Jeremías 49:33 - Tayta Diosninchi Isquirbichishan

³³ Hazorchöga imaypis manami pipis tiyangachu. Chunyajmi, jirca allgucuna tiyanallannami cangapaj. Chaychöga manami pipis tiyangapänachu. Ni caminanticunapis manami pachacongapänachu.»

Jeremías 49:33 ပူးပေါင်းရင်းမြစ်များ

Isaías 14:23

Chay partitaga ticrarachishaj mitu-mitu gochamannami, chushyajcuna tiyanallanmannami. Illgächicuna pichanawanmi illgächiypa pichashaj.» Munayniyoj Tayta Diosmi chayno nisha.

Jeremías 10:22

¡Sumaj wiyay-llapa! ¡Mana alli willapami chayaycämun! Norte caj-lä nasyunpitami aypalla suldärucuna aywarcaycämun. Chay suldärucuna chayamushpan Judächo caycaj siudäcunataga illgarachengami. Chaura jirca allgucunallanami chaychöga tiyanga.

Jeremías 51:37

Quëdangapaj pasaypa juchusha. Chaychöga tiyanga jirca allgucunallana. Pï runapis manami tiyanganachu. Chaura juc-lä nasyun runacunaga almirashpanmi mancharenga.

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Sofonías 2:9

Chaypitami nogaga quiquëpa jutëcho jurashpä në: Moabtaga päsangapaj Sodomata päsashannömi. Amontapis päsangapaj Gomorrata päsashannömi. Chay siudäcunaga shata cashacunallami, cachi rumicunaman ticrashami cangapaj. Chay siudäcunaga ticrangapaj chunyajmanmi. Chaura cawaycar quëdaj acrashä runacunami ima-aycantapis shuntaconga. Chay runacunapa chacrancunamanpis paycunanami tiyacaycärengapaj.»

Malaquías 1:3

Esaütami ichanga chayno mana cuyarächu. Esaú castacunapa achca puntayoj nasyunnin caycajtapis chunyajmanmi ticrarachirä. Alli chacrancunatanami jirca animalcuna tiyanallanpaj ticrarachirä.»

Apocalipsis 18:2

Chay anjilmi sinchipa nimuran: «¡Ushacashanami Babilonia! ¡Ushacashanami jatuncaray siudä! Cananga dyablucunallanami chaycho tiyaycan. Chaychöga ganra äbicunallanami, asyaj animalcunallanami tiyaycan.