Jeremías 43:7 - Tayta Diosninchi Isquirbichishan

⁷ Nircorga Tayta Dios nishanta mana wiyacuypa ushajpaj Egiptuman pushacuran. Chayno aywacurmi Tafnes siudäcama chayaran.

Jeremías 43:7 ပူးပေါင်းရင်းမြစ်များ

2 Reyes 25:26

Wañuycachiptin llapan runacuna Caldea runacunata manchacushpan Egiptuman gueshpir aywacuran. Gueshpir aywacuran jatunpis, tacshapis, mandaj suldärucunapis.

2 Crónicas 25:16

Chayno profëta niycaptin rayga ollgur niran: «Manami gamtaga churashcächu willapämänayquipaj. Wañuchinäta mana munarga upällalla cacuy.» Chaura profëtaga manana rimaparannachu. Ichanga niran: «Nogaga musyaycänami chayno rurashayquipita, noga nishäta mana wiyacushayquipita Tayta Dios ushacächishunayquipaj cashanta.»

Isaías 30:2

Egiptumanmi rasyaylla aywarcaycan. Nogataga manami tapucamanchu. Faraonmanmi ‹yanapämay› nir aywarcaycan. Paycunaga Egiptumanmi pacacurcaycan.

Isaías 30:4

Zoán siudäman, Hanes siudäman cachata ruquin cachacusha captinpis

Jeremías 2:16

Menfis runacunawan Tafnes runacunapis pengaymanmi churashurayqui.

Jeremías 41:17

Belenpa läduncho caycaj Gerut-quimamman. Chaychöna goyaran. Paycunaga yarparan Egiptucama aywacuytami.

Jeremías 44:1

Egiptuman aywacoj Judá runacunaga tiyarcaycaran Migdol siudächo, Tafnes siudächo, Menfis siudächo, Patros partichöpis. Paycunata ima päsananpaj cashantapis Jeremiasta Tayta Dios willaran.

Jeremías 44:24

Llapan runacunata willapar warmicunataga Jeremías niran: «Cay Egiptucho tiyarcaycaj Judá runacuna wiyay Tayta Dios imano nishantapis.

Jeremías 46:14

«Egiptucho, Migdolcho, Menfischo, Tafneschöpis cayno willacuy-llapa: ‹¡Ricaj-ricajlla camaricushallana carcaycay! ¡Intëru ñaupayquipanami sabliwan wañuycächin!›

Ezequiel 30:18

Egipto munayniyoj caycashanta noga ushacächiptë, alli-tucurcaycashantapis ushacächiptë Tafnes siudächöga pachapis chacacäcongami. Chaycho tiyaj runacunatanami prësu apaconga.