Jeremías 48:28 - Tayta Diosninchi Isquirbichishan

²⁸ Moab runacuna, siudäta cachaycärir gueshpicuy. Gaga chaupincunaman aywacuy paluma gagapa wirpancunacho gueshtata ruraycur tiyajno tiyacunayquipaj.

Jeremías 48:28 ပူးပေါင်းရင်းမြစ်များ

Génesis 8:12

Cutimushanpita ganchis junajta palumata yapay cacharan. Chaura palumaga manana cutimurannachu.

Cantares 2:14

Cuyashä paluma, gamga pacacuycanqui gagacunamanmi. Ama pacacuychu ari. Cärayquita ricaycushaj ari. Busniquita wiyarcushaj ari. Gam rimashayquega maysi wiyacuyllami. Gamga maysi ricapäcuyllami canqui.

Isaías 2:19

Tayta Dios chayno shamuptin runacunaga mancharishpanmi yagacaycärengapaj gagacho caycaj uchcucunaman, pacha rurinpa caycaj uchcucunamanpis. Chaynöga pacaconga manchacuypaj munayniyoj Tayta Diospitami.

Jeremías 48:9

Moab nasyuntaga ushajpämi illgächej-aywan. Siudänincunapis juchusha ragällanmi quëdanga. Manami ni jucnayllapis runa tiyangapänachu. Chaymi Moabta yarpänanpaj juc señalta churapay.

Jeremías 49:16

Pï-maytapis manchachej cashayquimi, alli-tucushayquimi engañashurayqui. Gagapa shillincunachömi tiyarcaycanqui. Altunnin puntacunachömi pachacaraycanqui. Ichanga ancacunano altunnincho caycajtapis urächimushayquimi. Noga Tayta Diosmi chayno në.

Jeremías 49:8

¡Dedán siudä runacuna, gueshpir aywacushpayqui pacacuy! Esaüpita miraj runacuna tiyashan nasyuntaga illgächejmi-aywä. Chay nasyun runacunata castiganäpaj caj junaj chayamushanami.

Jueces 6:2

Madián runacuna fiyupa ñacachiptin Israelcunaga manchacushpan pacacunancunata ruraran jirca gaga chaupincunacho, machaycunacho pipis mana yaycunancunacho.

1 Samuel 13:6

Chaura Israelcunaga fiyupa manchariran. Filistea runacunaga intërupa yaycapaycuran. Chaymi Israelcunaga pacacuran, intëru jircaman, tarishan uchcucunaman, machaycunaman, gaga chaupincunaman, shillicunaman, maymanpis pacacunanpaj tarishanman.