Jeremías 49:8 - Tayta Diosninchi Isquirbichishan

⁸ ¡Dedán siudä runacuna, gueshpir aywacushpayqui pacacuy! Esaüpita miraj runacuna tiyashan nasyuntaga illgächejmi-aywä. Chay nasyun runacunata castiganäpaj caj junaj chayamushanami.

Jeremías 49:8 ပူးပေါင်းရင်းမြစ်များ

Isaías 2:21

Chay junaj runacunaga mancharishpanmi yagacaycärengapaj gagacho caycaj uchcucunaman, pachapa shimin uchcucunamanpis. Chaynöga pacaconga Tayta Diosta manchacushpanmi.

Isaías 21:13

Arabia imano cananpäpis Tayta Dios ribilashanta Isaías cayno willacuran: Dedán runacuna Arabiacho caycaj shatacunaman pacacuy.

Isaías 34:5

Rasunpami Tayta Diospa sablenga syëlucho yurenga. Chay sabliga Edom runacunamanmi yaganga. Edom runacunataga Tayta Diosmi wañunanpaj distinasha.

Jeremías 25:23

Chayno upuchirä Dedán, Temá, Buz runacunatapis, sentïdunpa ajchanta rutucoj runacunatapis,

Jeremías 46:21

Guellaypaj pillyaj mincaynincunapis wera töru-mallwacunanömi. Ichanga paycunapis upucruypita gueshpirmi aywaconga. Pillyananpäpis manami ichipangapänachu. Paycuna disigrasyaman chayanan junäga chayaycämunnami. Castigasha canan junäga chayaycämunnami.

Jeremías 48:28

Moab runacuna, siudäta cachaycärir gueshpicuy. Gaga chaupincunaman aywacuy paluma gagapa wirpancunacho gueshtata ruraycur tiyajno tiyacunayquipaj.

Jeremías 48:44

Casadurcunapita gueshpej cäga uchcumanmi yaganga. Uchcupita llojshej cajnami togllaman watacanga. Nogami camacächishaj Moab nasyuncho tiyajcuna castigashana cananpaj. Noga Tayta Diosmi chayno në.

Jeremías 48:6

¡Gueshpicuy-llapa! ¡Wañuyta mana munaj cäga imanöpapis gueshpicuy! ¡Chunyaj chaqui jircacho shira caycajno tiyacuy-llapa!

Jeremías 49:30

¡Hazorcho tiyajcuna gueshpir aywacuy! ¡Llapaniqui pacacuy! Babiloniapa raynin Nabucodonosormi parlacusha gamcunata wañuchej shamunanpaj.

Jeremías 49:32

¡Llapan uywancunata camëlluncunata suwapäshun!› nir. Sentïdunpa rutucojcunataga Nogami intëruman mashtacächishäpaj. Intërupitami paycunamanga ñacay chayanga. Noga Tayta Diosmi chayno në.

Jeremías 50:27

Llapan nubillucunatapis wañuchiy. Wañuchinanpaj caycaj partiman apachiy. ¡Wawallau! ¡Babilonia castigasha cananpaj junaj chayamushanami!

Jeremías 6:1

Nortipita fiyupa manchariypaj y disigrasyami chayamunanpaj caycan. ¡Benjamín trïbu runacuna Jerusalenpita gueshpir aywacuy! ¡Pacacunayquipaj ashiy! Tecoa marcacho wagrata tucay-llapa. Bet-haquerem marcacho goshtachiy musyananpaj.

Ezequiel 25:13

Chaypitami noga Tayta Diosga në: Edom runacunata castigarmi illgächishaj chaycho tiyaj runacunata, uywantinta. Ushajpämi illgarachishaj. Chaymi Temán partipita-pacha Dedán particama runaga sabliwan wañonga.

Malaquías 1:3

Esaütami ichanga chayno mana cuyarächu. Esaú castacunapa achca puntayoj nasyunnin caycajtapis chunyajmanmi ticrarachirä. Alli chacrancunatanami jirca animalcuna tiyanallanpaj ticrarachirä.»

Malaquías 1:4

Esaú casta Edom runacunaga caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj Tayta Diosmi ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹Tayta Dios para-simri rabyapashan nasyun› nir.

Apocalipsis 6:15

Runacunanami gagacunaman, machaycunaman pacacuran. Cay pachacho caj raycuna, mandaj suldärucuna, rïcucuna, uywaycuna, waquin runacunapis llapanmi pacacuran.

Jueces 6:2

Madián runacuna fiyupa ñacachiptin Israelcunaga manchacushpan pacacunancunata ruraran jirca gaga chaupincunacho, machaycunacho pipis mana yaycunancunacho.

1 Samuel 13:6

Chaura Israelcunaga fiyupa manchariran. Filistea runacunaga intërupa yaycapaycuran. Chaymi Israelcunaga pacacuran, intëru jircaman, tarishan uchcucunaman, machaycunaman, gaga chaupincunaman, shillicunaman, maymanpis pacacunanpaj tarishanman.