Jeremías 31:9 - Tayta Diosninchi Isquirbichishan

⁹ Arpinticusha carmi wagaraycar cutimonga. Noganami shogashpä chuya yacu aywaycajman pushashaj. Pampa nänillanpami pushamushaj imamanpis mana tacacänanpaj. Nogami cä Israelpa taytan. Israelga guechpa wamrämi.»

Jeremías 31:9 ပူးပေါင်းရင်းမြစ်များ

1 Crónicas 29:10

Chaura Davidga llapan runacunapa ñaupancho Tayta Diosta alabar niran: «¡Awilö Israelpa Tayta Diosnin imaycamapis alabasha caycuy!

Salmos 107:7

Nircur alli nänita tarichiran tiyananpaj caycaj siudäman chayananpaj.

Salmos 23:2

Tajta pampacunachömi jamachiman. Chuya yacu aywajmanmi pushaman.

Salmos 89:27

Nogapapis payga guechpa wamrämi canga. Payga cay pachacho caj raycunapita mas munayniyojmi canga.

Éxodo 4:22

Chaura faraonta cayno ninquipaj: ‹Tayta Diosga caynömi nin: Israelcunaga mayur wamrämi.

Isaías 42:16

Gapracuna aywashanpaga chacaytapis achicyajmanmi ticrarachishaj. Jatun ragracunatapis pampamanna ticrarachishaj. Paycunataga pushashäpaj mana rejsishan nänicunapami, quichqui nänicunapami. Chaycunataga rasunpami rurashaj.

Isaías 43:20

Chauraga jirca-allgucunapis, avestruz äbicunapis agradësicamangami. Nogaga chaqui jircachömi yacuta pashtachimö. Chaqui jircachömi mayuta yurichimö. Chayno yurichimö acrashä runacuna upunanpämi.

Isaías 45:11

Israelcunata ruraj Santo Tayta Diosmi cayno nin: «Wamräcunata imano rurashäpitapis gamcuna ¿tapumanquichuraj? Ruraynëcunata imano ruranäpäpis ¿yachachimanquichuraj?

Isaías 57:14

Chayrämi cayno nishan wiyacangapaj: «Nänita aruy-llapa. Imapis chaparaycajcunataga jitariy acrashä runacuna päsananpaj.»

Isaías 63:13

¿Maytaj acrashancunata lamarpa päsachej? ¿Maytaj chunyaj jircapa cawalluta mana lluchcacayllapa päsachejno acrashancunata pushamoj?

Isaías 63:16

¡Gammi canqui nogacunapa papänë! Abraham «manami wamrächu canqui» nimaptinpis, Jacob nogacunata mana yarpämaptinpis Tayta Dios, gamllami canqui nogacunapa papänëga. Imaypis nogacunata yanapämäga gamllami canqui.

Isaías 64:8

Imano casha captëpis Tayta Dios gammi canqui nogacunapa papänëga. Nogacunaga cä mitullapitami. Gamnami canqui manca ruraj. ¡Llapanëpis cä gam ruramashallayquimi!

Jeremías 3:19

«Israel, gamcunataga wamräno canayquitami yarparä. Intëru munducho caj nasyunpita mas alli caj nasyunta, mas alli caj chacratapis goycuytami yarparä. Nogaga yarparä ‹Papä› nimänayquitami, imaypis mana gongamänayquitami.

Jeremías 3:4

Guepatarämi nimarayqui: ‹Gamga canqui Papänëmi. Jipash captëpis yan'guëmi cashcanqui.

Jeremías 31:20

Israelcuna, gamcunaga acrashä runacunami canqui. Gamcunataga fiyupami cuyä. Fiyupa piñacurpis simrimi gamcunataga llaquiraycä. Shongöpis nanayparämi nanaycan. Gamcunataga fiyupami cuyapä. Noga Tayta Diosmi chayno në.

Jeremías 50:4

Tayta Diosmi nin: «Chay wichan Israel runacunawan Judá runacunaga noga Tayta Diosninta ashimashpanmi wagaraycar cutimongapaj.

Oseas 12:4

Anjilwan pillyar binsiran. Nircur Jacobga wagashpan cuyapänanpaj ruwacuran. Tayta Dios Betelcho tarishpan chaycho parlaran.

Oseas 3:5

Chayno cashanpitarämi Israelcunaga Tayta Diosman cutenga. Davidpita miraj rayninmanpis cutenga. Ushanan watacunachöga fiyupa rispitar aywanga Tayta Diospa ñaupanman. Chaura Tayta Diospis bindisyunnintami churanga.

Zacarías 12:10

Davidpita mirar aywajcunata, Jerusalén runacunataga shacyächishaj cuyapäcoj cananpaj, nogaman yäracamur mañacamunanpaj. Chaypitaga tucsimashanmanmi ricäramonga. Chaymi llaquicur waganga japallan wamran wañushapänöraj, guechpa wamran wañushapänöraj.

Malaquías 2:10

¿Manachu llapanchïpapis jucnaylla caycan taytanchëga? ¿Manachu llapanchïtapis camamashcanchi juc Dioslla? Chayno caycaptenga ¿imanirtaj jucninchi-jucninchïpis llullapänacunchi? Chayno rurarga manami cumliycanchïchu unay caj awilunchïcunawan Tayta Dios conträtu rurashanta.

Números 2:18

«Efraín trïbu runacunaga röpanpa röpanpa inti yaganan cajcho tolduncunata ichichenga. Bandëranta jawenga. Efraín suldärucunapa mandajninmi Amiudpa wamran Elisama.

Mateo 3:3

Juanpämi Diosninchïpa unay profëtan Isaías cayno willacuran: «Chunyajchömi gayacuypa willacuycan: ‹Tayta Diosninchi shamunanpaj nänita allchay. Diosninchi shamunanpaj chunyajpa nänita dirichay› nir.»

Mateo 5:4

«Cushishami cawanga llaquicuycajcunaga. Paycunataga Tayta Diosmi shacyächenga.

Mateo 6:9

Gamcunaga Tayta Diosta cayno mañacunqui: «Syëlucho caycaj Papänë, gamtaga pï-maypis rispitayculläshunqui.

Lucas 6:21

«Cushishami cawanquipaj canan yargaycajcunaga. Gamcunaga sacsashami canquipaj. «Cushishami cawanquipaj canan wagaycajcunaga. Asirmi goyanquipaj.

Romanos 8:26

Cay pachacho cawashanchïcama Tayta Diosninchïman yäracur payta mañacurpis manami camäpacunchïchu pay munashanno mañacuyta. Sumaj mañacuyta mana camäpacuptinchïmi Espíritu Santu llapan shongunwan Tayta Diosninchïta mañacun yanapämänanchïpaj.

2 Corintios 6:18

Chauraga gamcunapa taytayquimi cashaj. Gamcunanami canquipaj wamräcuna. Noga munayniyoj Tayta Diosmi chayno në.»

Deuteronomio 14:1

«Gamcunaga Tayta Diospa cuyay wamrancunami canqui. Chaymi pipis wañuptin Diosman mana yäracoj runacuna rurashanno cuerpuyquicunata ama pishtaypa pishtar cuchucunquichu ni urcuyquicunapapis ama galaypa rutucunquichu.

Deuteronomio 32:6

Mana tantiyaj lïsu runacuna ¿chaynöchu Tayta Diosninchïta cutichinqui? Payga ¿manachu taytayqui caycan? ¿Manachu camashojniqui, cawayta goshojniqui caycan?

Hebreos 12:13

Maypa aywanayquipäpis wicsu caminucunataga allchay wegrucunapis mana tuninanpaj. Chaymi Tayta Dios munashanno cawaptiquega witiycachajcunapis mana witiconganachu wegru runa tunishan-japuy. Juchaman manami tunenganachu. Man'chäga allillanami cawanga.

Hebreos 12:23

Tayta Diosman unay yäracojcunapa jutincunapis syëlucho apuntaraycashanmanmi chayashcanqui. Pï-maytapis jusgaj Tayta Diosninchïpa ñaupanmannami chayashcanqui. Pay munashanno cawaj runacunapa almanwanpis tincushcanquimi.

Hebreos 5:7

Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.

Apocalipsis 7:17

Tayta Diospa ñaupancho munayniyoj Cashni uyshami paycunataga uyshacunatano ricanga. Imaypis mana yacunänanpaj Paymi cawachicoj chuya yacuman pushanga. Tayta Diospa ñaupanchöga imaypis manami waganganachu.»