Jeremías 31:1 - Tayta Diosninchi Isquirbichishan

¹ Tayta Diosmi nin: «Chay wichanga nogami llapan Israelcunapa Diosnin cashaj. Paycunanami acrashä runacuna canga.»

Jeremías 31:1 ပူးပေါင်းရင်းမြစ်များ

2 Samuel 7:24

Gammi camacächishcanqui Israelcunaga imaycamapis acrashayqui cananpaj; gam Tayta Dios, imaycamapis Diosnin canayquipaj.

Salmos 144:15

Chay nishäno goyaj runacunaga rasunpa cushishami cawanga. Cushishami cawanga Tayta Diosta «Diosnë» nejcunaga.

Salmos 48:14

Paycunata willapanqui imaypis Tayta Dioslla Diosninchi cashanta. Payllami imaypis pushamäshunpaj.

Isaías 20:6

Lamar cantuncho tiyaj runacuna chay wichanga nengapaj: ‹Masqui ricay-llapa imanöshi caycan yäracushanchi runacunaga. Paycunamanmi aywaj canchi yanapämänanchïpaj, Asiriapa rayninpita salbamänanchïpaj. Cananga ¿imanöparaj salbacushun?› nir.»

Isaías 41:10

Ama manchacuychu. Nogaga gamcunawanmi caycä. Ama manchacuychu. Nogaga Diosniquimi cä. Nogami yanapar gamcunataga callpata gö. Maquëcho charararmi gamcunataga alli goyächishayqui.

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Jeremías 3:18

Chay wichanga Israel runacunawan Judá runacuna juc pachallamanmi shuntacangapaj. Nircurnami norte caj nasyuncho tiyarcaycashanpita cutimonga unay caj awiluyquicunata partisyun goycushä chacraman.

Jeremías 30:10

«Noga Tayta Diosmi në: «Jacobpita mirar aywaj Israelcuna, ama manchacuychu. Sirbimajcuna ama manchariychu. Caru nasyunman apashushayquipitami gamcunata y llapan wamrayquicunata jorgamushayquipaj. Chaypitaga allinami goyäcunquipaj. Alli goyäcuptiqui pipis manami manchachishunquipänachu.

Jeremías 30:22

Paycunaga noga acrashä runacunami canga. Noganami Diosnin cashaj. Noga Tayta Diosmi chayno në.»

Jeremías 30:24

Tayta Dios rabyashanga manami päsangachu yarpashanta manaraj rurayta ushashancamaga. Llapan chaycunata gamcunaga juc junajrämi tantiyanquipaj.

Jeremías 30:3

Juc junäga acrashä Israelcunapa, Judá runacunapa surtinta rucachishämi. Noga Tayta Diosmi chayno cananpaj në. Unay caj awiluncunata goycushä nasyunmanmi cutichimushäpaj.»

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Jeremías 32:38

Paycunaga noga acrashä runacunanami cangapaj; noganami Diosnin cashaj.

Jeremías 33:14

Tayta Diosmi nin: «Juc junäga Israelcunatawan Judäcunata bindisyunta gonäpaj aunishäta cumlishämi.

Jeremías 33:7

Juc-läman gargushä Judäcunatawan Israelcunataga cutichimushämi. Paycunataga wasita jatarachej-jinami jatarachishaj yapay unayno allina goyänanpaj.

Jeremías 50:4

Tayta Diosmi nin: «Chay wichan Israel runacunawan Judá runacunaga noga Tayta Diosninta ashimashpanmi wagaraycar cutimongapaj.

Ezequiel 11:20

Chaura paycunaga goyangapaj laynëcuna nishanta cumlishpanna, nishäno rurashpanna. Paycunami canga acrashä runacuna. Noganami cashaj paycunapa Diosnin.

Ezequiel 34:24

Noganami Tayta Diosnin cashaj. Sirbimajnë Davidnami paycunapa mandajnin canga. Noga Tayta Diosmi chayno cananpaj nishcä.

Ezequiel 34:31

Gamcunami alli guewächo goyaj uyshäcuna canqui. Acrashä runacunami canqui. Noganami Diosniqui cä. Noga Tayta Diosmi chayno në.› »

Ezequiel 36:28

Chaura unay taytayquicunata goycushä nasyunchömi tiyanquipaj. Gamcunami canquipaj acrashä runacuna. Noganami gamcunapa Diosniqui cashaj.

Ezequiel 39:22

Chay junajpita-pacha Israelcunaga musyangami noga paycunapa Tayta Diosnin cashäta.

Ezequiel 39:25

«Chaypitami, noga Tayta Diosga në: Cananmi ichanga Babiloniaman apashanpita Jacobpita miraj Israelcunata cutichishäna. Chayno paycunata cuyapashpämi camacächishaj pï-maypis rispitamänanpaj.

Oseas 1:11

Chauraga Judá runacunawan Israel runacuna jucllachacar iwalnami goyanga. Jucnayllatanami mandajnin cananpäpis churanga. Chauraga may-chaypitapis Jerusalenmanmi cutenga. ¡Chay junaj Jezreelchöga fiyupa cushicuymi cangapaj!

Levítico 26:12

Maypa puriptiquipis gamcunawan iwalmi purishaj. Nogami Diosniqui cashaj. Gamcunanami acrashä runacuna canquipaj.

Zacarías 13:9

Chay cawaycar quëdaj cajtaga ninaparämi päsachishaj. Guellay, gori oxidashanta limyuyächejnömi limyuyächishaj. Chayno ruraptërämi paycunaga nogatana mañacamangapaj. Noganami paycunata yanapäshaj. Paycunataga nishaj ‹Acrashä runacunami canqui› nir. Paycunapis nenga: ‹Tayta Diosmi Diosninchëga› nir. Noga Tayta Diosmi në chayno cananpaj.»

Juan 20:17

Chaura Jesús niran: «Ama charirämaychu. Manarämi Papänë cajman cutërächu. Cananga aywar willay disïpulöcunata Papänëman cutiycashäta. Papänëga gamcunapapis papäniquimi, Diosnëga gamcunapapis Diosniquimi.»

2 Corintios 6:16

¿Imanöpataj alli canman Tayta Diospa Templunman ïdulucunata jamachisha? Noganchëga caycanchi Tayta Diospa templunmi. Palabranchöpis quiquin Tayta Dios cayno nin: «Paycunachömi tiyashaj. Paycunawanmi purishaj. Paycunapa Diosninmi cashaj. Paycunanami acrashä runacuna canga.»

Hebreos 12:16

Esaüno jucha ruraycunacho ama cawanquichu. Esaüga Isaacpa guechpa wamran car chasquinan caran guechpa cay bindisyuntami. Chayno captinpis pachan-raycullami mayur cay derëchunta juc lätu micuyllawan rucaycuran.