Jeremías 33:9 - Tayta Diosninchi Isquirbichishan

⁹ Jerusalenta yanapashäta musyashpanmi llapan nasyun runacuna rispitamanga, alabamanga. Noganami cay siudäpaj fiyupa cushicushaj. Jauca goyänanpaj Jerusalenta alli yanapashäta mayaycorga intëru munducho tiyajcunami almiranga, mancharenga.»

Jeremías 33:9 ပူးပေါင်းရင်းမြစ်များ

2 Crónicas 20:29

Israelcunata chiquejcunawan Tayta Dios pillyashanta musyaycur llapan nasyuncho tiyajcuna Tayta Diosta fiyupa manchacuran.

Nehemías 6:16

Llapan chiquimajcuna musyaran wallca junajllacho aruyta ushashäcunata. Chaura tiyashäcunapa bisïnun nasyuncunacho tiyajcunaga fiyupa manchariran. Alli-tucurcaycashanpitapis pengacuran. Paycuna musyaran Tayta Dios yanapämaptin aruytaga fäsi ushashäta.

Ester 8:17

Carta chayashanchöga llapan siudäcunacho, probinsyacunacho, marcacunacho Israel runacuna fiyupa cushicuran. Fistata rurar alli micuycunata micuran. Israelcunata manchacushpan achca juc-lä runacuna Israel cayman ticracuriran.

Salmos 130:4

Gam ichanga imapitapis perdunacojmi canqui. Chaymi llapan rispitashunqui.

Salmos 40:3

Tayta Diosmi yarpayta gomaran mushoj alabansata cantanäpaj. Imano päsamashantapis musyaycur runacunaga fiyupa almiraran. Chaynöpami Tayta Diosmanna yäracuran.

Isaías 43:21

Chay runacunataga quiquëpämi rurarä. Paycunataga alabamänanpämi rurarä.

Isaías 55:13

Cashacuna cashanchömi pïno yöracuna wiñamongapaj. Ishancacuna cashanchömi rayan yöracuna wiñamongapaj. Chayno captinmi nogaga intërucho rejsisha cashaj. Chaytaga imaycamapis manami pipis gongangachu.»

Isaías 60:5

Gam paycunata ricaptiqui cärayquipis cushicuypita achicyaypa achicyangaraj. Cushicuypita shonguyquipis ashac-ashacllaraj ricacongapaj. Lamarcho cajcunatapis fiyupa cuestajcunatami apapämushunquipaj. Nasyunnincunacho ima-aycanpis mas alli cajtami goycushunquipaj.

Isaías 62:1

Sión, gamta cuyashpämi upällallaga mana cacushächu. Jerusalén, gamta cuyashpämi jamaytapis mana tarishächu intërupa manaraj alli goyay cashancamaga; Tayta Dios manaraj salbashushayquicamaga.

Isaías 62:12

Israelcunapa jutintaga «Santo runacuna», «Tayta Dios salbashan runacuna» nengami. Jerusalentanami «Fiyupa cuyay siudä», «Mana cachaycushan siudä» nenga.

Isaías 62:4

Runacuna mananami yapayga «Cacharisha» nishunquipänachu. Chaypa ruquenga «Tayta Dios fiyupa cuyashan» nishunquipänami. Tiyashayqui partitapis mananami «Illgächisha» nenganachu. Chaypa ruquenga «Tayta Diospa majan» nenganami.

Isaías 62:7

Jerusalenta allchachiyta ushanancama; intëru nasyun runacuna rispitanancama Tayta Dios jamaycunanta ama dëjaychu.»

Isaías 64:2

Contrayquicunataga ojalä urämushpayqui nina rupar cashacunata usharishanno rurarinquiman, yacutapis nina timpurachishanno rurarinquiman. Chauraga chay contrayquicuna musyanmanmi pï cashayquitapis. Juc-lä nasyun runacunapis ñaupayquichöga mancharir sicsicyanmanmi.

Jeremías 13:11

Imanömi runa chegllancho chanaj watarächin wachcuta, chaynömi nogaga Israel runacunatawan Judá runacunata charashcä. Chaynöga charashcä acrashä runacuna cananpaj, noga munashäta willacunanpaj, cuyacoj cashäta, alli cashäta willacunanpämi. Nishä paycunaga manami wiyacamashachu. Noga Tayta Diosmi chayno në.

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Jeremías 24:6

Ima mana alli chayananpitapis nogami chapäshaj. Cay nasyunmanmi cutichimushäpäpis. Cutiycachimurnami alli goyächishaj. Yapayga manami illgächishäpänachu. Juc pachaman jamaycachir manami jitarishänachu.

Jeremías 26:6

Noga camacächishaj Silo marcacho päsashanno Templutapis päsananpämi. Chaura cay siudäga cangapaj llapan ricacunanpämi. Chayrämi intëru nasyun runacuna musyanga noga castigashäta.› »

Jeremías 29:1

Ray Nabucodonosor Jerusalenpita Babiloniaman prësu apachiran ray Jeconiasta, mamanta, mandaj suldäruncunata, Jerusalenpa Judäpa mandajnincunata, ima ruraytapis yachajcunata, jirrërucunata, mas achca runacunatawan. Chaypitaraj profëta Jeremiasga Jerusalenpita cartata apachiran cawaycajraj mayur runacunaman, cüracunaman, profëtacunamanpis ray Nabucodonosor apashanmanga llapan runacunaman.

Jeremías 3:17

«Chaymi chay wichanga Jerusalenta nenga ‹Tayta Diospa jamanan› nir. Chaymanmi rispitamar aduramänanpaj intëru nasyunpita runacuna shamongapaj. Mananami shongun yarpashancunata ruranganachu.

Jeremías 3:19

«Israel, gamcunataga wamräno canayquitami yarparä. Intëru munducho caj nasyunpita mas alli caj nasyunta, mas alli caj chacratapis goycuytami yarparä. Nogaga yarparä ‹Papä› nimänayquitami, imaypis mana gongamänayquitami.

Jeremías 31:14

Nogami camacächishaj cüracuna alli micuyllata micunanpaj. Noga bindisyunta goshäwanmi acrashä runacunaga cushisha goyanga.» Tayta Diosmi chayno nisha.

Jeremías 31:4

Cuyashä Israelcuna, yapaynami jatarachishayquipaj. Chauraga yapaymi panderëtacunawan shamunquipaj cushisha dansaraycar aduramänayquipaj.

Jeremías 32:42

«Noga Tayta Diosmi në: Cay runacunata fiyupa ñacachishämannömi alli yanapänäpaj aunishäcunatapis cumlishaj.

Jeremías 33:14

Tayta Diosmi nin: «Juc junäga Israelcunatawan Judäcunata bindisyunta gonäpaj aunishäta cumlishämi.

Jeremías 4:2

rasunpa juraptiqui llapan nasyuncunapis bindisyunta chasquengami. Chauraga runacuna cushicushpan nogatami alabamanga.»

Jeremías 44:8

¿Imanirtaj llapan rurashayquicunawan fiyupa rabyachimanqui? ¿Imanirtaj Egiptuman tiyaj shamushayqui nasyunchöga juc dioscunapaj insinsucunatapis rupaycächinqui? Chayno rurashpayqui quiquiquicunallami illgayta munarcaycanqui. Chaynöpami gamcunaga canquipaj intëru nasyun runacuna ricacunanpaj. Pasaypa maldisyunädumi canquipaj.

Jeremías 49:25

Pï-maypis rejsishan siudä, fiyupa cushicuy cashan siudä pasaypa chunyajmi quëdanquipaj.

Ezequiel 26:20

Chaymi unay wañojcuna caycashanman tallpucar chayanquipaj. Cay pachapitaga mas rurimanmi jitarishayqui. Chayga caycan imaypis ragälla caycashan nasyunmi. Chaychöga goyanquipaj wañojcunawan iwalmi. Gamchöga manami imaypis runacuna tiyangapänachu. Cay pachacho cawajcunaga tiyananpaj yapay manami jatarachishunquipänachu.

Ezequiel 36:35

Chaymi ricajcunaga nenga: «Cay chacraga chunyaj chaqui jircami caran. Cananga Edén wertano cuyayllapänami caycan. Illgächisha, juchuchisha, pirasyasha cashan siudäcunapis cananga runa tiyanannami caycan. Sumaj curalashanami caycan» nir.

Ezequiel 39:13

Paycunaga llapanpis mana jamaypa wañushacunata pampayllachömi carcaycanga. Chay junajmi noga musyachishaj munayniyoj cashäta. Chay junajtaga paycuna manami gongangachu. Noga Tayta Diosmi chayno në.

Oseas 3:5

Chayno cashanpitarämi Israelcunaga Tayta Diosman cutenga. Davidpita miraj rayninmanpis cutenga. Ushanan watacunachöga fiyupa rispitar aywanga Tayta Diospa ñaupanman. Chaura Tayta Diospis bindisyunnintami churanga.

Zacarías 1:17

Mastapis chay parlapaycämaj anjilga nimaran: «Caynöpis willacuy: ‹Munayniyoj Tayta Dios nin: Nogami camacächishaj siudänëcho alli cajcuna yapay aypalla cananpaj. Sión lömacho caycaj runacunataga cuyapäshämi. Jerusalén siudäpis yapay canga noga acrashänami› nir.»

Zacarías 12:2

«Jerusalentaga nogami ticrachishaj castigacuna cöpämanno. Chaymi bisïnun nasyun runacuna Jerusalenman, Judá siudäcunaman magaj yaycorga machashano ricacongapaj. Chauraga yarpashancuna yangami canga.

Deuteronomio 30:5

Tayta Diosga taytayquicuna tiyashan nasyunmanmi cutichimushunquipaj. Chaura gamcunaga yapay chaychöna tiyanquipaj. Chaycho tiyashpayquimi unay famillyayquicunapitapis mas alli cawashpayqui paycunapita mas achcaman miranquipaj.