Jeremías 31:27 - Tayta Diosninchi Isquirbichishan

²⁷ Tayta Diosmi nin: «Shamoj watacunachöga Israel runacunapis, Judá runacunapis, uywacunapis aypallaman mirananpämi camacächishaj.

Jeremías 31:27 ပူးပေါင်းရင်းမြစ်များ

Salmos 107:41

Pobricuna llaquicurcaycajtami ichanga Tayta Dios alliman churan. Chay famillyacunatana Tayta Diosga uyshatano aypallaman mirachin.

Jeremías 30:19

Paycunami agradësicamar alabamanga. Cushishami goyanga. Paycunaga manami wallcayangachu. Chaypa ruquenga nogami camacächishaj achcayänanpaj. Llapan rispitananpaj noga camacächiptëmi manana pipis manacajmanga churanganachu.

Ezequiel 36:10

Gamcho tiyaj Israel runacunaga fiyupa aypallamanmi mirangapaj. Runacuna siudäcunaman juntanga. Juchusha caycajcunatapis yapay allchar jatarachenga.

Ezequiel 36:11

Camacächishaj gamcunachöga runacunapis uywacunapis mirananpaj. Chaycunaga aypallamanmi miranga. Runacunapis caycanga unay cashanno aypallami. Unay cashayquipitaga mas allimi goyanquipaj. Chayrämi musyanquipaj noga Tayta Dios cashäta.

Ezequiel 36:9

Gamcunataga nogami ricashayqui. Nircur camacächishaj yapay murusha, uryasha canayquipaj.

Oseas 2:23

Acrashä runacunaga quiquilläpänami canga. Lo-ruhamatami cuyapäshäpaj. Lo-amïtanami nishaj: ‹Gamga acrashämi canqui› nir. Paynami nimanga ‹Gammi Diosnë canqui› nir.»

Zacarías 10:9

Nogami machicächishcä juc-lä nasyuncunaman. Ichanga may carucho cashpanpis paycuna nogata yarpämangami. Nircorga wamrancunawannami cutimonga.

Deuteronomio 30:9

Chaura Tayta Diosga ima rurashayquimanpis, wamrayquicunamanpis, uywayquicunamanpis, micuyniquicunamanpis bindisyunta churamonga. Rasunpami Tayta Diosga unay awiluyquicunata yanapar cushicushanno gamcunata yanapäshushpayquipis cushiconga.