Jeremías 46:18 - Tayta Diosninchi Isquirbichishan

¹⁸ «Nogaga munayniyoj Raymi cä. Jutëcho jurarmi në: Puntacunapa chaupincho Tabor punta ichiraycajno, lamarpita ichiraycaj Carmelo puntanömi Egipto runacunapa contran shamunanpaj caycäga caycan.

Jeremías 46:18 ပူးပေါင်းရင်းမြစ်များ

Salmos 89:12

Mundutaga juc cuchunpita jucaj cuchuncama gammi camashcanqui. Tabor puntawan Hermón puntapis cushishami gamta alabashunqui.

Isaías 47:4

Israelcunapa munayniyoj Santo Tayta Diosnin ima-aycapitapis salbacojmi cayno nin:

Isaías 48:2

Gamcunaga «rispitädu siudäpitami cä» nircaycanqui. Chayno nishpayquimi Israelpa Diosninman yäracunqui. Paypa jutenga munayniyoj Tayta Diosmi.

Jeremías 10:10

Tayta Diosninchïmi ichanga rasunpa Dios caycan. Paymi caycan cawaj Dios, imaycamapis mana rucaj Ray. Pay rabyacurcuptenga cay pacha sicsicyanmi. Pay rabyaptenga manami ima nasyunpis awantanchu.

Jeremías 10:16

Tayta Diosninchïmi ichanga juc-niraj. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis Munayniyoj Tayta Diosmi.

Jeremías 4:13

«Chaura Israelcuna nengapaj: ‹Masqui ricäriy. Contranchïcunaga pucutaynömi aywarcaycämun. Pillyapaj carrëtancunapis löcu wayranörämi. Cawalluncunapis ancapita masrämi cörriycämun. ¡Cananchi cananllaga! ¡Manami imanöpa gueshpiytapis camäpacunchïnachu!› nir.

Jeremías 4:7

Puñunancho caycashanpita cäsata ashej liyun aywajnömi nasyuncunata ushajpaj illgächej aypalla suldärucuna aywaycämun. Nasyunniquicunata illgächinanpämi aywarcaycämun. Paycunami siudäniquicunatapis ragällan chunyajta cachayconga.

Jeremías 44:26

Egiptucho tiyarcaycaj Judá runacuna sumaj wiyay noga Tayta Diosniqui nishäta: Cay Egiptucho tiyaycaj Judá runacuna mayganpis mananami jutëta rimangapänachu «Cawaj Tayta Diospa jutincho» nishpan. Chayno cananpaj cashantaga nogami fiyupa rispitädu jutëcho jurä.

Jeremías 48:15

Chayamonganami Moabcho, siudänincunacho tiyajcuna illgänanpaj, allinnin caj mösucunapis ushajpaj wañunanpaj. Chayno cananpäga Israelcunapa raynin noga Tayta Diosmi nishcä.

Jeremías 51:17

Runacunaga llapanpis upami, imatapis mana tantiyajmi. Ïduluncunaga ruraj runacunatapis pengacachinmi. Rurashan ïdulucunaga mana rasun cajmi, mana cawajmi.

Jeremías 51:57

Babiloniacunapa mandajnincunata, musyacojnincunata, siudäpa mandajnincunata, waquin mandajcunata, suldäruncunatapis rabyasha aptaraycashä cöpawanmi machächishaj. Chayno machashallami puñucäconga. Puñuycorga imaypis manami ricchanganachu.»

Amós 4:13

Rasunpa chaynömi ruranga. Tayta Diosga caycan puntacunatapis camajmi, wayratapis yurichimojmi. Paymi runacunata musyachin imata pay yarpaycashantapis. Paymi achicyajtapis ticrachin chacayman. Paymi purin cay pachachöga intërupa. Paypaga jutinpis munayniyoj Tayta Diosmi.

Malaquías 1:14

Maldisyunädumi canga allinnin caj uywanta nogata goycamänanpaj aunircur gueshyaj uywallantana pishtapämäga. Nogaga cä munayniyoj Raymi. Llapan nasyun runacunapis manchacamanmi.»

Mateo 5:35

Ama juranquichu ‹Cay pachapa jutinchömi jurä› nir. Cay pachaga Tayta Diospa chaquin lluchcaränanmi. Ama juranquichu ‹Jerusalenpa jutincho› nirpis. Jerusalenga mas munayniyoj ray Tayta Diospa siudäninmi.

1 Timoteo 1:17

¡Chaymi Tayta Diosninchïta imaypis alabashun! ¡Paymi llapanpäpis munayniyoj, imaycamapis cawaj, mana ricacaj! ¡Amén!

Josué 12:22

Cedespa rayninta, Carmelocho caycaj Jocneampa rayninta,

Josué 19:22

Lindan päsaraycaran Taborpa, Sahazimapa, Bet-semespa Jordán mayuman chayanancama. Paycunapa siudänin llapanga caran chunca sojtami (16) marcancunawan-cama.

Jueces 4:12

Tabor jircaman aypalla runacunawan Barac wichashanta willaran Sisarata.

Jueces 4:6

Chaypita juc junajcho Débora gayachiran Baracta. Payga caran Neftalí trïbu Abinoampa wamran. Tiyaran Cedescho. Chayaptin Baracta niran: «Israelcuna rispitashan Tayta Diosmi nin Tabor jircaman aywaycur chunca waranga (10,000) runacunata Neftalí trïbutawan Zabulón trïbuta shuntanayquipaj.