Jeremías 46:27 - Tayta Diosninchi Isquirbichishan

²⁷ «Jacobpita mirar aywaj Israelcuna ama manchacuychu. Sirbimajcuna ama juc-nirajyaypischu. Maymanpis caru nasyunman apashushayquipitami gamcunata, llapan wamrayquicunatapis jorgamushayquipaj. Chaypitaga allillanami goyäcunquipaj. Pipis manami manchachishunquipänachu.

Jeremías 46:27 ပူးပေါင်းရင်းမြစ်များ

Isaías 14:3

Israelcuna, ñacaycashayquipita uywayno fiyupa sirbircaycashayquipita Tayta Dios jamachishunquipämi.

Isaías 43:1

Cananmi ichanga Jacobpita mirar aywaj Israelcuna, camashoj Tayta Diosniqui cayno nishunqui: «Ama manchacuychu. Nogami gamtaga salbashcä. Jutiquipami gayashcä. Nogapanami canqui.

Isaías 43:5

Ama manchacuychu. Nogaga gamcunawanmi caycä. Cay pachacho inti yagamunan caj-läpitami gamcunapita mirajcunataga cutichimushaj. Cay pachacho inti yaganan caj-läpitapis gamcunapita mirajcunataga shuntamushämi.

Isaías 44:1

«Canan ichanga Jacobpita miraj acrashä Israel runacuna, sirbimajcuna sumaj wiyamay.

Isaías 44:2

Nogami gamcunata ruraj Tayta Diosniqui caycä. Mamayquipa pachancho yurinayquipäpis nogami camacächirä. Nogami gamcunataga yanapaycä. Jesurún, Jacobpita miraj sirbimajnëcuna, acrashä runacuna ama manchacuychu.

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Jeremías 29:14

Nogaga gamcunawannami caycäshaj. Chaymi gamcunataga may nasyunpitapis, mayman gargusha cashpäpis cashgan cutichimushayquipaj. Shuntamur camacächishäpaj cay nasyunniquiman cutimunayquipaj. Noga Tayta Diosmi chayno në.»

Jeremías 32:37

Chaypis fiyupa rabyar intëru nasyunman gargushä Israelcunata llapantami shuntashaj. Cutichimushaj pipis imatapis mana rimapaptin allillana goyäcunanpämi.

Jeremías 33:16

Chay wichan Judá runacunaga allinami goyangapaj. Jerusalén runacunapis allillami goyanga. Chaymi jutintaga churapangapaj ‹Tayta Diosmi alliman churamajninchi› nir.

Jeremías 50:19

Chayno ruraptë Israelcunaga quiquinpa nasyunninmanmi cuticongapaj. Uyshapaj guewa caycajnöpis paycunapaga aypallami chacrancuna caycanga: Carmelo puntapis, Basanpis, Efraín aypalla puntayoj jircapis, Galaadpis.

Jeremías 51:46

Ama manchariychu ni llaquicuypischu intëru nasyunpa willapa captin. Cada watami willapaga jucno-jucno canga. Chay willapaga canga wañuchinacuypaj, juc siudäpa mandajninwan juc siudäpa mandajnincuna pillyananpaj.

Ezequiel 16:53

« ‹Chaypitanaga nogami camacächishaj Sodoma, Samaria, caseryuncunapis ñaupata cashanno allina goyänanpaj. Gampis yapay allina goyänayquipämi camacächishaj.

Ezequiel 36:24

Chay nasyuncunapita nogami jorgamushayqui. Shuntarcurmi quiquiquicunapa nasyunniquiman cutichishayquipaj.

Ezequiel 39:25

«Chaypitami, noga Tayta Diosga në: Cananmi ichanga Babiloniaman apashanpita Jacobpita miraj Israelcunata cutichishäna. Chayno paycunata cuyapashpämi camacächishaj pï-maypis rispitamänanpaj.

Amós 9:14

Chayrämi prësu apashanpita cutichimushäpaj acrashä Israel runacunataga. Juchuchisha caycaj siudäcunatapis yapay allchanga. Nircur chay siudäcunacho tiyanga. Übastapis lantanga. Poguptinnami bïnuta rurarcur uponga. Wertacunata ruranga. Wayuynincunatana miconga.