Jeremías 48:35 - Tayta Diosninchi Isquirbichishan

³⁵ «Nogaga illgächishämi Moab runacuna puytush lömacunaman aywaycur diosnincunapaj uywacunata rupachejta, insinsuta rupachejcunata. Noga Tayta Diosmi në chayno ruranäpaj cashanta.

Jeremías 48:35 ပူးပေါင်းရင်းမြစ်များ

Isaías 15:2

Nebo, Medeba siudäcuna ushajpaj illgashanpitami Moab runacunaga fiyupa llaquiconga. Diboncho tiyaj runacuna wagaj aywanga puytush lömacho caycaj capillacunaman. Llaquicur llapanpis ajchan rutucusha, shapran jichcacusha carcaycanga.

Isaías 16:12

Moab runacuna puytush lömacunaman aywashpan uticänancama chaycho mañacushanpis, capillancunaman mañacoj aywashanpis manacajllapämi canga.

Jeremías 11:13

Judá runacuna, gamcunapaga siudäniquicuna cashanmanno achcami diosniquicunapis. Jerusalenpa cällincuna aypalla cashantanömi Baal diospaj saumachinanpaj altarcunatapis rurashcanqui.

Jeremías 48:7

Moab, gamga munayniyoj cashayquimanmi, imay-aycayquipis cashanmanmi yäracoj-canqui. Ichanga gamcunatapis prësumi charishunquipaj. Quemós diosniquita, cürayquicunata, mandaj runacunatapis prësumi apanga.

Jeremías 7:9

Gamcunaga suwacurcaycanqui, wañuchicurcaycanqui runa-masiquipa warminwan cacurcaycanqui, llullacuypa jurarcaycanqui, insinsuwan Baal diosta saumaycächinqui. Gamcunaga juc-lä runacuna «diosnë» nir adurashantami adurarcaycanqui.

Números 28:14

Bïnuga cada töru-mallwapaj canga ishcay litru, carnipäga litru medyan. Cada cashnipäna canga juc litru. Chaynömi cada quilla rimir junajchöga rupachinqui.