Jeremías 31:28 - Tayta Diosninchi Isquirbichishan

²⁸ Nogaga guewatanömi achurirä, sajtargärirä, jitarirä, illgächirä, mana alliman chayachirä. Chayno rurashämannömi ricaycäshaj jatarachinäpaj, lantajnöpis yachacächinäpaj. Noga Tayta Diosmi chayno në.

Jeremías 31:28 ပူးပေါင်းရင်းမြစ်များ

Job 29:2

«¡Imanöparaj cutiycöman unay cashä wichanman! Chay wichanmi ima-aycapitapis Tayta Dios chapämaran.

Salmos 102:16

Pay Sionta allchananpaj shamushpanmi munayniyoj cashanta musyachiconga.

Salmos 147:2

Tayta Diosga Jerusalentapis allchaycächinmi. Israelcuna mashtacasha caycajcunatapis shuntaycämunmi.

Salmos 69:35

Tayta Diosga Judá particho caycaj siudäcunata yapaymi allchachenga. Yapaymi acrashan runacunataga Sioncho tiyachenga.

Jeremías 1:10

Cananmi gamta churä nasyuncuna, mandajcuna munayniquicho cananpaj. Chaymi gamga paycunata jorgunquipaj; waquintana sajtarinquipaj. Waquintana illgächinquipaj; waquintana tunichinquipaj. Waquintana alliman churanquipaj; waquintana sumaj jamachinquipaj.»

Jeremías 1:12

Tayta Diosna nimaran: «Au, rasunpami. Chay yörapa ñawin wiñamushannömi nogapis manapis aycällatana cumlishaj gamta willacachishäta.»

Jeremías 24:6

Ima mana alli chayananpitapis nogami chapäshaj. Cay nasyunmanmi cutichimushäpäpis. Cutiycachimurnami alli goyächishaj. Yapayga manami illgächishäpänachu. Juc pachaman jamaycachir manami jitarishänachu.

Jeremías 32:41

Alli goyänanpaj paycunata yanapashpämi cushicushaj. Llapan shongöwan cuyashpämi paycunata cay nasyunman tiyachishaj.

Jeremías 32:42

«Noga Tayta Diosmi në: Cay runacunata fiyupa ñacachishämannömi alli yanapänäpaj aunishäcunatapis cumlishaj.

Jeremías 42:10

‹Gamcuna cay nasyunllacho tiyacuptiquega Nogami jatarachishayqui. Mananami tunichishayquipänachu. Lantatanömi noga tacyachishayqui; manami achurishayquipächu. Nogaga fiyupa ñacanayquipaj castigashäpita pasaypami pësacö.

Jeremías 44:27

Nogaga paycunata ricaycäshaj castiganäpämi; manami yanapänäpänachu. Egiptucho tiyaycaj Judá runacunaga llapanmi guërrawan, yargaywan wañonga.

Jeremías 45:4

Ichanga noga Tayta Diosmi në: Nogaga rurashäcunatami illgächë. Lantashäcunatami achurë. Chaynömi rurashaj llapantapis cay pachacho cajtaga.

Ezequiel 19:12

Ichanga rabyawan achuriycärir pampaman jitariran. Inti yagamunan caj lädupita wayra shamojna chaquirachiran. Chauraga wayuyninpis shicwacuranna. Sinchi rämancunapis chaquicäcuran. Chaura ninamanna waycuycäriran.

Ezequiel 36:10

Gamcho tiyaj Israel runacunaga fiyupa aypallamanmi mirangapaj. Runacuna siudäcunaman juntanga. Juchusha caycajcunatapis yapay allchar jatarachenga.

Daniel 9:14

Chaypitami Tayta Dios, gamga cachamushcanqui nogacunapaj camarisha caycaj castïguta. Gamga llapantapis rasun cajtami ruranqui. Nogacunami ichanga nishayquita mana wiyacushcächu.

Daniel 9:25

Cayta sumaj tantiyacunquiman: Jerusalén siudäta allchananpaj nishanpita-pacha, acrashan mandaj chayamunancamaga canga ganchis semänarämi. Jerusalenpa intëru cantunpa pergancunatawan cällincunata allchananpäga caycan sojta chunca ishcay semänami. Ichanga chay wichan cangapaj amatar llaquicuymi.

Amós 9:11

«Chay nishä junaj chayamuptenga Davidpita mirajcuna yapay Israelcho mandananpämi camacächishaj. Davidpa wasin tunisha caycajta yapay jatarachishaj. Uchcuncunata chapashaj. Pergancuna juchusha caycajta pergashaj. Chauraga unay cashannömi yapay canga.

Amós 9:14

Chayrämi prësu apashanpita cutichimushäpaj acrashä Israel runacunataga. Juchuchisha caycaj siudäcunatapis yapay allchanga. Nircur chay siudäcunacho tiyanga. Übastapis lantanga. Poguptinnami bïnuta rurarcur uponga. Wertacunata ruranga. Wayuynincunatana miconga.

Zacarías 8:14

«Noga, munayniyoj Tayta Diosmi cayno në: Unay caj castayquicuna rabyachimaptin nogaga castiganäpämi nirä. Y nishänömi castigarä.

Zacarías 8:15

Cananmi ichanga yarpashcä Jerusalentawan Judäta allina yanapayta. Chaymi gamcunaga ama manchacuynachu.

Hechos 15:16

« ‹Chaypitarämi cutimushaj. Davidpa wasin tunisha caycajtami jatarachishaj. Davidpita miraj yapay ray cananpäpis camacächishaj.

Deuteronomio 30:9

Chaura Tayta Diosga ima rurashayquimanpis, wamrayquicunamanpis, uywayquicunamanpis, micuyniquicunamanpis bindisyunta churamonga. Rasunpami Tayta Diosga unay awiluyquicunata yanapar cushicushanno gamcunata yanapäshushpayquipis cushiconga.