Jeremías 49:19 - Tayta Diosninchi Isquirbichishan

¹⁹ Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Edom runacunaga manchacamashpan gueshpirmi aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipamanman?

Jeremías 49:19 ပူးပေါင်းရင်းမြစ်များ

1 Crónicas 12:15

Paycunami tamya quilla gallariycaptin Jordán mayu fiyupa chayasha ragra junta aywaycaptin chimparan. Nircur mayu cantun pampacho inti yagamunan cajcho, inti yaganan cajcho tiyaycajcunatapis gaticacharan.

2 Crónicas 20:6

mañacuran cayno nir: «Unay awilöcunapa Tayta Diosnin, gammi canqui janaj syëlucho caycaj Dios. Gamllami intëru nasyuncunatapis mandaycanqui. Gamllami canqui fiyupa munayniyoj, callpayoj. Gamtaga manami pipis ichipäshunquichu.

Job 41:10

Pipis gallariparcuptenga fiyupami rabyacurcun. Chayno caycaptenga nogapa ñaupächo ¿piraj ichiraycanman?

Job 9:19

Callpäman yäracuptëpis ¡payga mas munayniyojmi! Demandacuptëpis, ¿piraj gayachinman?

Job 9:21

Juchaynajmi cä. Ichanga manami imananpischu. Cawaytaga yamacashanami caycä.

Salmos 143:2

Gampa ñaupayquichöga manami pipis juchaynäga canchu. Chayno captin nogataga ama jusgaycamaychu ari.

Salmos 76:7

¡Gamga canqui fiyupa puydej y manchanami! ¿Piräshi ichipäshunquiman rabyacurcuptiquega?

Salmos 76:8

Tayta Dios syëlupita-pachami jusganquipaj. Chaymi cay pachapis mancharir mana cuyucunchu.

Salmos 89:6

¡Manami ima diospis, ni syëlucho caycajcunapis gammanga tincunchu!

Salmos 89:8

Ima-aycapäpis munayniyoj Tayta Dios ¿piraj gammanga tincunman? Gamllami rasunpa cajtapis ruranqui; munayniyoj canqui.

Éxodo 15:11

«Tayta Dios, maygan dioscunapis gammanga manami tincunchu. Gamno santuga manami juc canchu. Gamno munayniyöga manami juc canchu. Gamga fiyupa almiraypajcunatami rurashcanqui.

Isaías 40:25

Santo Tayta Diosmi tapushunqui: «Gamcunaga ¿imamanraj tincuchimanqui? ¿Piraj nogamanga tincunman?» nir.

Isaías 46:9

Unaypita-pacha imano päsashantapis yarpay. Nogallami Diosga cä. Manami mas juc Dios canchu. Nogaman tincöga manami juc dios canchu.

Jeremías 12:5

Chayno niptin Jeremiasta Tayta Dios niran: «Chaquipa cörrej runawan llallinacushpallayquipis fiyupana uticashpayquega ¿imanöpataj llallinacunquiman cawallun muntasha cörrejwanga? Lliuyaj pampacunachöga allimi caycanqui. Ichanga ¿imanöraj canquiman Jordán muntichöga?

Jeremías 25:9

cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.

Jeremías 30:21

Quiquincunapitami juc mandaj jatarenga. Llapanta mandananpaj quiquincunapitami yurenga. Pay ñaupächo cananpämi camacächishaj. Chayno mana camacächiptëga ¿piraj ñaupäman chayamunman?

Jeremías 4:7

Puñunancho caycashanpita cäsata ashej liyun aywajnömi nasyuncunata ushajpaj illgächej aypalla suldärucuna aywaycämun. Nasyunniquicunata illgächinanpämi aywarcaycämun. Paycunami siudäniquicunatapis ragällan chunyajta cachayconga.

Daniel 7:4

Rimir caj waräcuyga liyun-niraj caran. Ichanga ancapa-niraj älanpis caran. Ricapaycaptillämi älancunapis rachicäcuran. Chauraga runa ichirajno guepa caj chaquillanwanna ichicurcuran. Yarpayninpis runapanöna ticracuriran.

Nahúm 1:6

Pay fiyupa rabyasha caycashan öraga ¿piraj ichiraycanman? ¿Piraj awantanman rabyasha caycaptenga? Paypa rabyaynenga nina wapchacojnömi. Chaynöpis, paypa ñaupanchöga gagacunapis shillicäcunmi.

Zacarías 11:3

Uyshërucunaga gaparayparämi wagarcaycan, cuyayllapaj guewancuna ushajpaj illgasha captin. Jordancho fiyupa juntasha caycaj jachacuna ushajpaj illgasha captinmi liyunpis wagaycan.

Números 16:5

Nircur Corëtapis waquin runacunatapis niran: «Wara tutami Tayta Dios musyachimäshun pï paypa cashanta, pita acrashanta, pï ofrendancunata churananpaj cashanta. Pay quiquinmi nenga picuna ñaupanman witinanpäpis.

Josué 3:15

Cosëcha wichan Jordán mayuga aypalla car jicha-jichami aywaj. Chayno captinpis babulta apaycaj cüracuna mayuman yaycur chaquincunata yacu ushmarcuptin

Apocalipsis 6:17

¡Llapan runacunata jusgananpaj caj timpu chayamushanami! ¡Tayta Diospa castïguntaga manami pipis awantangachu!»