Jeremías 49:22 - Tayta Diosninchi Isquirbichishan

²² Contrancunaga Bosraman yayconga chipsata charinanpaj anca lluyllucarcur cörrejnömi. Chay junaj Edompa suldäruncunaga warmi nanaycho caycajnörämi sicsicyangapis.»

Jeremías 49:22 ပူးပေါင်းရင်းမြစ်များ

Salmos 18:5

Wañuyga wascanömi pitucarcamaran. Wañunäpämi togllacunata churaran.

Proverbios 30:19

Janajcho ancapa näninta, gagacho culebrapa näninta, lamarcho büquipa näninta; warmiwan ollgu imano majachacashantapis.

Isaías 11:14

Ishcan nasyunnami aywanga inti yaganan caj-lächo caycaj Filistea nasyunman. Paycunata magananpaj yagaparconga. Inti yagamunan caj-lächo tiyajcunapatapis ishcanmi ima-aycantapis guechumonga. Chaynöpami paycunapa maquinchöna canga Edom runacunapis, Moab runacunapis, Amón runacunapis.

Isaías 13:8

Fiyupa mancharishami ricacongapaj. Fiyupa llaquicuymi charengapaj. Cuerpuncunapis fiyupami nanacuycongapaj. Chauraga warmi nanaycho caycajnörämi milluycachangapis. Jucninpis-jucninpis mancharishami ricapänacongapaj. Pengacuyllawan cärancunapis pucayacäcongapaj.

Isaías 21:3

Babiloniata Tayta Dios imanöpis castigananpaj cashanta musyarmi cuerpöcunapis manchariywan shiririn. Gueshyacunanpaj warmi nanaycho caycajnörämi nanächicuycäpis. Wiyashäga fiyupami llaquicaycächiman. Ricashäcunapis fiyupami manchariycächiman.

Isaías 26:17

Tayta Dios, gampa ñaupayquicho caycaräcuna, imanömi gueshyaj warmi gueshyacunan öra milluycachar nanaywan gaparan, chayno.

Jeremías 13:21

Jerusalén runacuna ¿ima ninquiraj amïguyqui cananpaj quiquiquicuna ashishayqui runacuna mandashuptiqui? Chayrämi gueshyaj warmita nanay chariycaptinnöpis ñacanquipaj.

Jeremías 22:23

Canan gamga, sedrupita rurasha wasichömi tiyaycanqui. Líbano Munti jutiyoj palasyuyquita rurarcachirmi gueshtachöno cushisha goyaycanqui. ¡Ichanga nanaycunawanrämi fiyupa ñacanquipaj! ¡Chayrämi canquipaj gueshyacunanpaj warmita nanay charishanno!»

Jeremías 30:6

Mä tapucachay, ¿juc ollgu runa gueshyacunmanchuraj? Chauraga ¿imanirtaj ollgu runacunata ricä chegllan charisha tumaycachaycajta, gueshyacunanpaj nanay chariptin warmi milluycachaycajtano? ¿Imanirtaj paycunaga llapanpis pasaypa yur'gacäcusha?

Jeremías 4:13

«Chaura Israelcuna nengapaj: ‹Masqui ricäriy. Contranchïcunaga pucutaynömi aywarcaycämun. Pillyapaj carrëtancunapis löcu wayranörämi. Cawalluncunapis ancapita masrämi cörriycämun. ¡Cananchi cananllaga! ¡Manami imanöpa gueshpiytapis camäpacunchïnachu!› nir.

Jeremías 4:31

Guechpa wawanta warmi gueshyacunanpaj nanaycho car gaparajno gaparpaycajtami wiyä. Sioncho tiyajcunami maquillan chojpasha gaparpaycan ‹¡Cananllapänachari caräpis! ¡Wañuchicojcunami wañuycachimanga!› nir.»

Jeremías 49:24

Damascucho tiyajcunapis callpaynajnöna ricacushpanmi gueshpir aywacunanpaj yarpachacurcaycan. Fiyupami manchariycan; pasaypami llaquicuycan. Gueshyacunanpaj caycaj warmitanöpis nanaymi charicuycun.

Jeremías 50:36

¡Musyacojnincuna guërracho cachun chaynöpa löcuna ricacunanpaj! ¡Suldäruncunapis guërracho cachun chaynöpa manchariywan sicsicyananpaj!

Jeremías 50:43

Cay willapata mayaycur Babiloniapa raynenga manchariyllawan chiyacashami ricacusha. Yarpachacuyllawan llaquicuyllawan cuerpuncunapis nanaycan, gueshyaj warmita nanay charejnörämi.

Jeremías 6:24

«Willapatami mayashcanchi. Chayta wiyaycurmi manchariyllawan callpaynajnöna ricacushcanchi. Cananmi ichanga nanaycho caycaj warminöraj llaquicunchi, nanächicunchi.

Daniel 7:4

Rimir caj waräcuyga liyun-niraj caran. Ichanga ancapa-niraj älanpis caran. Ricapaycaptillämi älancunapis rachicäcuran. Chauraga runa ichirajno guepa caj chaquillanwanna ichicurcuran. Yarpayninpis runapanöna ticracuriran.

Oseas 8:1

«¡Ricachacoj, trompëtata tucay! Acrashä runacuna cajmanmi juc anca aywaycämun. Aywaycämun acrashä runacuna conträtuta rurar parlashäta mana cumlishanpitami, yachachishäcunata mana wiyacushanpitami.

Abdías 1:9

Manchariywanmi sicsicyanga Temancho caj pillyay yachajcunapis. Gamcunacho tiyajcunaga ushajpämi wañonga.

Deuteronomio 28:49

Tayta Diosmi cachamongapaj juc-lä nasyun runacunata. Ancanöpis illajpitami chayamongapaj. Rimaynintapis manami tantiyanquipächu.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.