Jeremías 32:17 - Tayta Diosninchi Isquirbichishan

¹⁷ «Tayta Dios gammi fiyupa munayniquiwan camashcanqui syëlutapis cay pachatapis. Gampäga manami imapis sasa canchu.

Jeremías 32:17 ပူးပေါင်းရင်းမြစ်များ

Génesis 18:14

¿Imallaga Tayta Diospaj sasa canchuraj? Watan cananno wichan rajacoj cutimuptë Saraga ollgu wawayojmi caycanga.»

2 Reyes 19:15

Nircur cayno mañacuran: «Israelpa Tayta Diosnin, gamga mandanayquipaj jamaraycanqui querubín anjilcunapa chaupinchömi. Japallayquimi cay munducho tiyajcunapa Diosnin canqui. Gammi camarayqui syëluta cay pachatapis.

2 Reyes 3:18

Chayga cangapaj Tayta Dios fiyupa munayniyoj cashanta musyanallayquipärämi. Llapan Moab runacunata wañuchinayquipämi camacächenga.

Nehemías 9:6

«Gamllami Tayta Diosga canqui. Gammi camashcanqui syëluta, syëlucho llapan caycajcunata. Gammi camashcanqui cay pachata, cay pachacho cajcunata, lamarta, lamar rurincho cajcunatapis. Gammi llapan ima-aycatapis cawaycächinqui. Chaypitami janaj pachacho caycajcunapis adurashunqui.

Job 42:2

«Nogaga musyämi gamlla llapanpaj munayniyoj cashayquita. Rurayta yarpashayqui cajtaga llapantami ruranqui.

Salmos 102:25

Tayta, gallarinanpita-pachami cay pachatapis gamga tacyachishcanqui. Quiquiquimi syëlutapis rurashcanqui.

Salmos 136:12

Israelcunataga Tayta Diosmi munayniyoj cayninwan macyarcur jorgamuran. Pay cuyacoj cashanga imaycamapis chaynöllami.

Éxodo 20:11

Tayta Diosga sojta junajchömi cay pachata rurayta usharan cay pachacho cajcunatapis, syëluta syëlucho cajcunatapis, lamarta lamarcho cajcunatapis. Ganchis caj junajchöga Tayta Dios jamarannami. Chaymi chay junajpäga niran payta rispitanan junaj cananpaj.

Isaías 42:5

Syëluta camarcur intërupa mashtacächejmi, cay pachata camajmi, cay pachacho ima ayca cajcunatapis camajmi, runacunata cawachej, jämayta goj Tayta Diosmi sirbejninta cayno nin:

Isaías 44:24

Tayta Diosmi gamcunataga manaräpis yuriptiqui rurashurayqui. Paymi imapitapis ricashunqui. Paymi nin: «Nogami ima-aycatapis camaj Tayta Dios caycä. Syëlutapis allpatapis nogami mashtar sumaj camacächishcä. Pipis manami yanapämashachu.

Isaías 45:12

Nogami camashcä allpata, chaycho tiyajcunatapis. Syëlutapis maquëwanmi mashtashcä. Syëlucho estrëllacuna yurinanpäpis nogami nishcä.

Isaías 59:1

Tayta Dios mana salbananpäga paypa munaynin manami wallcayashachu. Ni mana wiyananpäpis manami upayacäcushachu.

Jeremías 1:6

Chayno nimaptin noga nirä: «Tayta Dios, nogaga wamra mösullarämi cä. Manami imano parlaytapis camäpacörächu.»

Jeremías 14:13

Chaura noga nirä: «Tayta Dios, profëtacunaga runacunata willaparcaycan guërra mana cananpaj, muchuy mana cananpaj. Nircaycan llapanpita chapashpayqui cay pachachöga allilla goyächinayquipaj cashantami.»

Jeremías 27:5

Nogami fiyupa munaynëwan rurashcä munduta, runata, llapan ima-ayca animalcunatapis allpa janancho tiyaycajcunataga. Chaymi nogaga munashä cajpa maquinman churä.

Jeremías 32:27

«Nogaga llapan cawajcunapa Tayta Diosninmi cä. Chaura ¿imallaga nogapaj sasa canchuraj?

Jeremías 33:3

«Mañacamay ari. Chaura yanapäshayquimi. Yachachishayqui fiyupa almiraypajcunatami, gam mana yachashayquicunatami.

Jeremías 4:10

Chayno niptin noga Jeremías nirä: «¡Ay Tayta Dios, imanöshi Jerusalén runacunata engañashcanqui! Gamga aunirayqui ‹imaypis alli goyayllami canga› nirchaj. Chaypis runacunaga wañunanpaj cuncanman cuchillun churapacushanömi carcaycan.»

Jeremías 51:15

Tayta Diosmi munayninwan cay pachata camasha. Fiyupa yachaj cayninwan cay munduta tacyachisha. Yarpaysapa cayninwan syëlutapis camacächisha.

Jeremías 51:19

Tayta Diosninchïmi ichanga rasunpa Dios. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis «Munayniyoj Tayta Diosmi».

Ezequiel 11:13

Tayta Dios chayno nishanta willapaycaptillämi Benaiaspa wamran Pelatiasga wañusha tuniran pampaman. Chaura noganami urcöpis pampaman töpanancama umpurä. Sinchipa mañacur nirä: «¡Ay, Tayta Dios! ¿Wallcallapis quëdasha caycaj Israelcunata ushajpächi illgächinqui?»

Ezequiel 9:8

Chaycamaga noga japallä caycarä. Chaymi umpurä urcöpis pampaman töpanancama. Nircur fiyupa llaquicur mañacushpä cayno nirä: «Tayta Dios, ¿Jerusalencho tiyajcunata fiyupa rabyasha illgächishpayqui, ushajpächu illgächinqui wallcajllapis quëdasha caycaj Israelcunata?»

Daniel 2:22

Paymi maycho pacaraycajtapis musyachicun pipis mana musyashanta. Chacaycho caycajtapis rican. Paypäga llapanpis achicyajmi caycan.

Daniel 6:20

Liyuncuna caycashan uchcu puncunman chayaycashancho rayga llaquisha gayacuran: «Cawaj Diosta sirbej Daniel, ¿mana cachaypa sirbishayqui Diosniquega liyuncunapita salbashurayquichu?» nir.

Zacarías 12:1

Cay willacuyga caycan Israelcuna imano cananpäpis Tayta Dios willacachimashanmi. Syëluta camacächej, cay pachatapis sumaj tacyachej y runata cawayta goj Tayta Diosmi cayno nin:

Zacarías 8:6

«Noga, munayniyoj Tayta Diosmi cayno në: Chay wichanga cawaycajraj runacunapaj canga mana riguiypämi. Nogapämi ichanga imapis sasa mana canchu.

Números 11:23

Chaura Tayta Dios niran: «¿Munayniynaj cashätachu yarpanqui? Cananmi musyanqui rimashä rasunpa cashanta u mana rasunpa cashantapis.»

Mateo 19:26

Tapuptin niran: «Quiquillanpitaga runacuna manami salbacunmanchu. Tayta Diosllami pitapis salban. Paypäga imapis manami sasachu.»

Marcos 10:27

Ricapärir Jesús niran: «Quiquillanpitaga runacuna manami salbacunmanchu. Tayta Diosllami pitapis salban. Paypäga imapis manami sasachu.»

Lucas 1:37

Tayta Diospäga imapis sasaga manami canchu.»

Lucas 18:27

Niptin Jesusga niran: «Quiquillanpitaga runacuna manami salbacunmanchu. Tayta Diosllami pitapis salban. Paypäga imapis manami sasachu» nir.

Hechos 14:15

«Taytacuna, ama chayta ruraychu. Nogacunapis gamcunano runallami cä. Nogacunaga shamushcä cay manacaj custumricunata ruraycashayquita cachaycur Tayta Diosmanna yäracunayquipaj willapajmi. Paymi llapantapis camaran: syëlutapis, cay pachatapis, lamartapis, ima-aycatapis.

Hechos 15:18

Chayno cananpäga unaypita-pachanami noga Tayta Dios musyachirä.›

Hechos 17:24

«Paymi camasha cay pachata, llapan ima-aycatapis. Paypa maquinchömi caycan syëlupis cay pachapis. Payga manami tiyanchu runacuna rurashan capillacho.

Apocalipsis 4:11

«Tayta Dios, gamllami llapanpäpis munayniyoj canqui. Llapan imatapis gammi camashcanqui. Cawayta gam goshayquipitami llapanpis cawaycan. Chaymi llapanpis rispitar gamta alabashunqui.»