Jeremías 31:23 - Tayta Diosninchi Isquirbichishan

²³ Israelcunapa munayniyoj Tayta Diosnin nin: «Judá runacunataga cutichishaj ñaupata tiyashan partimanmi, siudänincunamanmi. Chaycho tiyajcunaga yapaynami parlangapaj: ‹¡Alli goyay caycashan rispitädu jircaman Tayta Dios bindisyunninta churaycuchun!› nir.

Jeremías 31:23 ပူးပေါင်းရင်းမြစ်များ

Salmos 128:5

Sión lömapita-pacha Tayta Dios bindisyunta goycushunqui. Cawashayquiyäga ricay Jerusalén alli caycajllata.

Salmos 129:8

Chay runacunataga ama pipis nichunchu: «Tayta Dios yanapaycushunqui. Tayta Dios bindisyunta goycushunqui» nir.

Salmos 134:3

Syëlutapis cay pachatapis camaj Tayta Dios Sionpita bindisyunta goycushunqui.

Salmos 28:9

Acrashayqui runacunata salbay Tayta Dios. Gam acrashayqui cajcunataga bindisyunta goycullay. Uyshërunöpis sumaj ricaycullay. Margashalla apaycuy imaycamapis munayniquicho goyänanpaj.

Isaías 1:21

Ñaupata alli goyaj Jerusalén runacuna, imanöshi pirdicashcanqui. Ñaupataga llapaniquimi rasun cajllata rurarayqui. Allillata rurarmi goyarayquipis. Cananga llapaniquipis wañuchicojllamanmi ticrashcanquipis.

Isaías 1:26

Unay alli juezniqui cashannömi yapay alli juezniquicuna canga. Tantiyachishojniquicunapis unay cashannömi yapay canga. Chayno noga camacächiptëga yapaymi nishunquipaj: ‹Jerusalenchöga alli runacunami tiyan› nir, ‹Diosninta wiyacoj runacunami› nir.»

Isaías 11:9

Jerusalenchöga mananami pipis mana allita ruranganachu. Imanömi lamarcho yacu juntan, chaynömi cay pachachöpis Tayta Diosta rispitaj runacunallana juntasha canga.

Isaías 32:16

Nasyun intëruchöpis rasun cajtawan alli cajllatanami pï-maypis ruranga.

Isaías 33:5

Munayniyoj Tayta Diosga syëluchömi tiyan. Paymi camacächisha Sioncho alli cajta, rasun cajta rurananpaj.

Isaías 60:21

«Marcayquichöga alli runacunallanami tiyanga. Chaychöga paycunallami imaycamapis tiyacongapaj. Paycunami caycan lantashä lantapita chillguimojcunaga. Paycunataga quiquëmi churashcä munayniyoj cashäta juccunata musyachinäpaj.

Jeremías 29:14

Nogaga gamcunawannami caycäshaj. Chaymi gamcunataga may nasyunpitapis, mayman gargusha cashpäpis cashgan cutichimushayquipaj. Shuntamur camacächishäpaj cay nasyunniquiman cutimunayquipaj. Noga Tayta Diosmi chayno në.»

Jeremías 30:18

Tayta Dios nin: «Jacobpita mirajcunata nogami cutichimushaj. Paycuna tiyashan nasyunninta cuyapäshämi. Juchusha caycaj janancunachömi siudänincunatapis yapay ruranga. Palasyuncunatapis maychöpis cashanchömi yapay jatarachenga.

Jeremías 32:44

Chaura papilta rurashpan sëlluchengana, testïgucunawanpis firmachengana. Chaynöga cangapaj Benjamín runacuna tiyaycashancho, Jerusalencho, Judäpa llapan siudänincunacho, achca puntayoj jircacunachöpis, pampa chacracunachöpis, Neguevpa siudänincunachöpis. Nogami chayno cananpaj camacächishaj. Noga Tayta Diosmi chayno në.»

Jeremías 50:7

Contrancuna tariycärir ñacachej. Nircur nej: ‹Noganchëga manami juchayojchu canchi. Quiquincunami juchayöga alli goyächej Tayta Diosta mana wiyacushanpita. Unay awiluncunapis Paymanmi yäracoj.›

Abdías 1:17

«Sión lömacho ichanga waquin acrashä runacuna cawaycar quëdangapaj. Chaypitaga Jacobpita mirar aywajcuna chacrancunata yapay shuntangami.

Miqueas 4:1

Shamoj watacunacho Tayta Diospa Templun caycashan puntaga waquin puntacunapita mas rispitashami cangapaj. Chaymanmi shamongapaj achca nasyun runacuna.

Zacarías 8:3

«Noga, Tayta Diosmi cayno në: Nogaga Sión lömacho caycaj Jerusalenmannami cutimushaj chaycho tiyanäpaj. Chaura Jerusalentaga runacuna nengapaj ‹Diosnin nishanta Cumlej› nir. Noga munayniyoj acrashä Sión lömapänami runacuna nengapaj ‹Rispitädu Löma› nir.

Rut 2:4

Rut shuntacuycaptin Belenpita Booz chayaran. Nircur llapan piyunnincunata saludaran «Tayta Dios yanapayculläshunqui» nir. Chaura piyunnincunapis «Gamtapis Tayta Dios yanapayculläshunqui» niran.