Jeremías 32:10 - Tayta Diosninchi Isquirbichishan

¹⁰ Nircur rantiycashä chacrapaj papilta rurachirä. Chaymanna firmarcur sëllurä. Testïgucunatapis firmachirä. Nircorga aycatapis päganäpaj parlashä guellayta pësaparä.

Jeremías 32:10 ပူးပေါင်းရင်းမြစ်များ

Génesis 23:16

Het runacunapa ñaupancho Efrón nishanta pägananpaj auniran Abrahamga. Nircur jinan öra aunishan guellayta pësapashpan pägaran. Nigusyanticunapa balansanwan pësaparan.

Génesis 23:20

Chayno rantishanpitami chacraga machaynintin Abrahampana caran. Het runacuna ranticuycuran quiquin Abrahampis castancunapis chayman pampacunanpaj.

Job 14:17

Custalman wiñarcojnömi llutanta rurashäcunata gongaycunquiman. Llapan mana allita rurashäcunatami perdunamanquiman.

Cantares 8:6

Nogataga mana gongaypa yarparämay. Ricrayquichöpis jutë chäpashano cachun mana gongamänayquipaj. Cuyanacuytaga wañuytano manami pipis chapanchu. Fiyupa munanacuypitapis sepultürapitano manami gueshpinchïchu. Cuyanacushanchëga Tayta Diospa ninannömi mana upinchu.

Isaías 30:8

Nircorga Isaiasta Tayta Dios niran: «Cananga chay ribilashäta isquirbiy acta libruman. Nircorga sumaj churay shamoj watacunacho musyananpaj. Chayga canga imaycamapis yarparänanpämi.»

Isaías 44:5

Paycuna waquenga nengapaj: ‹Nogaga Tayta Diospami cä› nir. Waquinnami willacongapaj: ‹Jacobpita mirar aywajmi cä› nir. Mas waquin cajnami ricrancho señalaconga: ‹Quiquin Tayta Diospami cä› nir. ‹Israelmi cä› nir cuyay jutintapis churaconga.»

Jeremías 32:12

Neriaspa wamran Baructa entregaycurä. Payga Maasiaspa willcanmi caran. Chay papilta gorä prïmö Hanameelpa ñaupancho, firmaj testïgucunapis ricaycaptin, sawan puncucho jamarpaycaj Judá runacunapa ñaupancho.

Jeremías 32:25

Babilonia runacunapa maquincho cay siudächo tiyaj runacuna ricacunanpaj caycaptinpis Tayta Dios gamga nimashcanqui chacrata rantir testïgucunapa ñaupancho duyñunta päganäpämi.»

Jeremías 32:44

Chaura papilta rurashpan sëlluchengana, testïgucunawanpis firmachengana. Chaynöga cangapaj Benjamín runacuna tiyaycashancho, Jerusalencho, Judäpa llapan siudänincunacho, achca puntayoj jircacunachöpis, pampa chacracunachöpis, Neguevpa siudänincunachöpis. Nogami chayno cananpaj camacächishaj. Noga Tayta Diosmi chayno në.»

Daniel 8:26

«Ayca junajpis imano cananpäpis suyñur ricashayquega rasunpami canga. Ichanga gam ama pitapis willapaychu. Cananpita unayllataga chay ricashayquicuna llapanpis rasunpami canga.»

Mateo 27:66

Niptin Jesús jatiraycashan uchcu cajman aywaycärir sumaj chaparan. Uchcuta chaparaycaj rumitapis mayninpa cashantapis sumaj señalaran pipis quichashanta musyananpaj. Suldärucunatana chayman churaran täparänanpaj.

Juan 3:33

Pay nishanta chasquicoj cäga Tayta Diospa palabrantapis chasquin: «Tayta Diosga palabranta cumlinmi» nir.

Juan 6:27

Micunallayquipäga ama yarpachacuychu. Chaypa ruquenga yarpachacuy imaycamapis cawanayquipaj caj micuyta tarinayquipaj. Chayno cawachicoj micuytaga noga Destinädu Runami tarichishayqui. Chaypämi nogataga Taytä cachamasha.»

2 Corintios 1:22

Espíritu Santutapis noganchïman cachamusha señalashana cananchïpaj. Espíritu Santuta chasquishana carmi musyanchi Tayta Dios aunimashanchïta cumlimänanchïpaj cashantapis.

Efesios 1:13

Gamcunapis alli willacuyninta wiyar Jesucristuta chasquicurmi salbasyunta tarishcanqui. Chaynöpami Tayta Diosninchi aunishan Espíritu Santuta chasquicushcanqui señalashano paypäna canayquipaj.

Efesios 4:30

Espíritu Santuta ama jagayächiychu. Espíritu Santuwanmi Tayta Diosninchëga señalashurayqui Paypa cashayqui musyacänanpaj. Chayno señalasha cajcunallami Jesucristo cutimushan junäga salbaconga.

Deuteronomio 32:34

«Tayta Diosninchi nisha: ‹Jucha rurashancunataga manami gongächu. ¿Gongaycunäpaj cashantachi yarpaycan?

Josué 18:9

Chaura chay runacuna aywar manaraj aypushan intëru chacrata tumamuran. Cada partita siudänincunatawan apuntayllapa raquiran. Ganchis partiman rurarcur cutiran Josué tiyaycashan Siluman.

Apocalipsis 7:2

Juc anjiltapis ricarä inti yagamunan cajpita munayniyoj Tayta Diospa sëllun aptasha aywaycämojta. Payga cay pachapa cuchuncho caj chuscu anjilcuna lamartapis cay pachatapis castigananpaj caycajcunata sinchipa niran:

Apocalipsis 9:4

Paycunatami niran guewatapis ni yöratapis mana yatapänanpaj. Chaypa ruquenga Tayta Diospa sëllunwan urcuncho sëllöni cajcunallata ñacachinanpaj niran.

Rut 4:1

Chaypitana Boozga aywaran marca yaycuna puncuman jamacunanpaj. Chaycho Booz jamaraycaptinmi Rutpa runanpa mas lijïtimu caj famillyan runa päsaycänaj. Chaura Booz niran: «Cayman shamuy tayta parlananchïpaj. Jamapärishun.» Chayno niptin jamäshiran.