Jeremías 31:3 - Tayta Diosninchi Isquirbichishan

³ Paycunataga unay yuriparcurmi nirä: «Nogaga gamcunata fiyupami cuyä. Chaymi cananpis cuyapayllapa ricaycä.

Jeremías 31:3 ပူးပေါင်းရင်းမြစ်များ

1 Reyes 10:9

¡Alabasha cachun Tayta Diosniquega! Amatar alli ricashushpayqui gamta churasha-cashunqui Israelcunata mandanayquipaj. Israelcunataga imaypis Tayta Dios allimi ricasha. Chaymi churashurayqui raynin canayquipaj, alli mandanayquipaj.»

Salmos 103:17

Tayta Diosmi ichanga imaycamapis cuyan payta wiyacojcunataga. Alli caynenga ayca miraycamapis chaynöllami.

Salmos 25:6

Tayta Dios, para-simri cuyapäcoj cashayquita, alli cashayquita yarpaycuy ari.

Cantares 1:4

¡Pushacamay ari! ¡Raynillä, wasiquiman pushacamay ari! Gamwanga cushishami goyäshunpaj. Chaychönami yarpäshun cuyacuyniqui bïnupita mas alli cashanta. ¡Rasuntachari jipashcunaga cuyashunqui!

Isaías 43:4

Nogaga gamcunata charänäpaj y mana wañunayquipämi juc nasyuncunata ruquiqui churashcä. Chayno rurashcä gamcunata cuyashpämi. Gamcunaga ima-aycapitapis masmi bälinqui.

Isaías 45:17

Israeltami ichanga Tayta Dios salbanga. Para-simrinami salbanga. Paycunaga manami imaypis pengaycho, ni manacajman churashapis cangapächu.

Isaías 49:14

Sión runacunaga nej: «Tayta Diosga cachaycamashcanchïmi. Diosnëga manami yarpämannachu» nir.

Oseas 11:1

Israelcunata Tayta Dios niran: «Israel runacuna wamrallaraj captin noga cuyaj cä. Pay wamrä captinmi Egiptupita shacamunanpaj gayarä.

Oseas 11:4

Paycunataga fiyupa cuyashpämi pushamurä. Paycunataga iti wamranta margarcur cäranman töpachejnömi cachirä. Chayno rurarmi paycunataga micuytapis tarichirä.

Malaquías 1:2

Tayta Diosmi nin: «Nogaga gamcunata cuyämi». Gamcunanami ichanga ninqui: «¿Imanöpataj musyäcunaman cuyamashayquita?» nir. Chayno gamcuna niptiquimi Tayta Dios nin: «¿Manachu chay wauguilla caran Jacobwan Esaüga? Chaypis nogaga Jacobtami cuyarä.

Romanos 8:30

Chayno acramashpanchïmi Tayta Diosninchi tantiyachimashcanchi Jesucristuman yäracunanchïpaj. Payman yäracuptinchïmi jucha rurashanchicunata perdunamashcanchi. Perdunamashpanchïmi pushamäshun imaycamapis ñaupancho cawananchïpaj.

Romanos 9:13

Chaypitami Tayta Diosninchïpa palabranchöpis cayno niycan: «Esaüta acranäpa ruquinmi Jacobta acrashcä.»

Deuteronomio 10:15

Chayno carmi maygan nasyun runacunatapis acrayta puydinman caran. Ichanga gamcunapa unay caj awiluyquicunatami Tayta Diosga cuyar acraran. Nircur gamcunatapis acrashurayqui awiluyquicunapa wamran captiqui. Cananpis cuyashan runacunami carcaycanqui.

Deuteronomio 33:26

«Jesurunpa Diosninnöga manami ima dioscunapis canchu. Payga yanapäshunayquipaj shamun pucutay janallanpami.

Deuteronomio 33:3

Tayta Diosga cuyanmi acrashan caj runacunata. Pay munashanno cawajcunataga imapitapis chapanmi. Chayno cawaj runacunaga Diospa ñaupanman gongurpacun. Chaychömi tantiyachishancunata chasquicun.

Deuteronomio 4:37

Payga unay caj famillyayquicunata cuyashami. Wamrancunatapis acrasha-cashunqui fiyupa munayninwan Egipto runacunapa maquinpita jorgamushushpayqui.

2 Timoteo 1:9

Payga juchanchïcunata perdunar salbamashcanchi munashannöna goyänanchïpämi. Salbamashcanchi manami allicunata rurashanchïpitachu, chaypa ruquenga juchayoj caycashapis cuyapämashpanchïmi. Cay pachata manaraj camallarnami Jesucristo cayninpa cuyapämashcanchi.

Santiago 1:18

Tayta Diosga quiquin munashpanmi wamrachacamashcanchi. Alli Willacuyninta wiyacushanchïpitami mushoj cawayta tarichimashcanchi. Chaymi rimir cosëchacho raquishan micuyno cuyay caycanchi.

1 Pedro 1:3

¡Tayta Diosninchïta alabashun! Taytanchi Jesucristupa papänin Tayta Diosmi cuyapämashpanchi mushoj cawayta gomashcanchi yapay yurishanöna cananchïpaj. Cananga Jesucristo wañushanpita cawarimusha captinmi yäracunchi noganchïpis wañushanchïpita cawarimunanchïpaj cashanta.

1 Juan 4:19

Rimëru Tayta Dios cuyamashanchïpitami noganchïpis cuyanacuycanchi.