata binsiycushushpayqui cushicuypita gaparpanga! Noga munayniyoj Tayta Diosmi chayno në.»

Jeremías 51:24

«Chaypis Judá runacuna, gamcuna ricaycaptiquimi Babilonia runacunataga ayñita cutichishaj imanöpis Sionta rurashanno. Noga Tayta Diosmi chayno në.

Jeremías 51:25

«Babilonia, illgächicoj jircanömi caycanqui. Chaynöga caycanqui llapan runacunata chacracunata illgächishpayquimi. Cananga gampa contrayquimi caycä. Quiquiquitanami castigashayqui. Castigashpämi cuchpärimushayqui. Nircur ticrachishayqui pasaypa rupasha jircaman. Noga Tayta Diosmi chayno në.

Jeremías 51:30

Babilonia suldärucunaga mananami pillyayta munannachu. Pacacunallanchönami pacarpaycan. Callpanpis mananami cannachu. Warminönami carcaycan. Siudänincunamanpis contrancunami juntajpaj yagacaycärisha. Nircur wasincunatapis rupaycärachisha.

Jeremías 51:36

Chaymi Tayta Dios nin: «Nogami alli arriglashayqui. Chaymi contrayquicunataga ayñita cutichishaj. Babiloniacho caj mayucunatawan pashtaj yacuncunatapis ushajpämi chaquirachishaj.

Jeremías 51:44

«Babiloniapa diosnin Belta castigashämi. Llapan micushancunatapis gumitachimushämi. Chaura maygan nasyunpis mananami masga payman aywangapänachu. ¡Ni Babiloniapa pergancunapis ichiraycäga manami quëdangachu!

Jeremías 51:58

Munayniyoj Tayta Diosmi nin: «Babilonia siudäpa intëru cantunpa anchu pergan caycajtapis ushajpämi juchurachenga. Jatun puncuncunatapis llapantami ruparachenga. Llapan nasyun runacuna arur ñacashanpis yangallami canga. Chay-jina uticar arushantapis ninami rupar ushacurconga.»

Jeremías 51:6

«¡Babiloniapitaga aywacuy! ¡Cawayta munaj cäga gueshpicuy! ¡Babilonia runacunapa juchanpitaga llapayqui ama wañuychu! Paycunata ayñita cutichinä junaj chayamushanami. Chaymi juchanman-tupu castigashaj.

Jeremías 51:64

Jitarpur ninqui: ‹Cay jitarpushä röllu tallpucajnömi Babiloniapis illganga. Nircur Tayta Dios castigananpaj caycashanpitaga manami yapay imaypis cashanmanno cutenganachu› nir.» Caycamallami caycan Jeremías rimashancunaga.

Lamentaciones 5:6

Micunäcunapäpis maquëta chojpacur mañacöcuna Egipto runacunata, Asiria runacunata.

Ezequiel 17:18

Judäpa raynenga parlacushanta cumlinanpaj aunircurpis mana cumlirmi manacajman churasha. Chayno rurashanpitami payga wañonga.

Ezequiel 21:22

Surtita gatishanga llojshisha derëchu caj-läman. Chay caj-lächöga Jerusalenmi caycan. Chaura chay caj-läpäga ray niran: ‹Pillyaj yaycuy, perga jananpa yaycunata ruray, intërunpa curalapaycuy, wañuchiy, magaj yaycur gaparpay, puncuncunata amiriy› nir.

Nahúm 1:2

Tayta Diosga payllata sirbinanchïtami munan. Mana allita rurashaga pay rabyar castigacunmi. Pay nishanta mana rurajcunataga rurashanmannömi castïguta gon. Paypa contran cajcunapäga fiyupami rabyan.

Mateo 7:2

Runa-masiquita jamurpar washanta rimashayquinöllami gamcunatapis Tayta Dios jusgashunquipaj. Runa-masiquita imanöpis ricashayquimannöllami Tayta Diospis ricashunquipaj.

Lucas 21:22

Chay wichanga fiyupami castïgu canga. Chayno ruraptinmi Tayta Dios isquirbichishan llapan cumlenga.

Romanos 12:19

Ermänucuna, chiquishojniquicunata ama bingansata cutichiychu. Chaypa ruquenga Tayta Diosninchïpa maquinman churaycuy pay jusgananpaj. Tayta Diosninchïpa palabranchöpis caynömi niycan: «Rurashanman-tupu quiquëmi runacunataga jusgashaj.»

Romanos 3:5

Capas gamcuna yarpanqui «noganchi juchasapa cashapis Tayta Diosga allimi ricamanchi» nir. Castigashuptiquina capas yarpanqui «Diosga fiyupa mana allitami ruraycan castigamashpanchi» nir. (Chayga runa yarpashallanmi.)

Deuteronomio 32:35

Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

Deuteronomio 32:41

Conträcunata jusganäpaj achicyaypa achicyaycaj espädäta afilashaj. Chiquimajcunataga llapantami castigashaj. ¡Chiquimajcunataga merësishanman-tupumi ayñita cutichishaj!

Deuteronomio 32:43

«May-chay nasyunchöpis tiyaj runacuna Tayta Dios acrashan Israelcunawan iwal cushicuy-llapa. Paymi ayñita cutichishpan wañuchenga sirbejnincunata wañuchishanpita. Acrashan runacuna cushisha cawananpämi tiyashan nasyunninta limyuyächenga.»

2 Tesalonicenses 1:8

Tayta Diosta mana cäsur Jesucristupa alli willacuyninta mana chasquicojcunataga castigangami.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.

Josué 6:20

Wagracunata mas jucnötana tucayta gallaycuptin Israelcunapis mana chawaypa gaparparan. Chaura siudäta curalaraycaj perga juchucäcuran. Jinan öra Israelcunapis yaycucaycärir siudäta charicarcäriran.

Josué 6:5

Tucaycashanpita guërrapäna tucayta gallaycuptin llapan callpayquipa gaparpanqui. Chaura jinan örami siudäpa pergancuna juchucäconga. Juchuptin jinan öra siudäman yaycucaycärinqui.»

Apocalipsis 16:6

Chay runacunaga gamman yäracojcunata, profëtacunatapis wañuchiranmi. Yawarninta jichar wañuchishanpitami quiquincunapis cananga yawarllatana upuycan. Cananga rurashanman-jinami paytapis chayaycan.»

Apocalipsis 18:6

Imanömi jucta ruraran chayno paytapis ruray. Rurashanpita masta cutichiy. Juccunata machächir ñacachishan bäsunman quiquintaga mas aypallata camaripay.

Apocalipsis 19:2

Payga rasun cajpita allimi jusgasha. Llapan runacunata juchata rurachej mañösatapis castigashanami. Tayta Diosta sirbejcunata wañuchishanpitami castigasha.»

1 Samuel 15:33

Chayaptin Samuel niran: «Gamga sabliquiwanmi achcaj warmicunapa wamranta wañuchishcanqui. Cananga mamayquipis wamraynajmi quëdanga.» Samuel chayno nir Agagtaga ichic-ichiclla cuchuran Tayta Diospa ñaupancho, Gilgalcho.