Jeremías 49:7 - Tayta Diosninchi Isquirbichishan

⁷ Edom nasyun runacunapaj munayniyoj Tayta Dios caynömi niran: «¿Temán siudächöga mananachu can yachajcuna? ¿Mananachu tantiyajcuna ima ruraytapis puydipacanna? ¿Yachajcunapis llapan yachay cayninta gongaycärishanachu?

Jeremías 49:7 ပူးပေါင်းရင်းမြစ်များ

Génesis 25:30

Chayno chayamur wauguinta niran: «Chay puca micuy rurashayquita mañacushayqui. Fiyupami yargaycä. Garaycamay ari» nir. (Chaypitami Esaütaga Edom ninpis.)

Génesis 27:41

Papänin bindisyunta goshan junajpita-pachami Esaüga Jacobta fiyupa chiquipacurcuran. Chaymi Esaú cayno yarparan: «Alläpaga papänë mananami cawanganachu. Papänë wañucuptinnaga wauguë Jacobta wañuycachishämi» nir.

Génesis 32:3

Jacobga uywaynincunata cacharan Seircho caycaj Edom partiman. Cachacuran wauguin aywaycashanta Esaüta willananpaj.

Génesis 36:11

Elifazpa wamrancunanami caran: Temán, Omar, Zefo, Gatam, Cenaz.

Génesis 36:15

Esaüpa guechpa wamran Elifazpa wamrancunapis mandaj caran. Paycuna caran Temán, Omar, Zefo, Cenaz,

Génesis 36:34

Jobab wañuptinna paypa ruquin ray caran Husam. Payga caran Temán marcapitami.

Génesis 36:8

Chaynöpa Edom jutiyoj Esaú castacunaga llapan aywacuran Seir particho caycaj jircacunaman.

1 Crónicas 1:53

Cenaz, Temán, Mibzar,

Job 2:11

Jobpa quimsa amïguncuna Temán partipita caj Elifaz, Shúa partipita caj Bildad, Naamat partipita caj Zofar aywaran Job gueshyaycashanta mayaycur nanaywan Job llaquicuycajta shogananpaj.

Job 4:1

Chayno niptin Temán runa Elifazga Jobta niran:

Salmos 137:7

Tayta Dios Edom runacuna nishantaga ama gongaychu. Jerusalén mana alliman chayaptin paycunaga cushicuypita gayarparan: «¡Illgächiy! ¡Illgächiy! ¡Llapan simintuntinta illgächiy!» nir.

Isaías 21:11

Edom runacuna imano cananpäpis Tayta Dios ribilashanta Isaías cayno willacuran: Seirpita-pachami juc gayacusha: «Ricachacoj, ¿imaynataj pacha waranga? Ricachacoj, ¿aycarätaj pishin cay ñacay päsananpaj?» nir.

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Jeremías 12:14

Tayta Dios caynömi nin: «Israelcunapa bisïnun nasyun runacunaga acrashä runacunatami pirdichisha. Chaypitami paycunataga noga gargushaj. Judá runacunatapis paycunapita gargushämi.

Jeremías 18:18

Runacunaga ninacuran: «Jeremiasta calumyananchïpaj parlacushun. Pay manana captinpis cüracunaga manami pishengapächu yachachimänanchïpaj, musyajcuna willapämänanchïpaj, profëtacunapis Dios nishanta willamänanchïpaj. Jeremiastaga tucuynöpa calumyashun. Pay imata willapämashapis ama wiyaj-tucushunchu.»

Jeremías 25:21

Upuchirä Edompa, Moabpa, Amonpa,

Jeremías 25:23

Chayno upuchirä Dedán, Temá, Buz runacunatapis, sentïdunpa ajchanta rutucoj runacunatapis,

Jeremías 25:9

cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.

Jeremías 49:20

Edom runacunapaj noga munayniyoj Tayta Dios imano yarpashätapis wiyay-llapa. Temancho tiyajcunapaj imano cananpaj yarpaycashätapis wiyay. Chaycho tiyajcunataga tacshannincunatapis apacongami. Nasyun intërutami pasaypa ushacashata cachayconga.

Jeremías 8:9

Chaypitami chay musyaj-yachajcunaga pengaycho cangapaj. Trampaman yaycusha animalnöpis mancharenga. Noga nishätaga manacajmanmi churasha. Chauraga ¿imanöpataj yachaj canga?

Lamentaciones 4:21

Uz particho caj Edom nasyun runacuna mä cushicuy ari. Gamcuna cajmanpis castïgu chayamongapämi. Chauraga macharcur garapächulla cashannömi pengaypaj ricacunquipaj.

Ezequiel 32:29

«Chaychömi caycan Edompis raynincunawan, mandajnincunawan. Fiyupa munayniyoj casha cashpanpis guërracho mala-muertipa wañojcunawan iwalmi caycan.

Daniel 11:41

Chayno aywarmi yaycongapaj Cuyayllapaj nasyuncho Dios acrashan runacuna tiyaycajmanpis. Chaychömi aypalla runacunata wañuchengapaj. Chayno wañuycachiptin quëdangapaj Edomcho, Moabcho tiyajcunallana. Amón nasyuncho tiyajcunapis pullan masmi quëdangapaj.

Joel 3:19

Egiptoga pasaypa ushacashami quëdangapaj. Edomnami chunyajman ticrangapaj. Chaynöga cangapaj Judá runacunata magashanpitami, mana juchan caycaptin nasyunnincho Judá runacunata wañuchishanpitami.

Habacuc 3:3

Diosga Temán partipitami shamun. Santo Diosga Parán jircapitami shamun. Selah Munayniyoj captin achicyaynenga intëru syëluchömi achicyaraycan. Intëru munduchönami payllatana alabarcaycan.

Deuteronomio 23:7

«Edom runacunata ichanga ama chiquinquichu. Paycunaga yawar-masiquimi. Egipto runacunatapis ama chiquinquichu. Paycunapa nasyunninchömi tiyarayquipis.