Jeremías 4:29 - Tayta Diosninchi Isquirbichishan

²⁹ Lëchata jitajcuna, muntäducuna gayarashpan shamojta wiyar llapanmi siudäpita gueshpir aywacun. Shatacunaman munticunaman pacacaycärin. Gaga chaupincunaman wichacarcärin. Siudäcunaga llapanpis chunyajmi quëdacun. Chaychöga manami pipis tiyannachu.

Jeremías 4:29 ပူးပေါင်းရင်းမြစ်များ

2 Crónicas 33:11

Chaypitami Tayta Diosga camacächiran Asiria raypa mandaj suldäruncuna shamunanpaj. Paycunami Manasesta prësu charircur runsi cadinacunawan watarcur Babiloniaman aparan.

Isaías 30:17

Juc runalla manchachishuptillayquimi gamcunaga waranga gueshpinquipaj. Pichgaj runa manchachishuptiquega llapaniquimi gueshpinquipaj. Chaura wallcajllanami quëdanquipaj jircacho juc ishcaylla gueru ichiraycajno, man'chäga juc puytush lömacho señalpaj gueru jawishanöllana.»

Isaías 6:12

runacunata juc-läman prësu apachinäcamami, nasyun chunyaj quëdanancamami.

Jeremías 16:16

«Nogami cachamushaj achcaj contrancunata. Chaycunami Israel runacunataga pescäduta charej-jina charenga. Chaycunami casadurcuna charejnöpis Israelcunataga jorgamonga jircacunapita, puntacunapita, machaycunapita, gagapa shillincunapitapis.

Jeremías 4:7

Puñunancho caycashanpita cäsata ashej liyun aywajnömi nasyuncunata ushajpaj illgächej aypalla suldärucuna aywaycämun. Nasyunniquicunata illgächinanpämi aywarcaycämun. Paycunami siudäniquicunatapis ragällan chunyajta cachayconga.

Jeremías 52:7

Chaura runacunaga siudäpa curralninta uchcuriycäriran. Babilonia suldärucuna täparcaycaptinpis raywan siudächo carcaycaj suldärucunaga chacaypa gueshpir aywacuran. Ishcay perga caycashan chaupinpa llojshiran. Raypa wertanman näni aywajpa gueshpir aywacuran Jordán guechwaman näni aywarajpa.

Jeremías 6:23

Chay runacunaga lëchanwan sablinwan camaricushallanami carcaycan. Chay runacunaga fiyumi. Manami pitapis cuyapanchu. Pillyapaj gayarparpis lamar yacu gaparajnörämi gaparpan. Llapanpis cawallun muntashallami aywarcaycämun. Jerusalén runacunawan pillyananpaj camaricushanami carcaycan.» Judá runacunaga nircaycan:

Amós 9:1

Tayta Dios ribilamaptin payta ricarä altarpa ñaupancho ichiraycajta. Paymi cayno niycaran: «Pilancucunata tacay, chayman jamaraj numralcuna cuyurinanpaj. Chaymi juchur runacunapa jananman shicwamonga. Gueshpejcunatapis sabliwanmi wañuchishaj. Imanöpa gueshpiyta munashpanpis manami ni jucnayllapis salbacongapächu.

Lucas 23:30

Chay wichanmi fiyupa ñacashpan puntacunatapis nenga ‹Juchumur chapacarcamay› nir. Jircacunatapis nenga: ‹Nogacunapa janäman tunimur ñiticarcamay› nir.

1 Samuel 13:6

Chaura Israelcunaga fiyupa manchariran. Filistea runacunaga intërupa yaycapaycuran. Chaymi Israelcunaga pacacuran, intëru jircaman, tarishan uchcucunaman, machaycunaman, gaga chaupincunaman, shillicunaman, maymanpis pacacunanpaj tarishanman.