Jeremías 32:39 - Tayta Diosninchi Isquirbichishan

³⁹ Paycunataga yarpayninchömi shacyächishaj cawashancamaga nogallatana rispitamänanpaj, chaynöpana quiquincunapis, wamrancunapis alli cawananpaj.

Jeremías 32:39 ပူးပေါင်းရင်းမြစ်များ

Génesis 17:7

Gamwanpis gampita mirajcunawanpis conträtutami rurashaj. Chay conträtu rurashäga imaycamapis canga. Nogami cashaj gampa Diosniqui; chayno gampita mirajcunapapis.

Génesis 18:19

Paytaga noga acrashcä wiyacamänanpaj wamrancunata, llapan famillyancunata yachachinanpämi, alli cajllata rasun cajllata rurananpämi. Abraham chayno ruraptenga conträtu rurashäta noga cumlishämi.»

Génesis 22:12

Niptin anjilga niran: «Wamrayquita ama imatapis ruraychu. Nogaga musyämi Diosta wiyacushayquita. Gamga jucnaylla wamrayquitapis manami ‹mana› nimashcanquichu.»

2 Crónicas 30:12

Judá runacunatapis Tayta Diosmi shacyächiran raywan autoridäcuna parlashanta chasquinanpaj. Chaymi Judá runacunaga Tayta Dios willacachishanta alli chasquicuran.

Salmos 112:1

¡Aleluya! ¡Tayta Diosga alabasha cachun! Cushishami cawanga Tayta Diosta rispitaj cäga, mandamintuncunata cumlej cajpis.

Salmos 128:6

Willcayquitapis ricanayquicamarämi cawanqui. ¡Israelchöga alli goyay caycullächun!

Salmos 86:11

Tayta Dios, sumaj tantiyachimay gamta wiyacunäpaj. Chauraga mana cachaypami sirbishayqui. Shacyächimay llapan shongöpa gamllata aduranäpaj.

Proverbios 23:17

Juchasapacuna imatapis charajta ricar ama rabyapaychu. Chaypa ruquenga imaypis Tayta Diosllata manchapacuy.

Isaías 35:8

Chunyaj chaqui jirca cashan chaupinpana näni caycangapaj. Chay nänipa jutinmi canga «Rispitädu näni». Juchanpita manaraj limyu cäga manami chaypa aywangapächu. Mana tantiyaj upacunaga manami chaypa aywangachu.

Isaías 52:8

¡Wiyay-llapa! Ricachacojniquicunaga sinchipami gaparpan. Llapanmi juc shimilla cushicuypita gaparpan. Chaynöga gaparpaycan Tayta Dios Sionman cutimojta quiquincuna ñawinpa ricashpanmi.

Isaías 65:23

Paycuna manami yangallapäga arongachu. Wamrancunapis manaraj auquinyarga manami wañongachu. Chaynöga paycuna canga noga bindisyunta goshä runacunapita miraj cashpanmi. Paycunapita mirar aywajcunapis chaynömi cawangapaj.

Jeremías 24:7

Noga Tayta Dios cashätami tantiyachishaj. Chaura paycuna canga noga acrashä runacuna. Nogana cashaj paycunapa Diosnin. Chaynöga canga llapan shongunpa nogaman yapay yäracamuptinnami.

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Jeremías 32:40

Paycunawanmi imaycamapis conträtuta rurashaj. Paycunawanmi caycäshaj imachöpis yanapänäpaj. Shacyächishaj imaycamapis mana cachaypa nogallatana sirbimänanpaj.

Jeremías 6:16

Tayta Diosga acrashan runacunata nin: «Tincoj nänicunacho ichiray. Nircur tapucuy unay alli caj nänipa aywanayquipaj. Chay alli caj nänipa ayway chaycho jamayta tarinayquipaj. Ichanga paycuna nin: ‹Manami chaypa aywayllaga canchu› nir.

Ezequiel 36:26

Gamcunataga mushoj shongutami goshayqui. Mushoj espiritutapis goshayquimi. Gamcunapa rumi shonguyquitaga jorgushämi. Nircorga alli shongutanami churashaj.

Ezequiel 37:22

Cay pachachöga juc nasyunlla cananpämi paycunata jucllachashaj. Rayninpis jucnayllanami canga. Mananami ishcay nasyunnachu canga. Ni ishcay raycunapis manami mandanganachu.

Ezequiel 37:24

Sirbimajnë Davidllami raynin canga. Payllanami llapanpa michejnin canga. Nogallatanami paycunaga wiyamanga. Laynëcunata, mandamintöcunatapis cumlenga.

Ezequiel 37:25

Unay awiluncuna tiyashanchömi tiyanga. Chayga caycan sirbimaj Jacobta goycushä nasyunmi. Chaychömi tiyanga paycuna, wamrancuna, paycunapita mirar aywajcunapis. Sirbimajnë Davidllanami imaypis mandajnin caycanga.

Juan 14:6

Chaura Jesús niran: «Nogami cä caminu. Nogami Diospita rasun cajta willacoj caycä. Nogami cawachicoj caycä. Chaymi nogaman mana yäracorga Taytäman mana chayangapächu.

Juan 17:21

Noganchi juc yarpaylla cashanchïno paycunapis juc yarpaylla cananpämi gamta mañacamö, papä. Chayno goyashanta ricarmi cachamashayquita tantiyar waquin runacunapis chasquicamangapaj.

Hechos 13:33

Noganchi Israel casta captinchïmi aunishanno Jesusta cawarachiran. Ishcay caj salmuchöpis Jesuspäga niycan: « ‹Gamga wamrämi canqui. Canan junajpitaga taytayquinami cä.›

Hechos 2:39

Espíritu Santutaga cachamonga gamcunaman, wamrayquicunaman, juc-lä runacunamanpis. Acrashancunamanga pï-maymanpis cachamunanpämi Tayta Dios aunisha.»

Hechos 3:26

Chay nishannöllami Tayta Diosga wamran Jesusta rimëru gamcunaman cachamuran bindisyunta goshunayquipaj, chaynöpana jucha rurashayquipita arpinticur Dios munashannöna cawanayquipaj.»

Hechos 4:32

Yäracojcunaga achcaj carpis juc yarpayllami caran. Manami ni mayganpis ima-aycantapis «quiquilläpämi» niranchu. Chaypa ruquenga llapan imallatapis raquipänacoj.

Hechos 9:31

Chay wichanga yäracojcuna allimi goyäcuran Judeacho, Galileacho, Samariacho. Chaymi shacyäcuran Tayta Dios munashannölla cawananpaj. Chayno Espíritu Santu yanapaptinmi yäracojcunapis mas achcayaranna.

Romanos 11:16

Mäsapita rimir-punta tanta rurashanchïta Tayta Diospaj churashaga waquin caj mäsapis Tayta Diosllapaj-japuyllanami caycan. Chaynöpis yörapa sapinta Tayta Diospaj acraptenga rämancunapis Tayta Diosllapänami caycan.

1 Corintios 7:14

Jesucristuman mana yäracoj runantaga Jesucristuman warmin yäracuyninpami Tayta Dios cuyapar yanapanga. Chayno Jesucristuman mana yäracoj warmintapis Jesucristuman runan yäracuyninpami Tayta Dios cuyapar yanapanga. Mana chayno captenga wamrancunata Tayta Dios manami yanapanmanchu. Ichanga wamrancunata cuyapar Tayta Dios yanapaycanmi.

2 Corintios 13:11

Ermänucuna, imaypis cushishalla goyay-llapa. Jucniqui-jucniqui shacyächinacuy Tayta Dios munashanno goyänayquipaj. Chayno goyaptiquimi cuyapäcoj, alli cawayta gomajninchi Tayta Diosga imaypis yanapäshunqui.

Deuteronomio 5:29

Allimi canman canan yarpashannölla imaycamapis yarpaptenga, nogatapis rispitamashpan mandamintöcunata waran-waran cumliptenga. Chaura quiquincunapis wamrancunapis cushisha allillami cawanga.

Deuteronomio 6:2

Tayta Diosta rispitar willapashä mandamintucunatawan laycunata imaypis cumlishpayquega gamcunapis, wamrayquicunapis willcayquicunapis auquinyashayquiyaj allimi cawanquicunapaj.

Deuteronomio 6:24

Chaymi Tayta Diosninchi nimaran waran-waran payta rispitar laynincunata wiyacunanchïpaj cashanta. Chaynöpami cananyaj alli cawayta goycämanchi.

Hebreos 10:20

Jesucristumi wañushpan noganchïtaga alli caminuta ricachejno, altarta chaparaycaj tëlata quichajnöpis Tayta Dioswan tincuchimashcanchi. Manami imapis chapämanchïnachu.