Jeremías 49:5 - Tayta Diosninchi Isquirbichishan

⁵ Chaypitami gamcunamanga intërupita cachamushaj fiyupa manchachicojcunata. Chaura cada-ünuyquimi munashayquipa gueshpir aywacunquipaj. Chayno gueshpir aywacojcunata cutichimunanpäga manami pipis cangapächu. Noga munayniyoj Tayta Diosmi chayno në.

Jeremías 49:5 ပူးပေါင်းရင်းမြစ်များ

2 Reyes 19:7

Nogami camacächej-aywä payman willapa chayaptin cuticunanpaj. Chaura nasyunninman cuticongapaj. Chaychönami camacächishäpaj payta juc wañuchinanpaj› nir.»

Job 15:21

Paycunaga imapis gaparämojta wiyar fiyupa mancharin. Pipis mana yaycunancho caycaptinpis suwacunaga suwapanmi.

Proverbios 28:1

Fiyu runaga pipis mana gaticachaycaptinmi gueshpir aywacun. Juchaynaj alli runami ichanga liyunno mana manchacuypa goyäcun.

Isaías 16:3

Chay warmicunami Sionta nin: «Yarpachacuy imanöpapis nogacunata pacaycamänayquipaj. Nogacunata washämay ari. Junaj caycaptin llantuyniquiwan chapacurcuy chacayno ricacunanpaj. Jitarisha caycajcunataga pacaycamay ari. Ama ‹caychömi pacaraycan› niycuychu.

Jeremías 15:8

Biyüdacunapis aypallami canga lamar cantuncho caycaj agushpitapis masraj. Las-dösi intimi mamantinman llapan mösucunamanga wañuyta cachamushaj. Paycunamanga illajpitami manchariytawan llaquicuytapis chayachishaj.

Jeremías 16:16

«Nogami cachamushaj achcaj contrancunata. Chaycunami Israel runacunataga pescäduta charej-jina charenga. Chaycunami casadurcuna charejnöpis Israelcunataga jorgamonga jircacunapita, puntacunapita, machaycunapita, gagapa shillincunapitapis.

Jeremías 20:4

Tayta Diosmi cayno nin: ‹Cananga quiquiquipaj y amïguyquicunapäpis fiyupa manchariypämi canquipaj. Ricapaycaptiquimi llapan amïguyquicunata contrayquicuna sabliwan wañuchenga. Llapantami Judächo tiyajcunataga Babilonia raypa maquinman cachaycushaj. Chay raymi llapanta Babiloniaman prësu apachenga. Mana apashpanga cuchuypami wañuchenga.

Jeremías 46:5

«Ichanga ¿imatataj ricä? Egipto suldärucunaga fiyupa mancharishami gueshpir cuticurcaycan. Binsiycuptinnami pillyajcunaga mashtaypa-mashtar aywacuycan. Mana ticraycuypami gueshpir aywacurcaycan. ¡Intërupami manchariypaj caycan! Noga Tayta Diosmi chayno në.

Jeremías 49:29

Tolduncunata, uywancunata, ima-ayca charashantapis ushaypa apacuy. Camëlluncunata guechuy. Nircur manchachishpayqui gayaray ‹¡Intërupami fiyupa manchariypaj caycan!› nir.

Jeremías 6:25

Jircapaga ama llojshiynachu. Nänicunapapis ama puriychu. Contranchïcunaga wañuchicunanwanmi caycan. Intërupami pasaypa manchariypaj caycan.

Lamentaciones 4:15

«¡Witicuy-llapa! ¡Chaycunaga ganra runacunami caycan!» nir gayarpan. «Guella puricachaj runacunami. Amana caychöga tiyachunnachu» ninmi Diosta mana rispitajcunaga.

Amós 4:3

Chauraga gatinayllanpami perga uchcucunapa llojshinquipaj. Hermonmanmi gargurishunquipaj.» Tayta Diosmi chayno nisha.

Josué 2:9

«Nogaga musyänami cay partita Tayta Dios goycushushayquita. Tayta Diosga camacächisha gamcunata fiyupa manchacunäpaj. Chayamushayquipitami caychöga llapan fiyupa manchariycan.