Jeremías 30:24 - Tayta Diosninchi Isquirbichishan

²⁴ Tayta Dios rabyashanga manami päsangachu yarpashanta manaraj rurayta ushashancamaga. Llapan chaycunata gamcunaga juc junajrämi tantiyanquipaj.

Jeremías 30:24 ပူးပေါင်းရင်းမြစ်များ

Génesis 49:1

Llapan wamrancunata gayaycur Jacob niran: «Ñaupäman witimuy-llapa shamoj watacunacho ima päsashunayquipaj cashantapis willapänäpaj.

Isaías 14:24

Munayniyoj Tayta Diosmi jurashpan nisha: «Yarpashänöllami rasunpa canga. Nishänöllami llapanpis canga.

Isaías 46:11

Inti yagamunan caj-läpitami juc runata gayashcä. Aycha micoj äbinöpis carupitami shamonga. Ruranäpaj yarpaycashäcunata paymi rurangapaj. Imano ruranäpäpis yarpashcänami. Chaytaga cumlishämi.

Jeremías 23:19

Chaymi mana wiyacamajcunataga rabyashpä löcu tamyano, löcu wayra ima-aycatapis apacojno usharishaj.

Jeremías 23:20

Llapan yarpashäta manaraj rurayta ushashäcamaga rabyashä manami päsangachu. Juc junäga cayno niycashäcunata sumaj yarpachacur tantiyacunquipämi.

Jeremías 4:28

Cay pachachöga fiyupa llaquicuymi canga. Syëlupis chacacäcongarämi. Imano cananpäpis nishätaga manami cutiricushächu. Chayno cananpaj camacächishätaga rasunpami cumlishaj.

Jeremías 4:8

Chaymi gachga röpacunata jaticuy. Fiyupa wagashpayqui nanächicuycajnöraj gaparpay. Nogaga jinallami nina ratarejnöpis gamcunapaj fiyupa rabyaycä.»

Jeremías 48:47

Ichanga Moabpita prësu apashancunata mas unaytaga cutichimushämi. Noga Tayta Diosmi chayno në.» Tayta Dios Moab runacunapaj nishanga chaynömi caycan.

Jeremías 49:37

Contrancunapa ñaupanchömi Elamcunaga manchariywan sicsicyarcaycanga. Paycunamanga mana allicunatami chayachishaj. Paycunapaj rabyasha caycashäpitapis chayrämi allchacäshaj. Ushajpaj illgächinäpämi guërrawan wañuchichishaj. Noga Tayta Diosmi chayno në.

Jeremías 49:39

Chaypita shamoj watacunachönami ichanga Elam runacunata cutichimushäpaj. Noga Tayta Diosmi chayno në.»

Lamentaciones 1:12

Jerusalén siudänami nin: «Gamcuna, caminunpa purejcuna, ichiycäriy sumaj yarpachacunayquipaj. ¿Pillaga ñacaycanchuraj noga fiyupa ñacaycashäno? Tayta Diosmi rabyacurcushpan camacächisha cayno ñacanäpaj.

Ezequiel 38:16

Nircorga acrashä Israelcunata maganquipaj. Gam Gog, chay partipaga juntacuycunquipaj yana pucutaynörämi. Öra chayamuptinnaga camacächishaj acrashä partiman shamunayquipaj. Gamwan imanöpis rurachishäta ricar-raj waquin nasyun runacuna musyangapaj noga munayniyoj cashäta.

Daniel 10:14

Gamman nogaga shamushcä nasyunniqui imano cananpaj cashantapis willanäpämi. Suyñushayquega caycan shamoj watacunacho imanöpis cananpämi.›

Daniel 2:28

Janaj pachacho caycaj Diosmi ichanga ima cananpaj cashantapis musyachimanchi. Paymi musyachisha-cashunqui shamoj watacunacho ima cananpaj cashantapis. Tayta, cananga willashayqui suyñur ricashayqui imano cashantapis. Chayno willashayqui imapaj cashantapis:

Oseas 3:5

Chayno cashanpitarämi Israelcunaga Tayta Diosman cutenga. Davidpita miraj rayninmanpis cutenga. Ushanan watacunachöga fiyupa rispitar aywanga Tayta Diospa ñaupanman. Chaura Tayta Diospis bindisyunnintami churanga.

Miqueas 4:1

Shamoj watacunacho Tayta Diospa Templun caycashan puntaga waquin puntacunapita mas rispitashami cangapaj. Chaymanmi shamongapaj achca nasyun runacuna.

Números 24:14

Nogaga marcämannami cuticö. Ichanga manaraj cuticurmi willashayqui chay Israel runacuna nasyunniquicho imano rurananpaj cashantapis.»

Deuteronomio 31:29

Musyänami wañucuptëga llapayqui Israelcuna jucha rurayllacho goyänayquipaj cashanta. Mananami ruranquipänachu imano cawanayquipaj willapashäcunatapis. Llutancunata rurar Tayta Diosta fiyupa rabyachishayquipitami fiyupa ñacanquipaj.»

Deuteronomio 4:30

Chay nasyuncunacho fiyupa ñacar llaquicushpayqui Tayta Diosta yarpärir layninta wiyacuptiquega

1 Samuel 3:12

Chay junajmi Elïpa llapan famillyancunapaj imanöpis nishäta cumlishaj.