Jeremías 46:14 - Tayta Diosninchi Isquirbichishan

¹⁴ «Egiptucho, Migdolcho, Menfischo, Tafneschöpis cayno willacuy-llapa: ‹¡Ricaj-ricajlla camaricushallana carcaycay! ¡Intëru ñaupayquipanami sabliwan wañuycächin!›

Jeremías 46:14 ပူးပေါင်းရင်းမြစ်များ

2 Samuel 2:26

Chaypita Abner gayacuran Joabta: «¿Manachu imaypis cay wañuchinacuyga chawanga? Gamga ¿manachu yarpanqui wañuchinacuyga llaquicuyman churamänanchïta? ¿Imay örataj suldäruyquicunata ninqui runa-masincunata manana gaticachänanpaj?» nir.

Éxodo 14:2

«Israelcunaga Pi-hahirot-läman cutimuchun. Chayga caycan Migdolpita lamarman aywajchömi. Chaychöga lamar cantuncho tolduncunata ichichichun Baal-zefonpa chimpanman.

Isaías 1:20

Imaypis chaynölla mana wiyacoj cashpayquimi ichanga imanöpa gueshpiyta munarpis guërracho wañunquipaj.» Quiquin Tayta Diosmi chayno nisha.

Isaías 19:13

Zoanpa mandajnincunaga upami. Menfis siudäpa mandajnincunapis llullapashantami riguisha. Probinsyancunapa mandajnincunami Egipto runacunataga llutanta rurachisha.

Isaías 31:8

«Asiria runacunaga llapanmi sabliwan wañongapaj. Ichanga manami runacunapa espädanwanchu wañonga. Sinöga quiquëpa espädäwanmi ushacanga. Guërra captin chay runacunaga gueshpirmi aywacongapaj. Pillyay-yachaj mösucunatanami uywayman ticrachengapaj.

Isaías 34:6

Edomchömi fiyupa wañuchinacuy canga. Tayta Diosga Bosra siudächömi rupachinanpaj pishtanga. Chaymi Tayta Diospa sablenga yawarpita y wirapita ñitisha caycangapaj. Uyshacunapawan chïbucunapa yawarnin wiran ñitisha caycajnömi caycanga.

Jeremías 12:12

Chunyaj lömacunapa intërupami contran fiyu runacunaga yuricarcamusha. Paycunami acrashä nasyun runacunata usharinäpaj sablëno caycan. Chaymi mayganpäpis manana alli goyay cannachu.

Jeremías 2:16

Menfis runacunawan Tafnes runacunapis pengaymanmi churashurayqui.

Jeremías 2:30

Wamrayquicunatapis yangami castigashcä. Castigaptëpis manami wanacushachu. Profëta shamojcunatapis quiquiquicunami fiyu liyuncunanöpis wañuchishcanqui.

Jeremías 44:1

Egiptuman aywacoj Judá runacunaga tiyarcaycaran Migdol siudächo, Tafnes siudächo, Menfis siudächo, Patros partichöpis. Paycunata ima päsananpaj cashantapis Jeremiasta Tayta Dios willaran.

Jeremías 46:10

Chay junäga cangapaj noga munayniyoj Tayta Dios castiganä junajmi. Chay junajmi llapan conträcunata ayñita cutichishaj. Sablëmi tucsenga yamacashancama. Chayno tucsenga pasaypa yawar ñitinancamami. Chay junäga noga munayniyoj Tayta Diosmi norte caj-lächo caycaj nasyuncho, Éufrates mayu läduncho aypalla runata wañuchishaj.

Jeremías 46:19

Egipto runacuna camaricuyna prësu aywanayquipaj. Menfisga chunyajmi ricacongapaj. Juchusha ragällan captin pipis manami tiyangapänachu.

Jeremías 46:2

Josiaspa wamran Joacim chuscu watana Judäpa raynin caycaran. Y Éufrates mayu lädun Carquemischo Egiptupa mandajnin faraón Necaopa suldäruncuna caycaptinmi paycunataga Babiloniapa raynin Nabucodonosor wañuchir illgächiran. Chay wichanmi Egipto imano cananpaj cashantapis Tayta Diosga profëta Jeremiasta cayno willaparan:

Ezequiel 21:28

«Runa, gamga Israelcunata ashllej Amón runacunata cayno niy: ‹Tayta Dios nin: « ‹Sabliga churaränanpita jorgushanami caycan. Wañuchiyta gallaycunanpaj listunami caycan. Achicyaypa achicyar ushajpaj illgächinanpaj llushwachashami caycan.

Ezequiel 30:13

« ‹Noga Tayta Diosmi në: « ‹Ïdulucunata rurashantapis llapantami illgächishaj. Menfis siudächo mana bälej diosnincunatapis ushajpämi illgächishaj. Chay nasyunmanga fiyupa manchariycunatami chayachishaj. Egiptucunata mandananpaj yapayga mananami cangapänachu.

Oseas 9:6

Illgächinanpita gueshpir aywacusha captiquipis Egipto runacunami shuntashunquipaj. Menfis partichönami pampashunquipaj. Guellaypita caj bälej cösayquicunapa jananpapis ishancacunami wiñamonga. Tiyashayqui particunapis shatayangami.

Nahúm 2:13

Munayniyoj Tayta Diosga caynömi nin: «Nogaga gampa contrayquimi caycä. Guërrapaj caj carrëtayquicunata ruparachishämi. Ushajpämi uchpaman ticrarachishaj. Mallwa liyun-mallwacunatami wañurachishaj. Nasyunniquicho caj suwacunataga llapantami illgächishaj. Chayno ruraycuptë ni willacojcunapis manami canganachu willacunanpaj.»

Deuteronomio 32:42

Mandajnincunatawan suldäruncunata ushaptë lëchäcunapis yawarllami canga. Espädäpis aychanta cuchurmi ushanga. Chayno wañonga guërracho pillyajcunapis prësu charisha cajcunapis.›