Jeremías 30:19 - Tayta Diosninchi Isquirbichishan

¹⁹ Paycunami agradësicamar alabamanga. Cushishami goyanga. Paycunaga manami wallcayangachu. Chaypa ruquenga nogami camacächishaj achcayänanpaj. Llapan rispitananpaj noga camacächiptëmi manana pipis manacajmanga churanganachu.

Jeremías 30:19 ပူးပေါင်းရင်းမြစ်များ

Esdras 6:22

Cushicushpanmi Lebadüraynaj tantata micuna fistata ganchis junaj ruraran. Tayta Diosmi camacächiran Persiapa raynin alli ricananpaj y Tayta Diospa Templunta allchachiyta yanapänanpaj.

Nehemías 8:12

Chaura llapan runacuna aywacuran micoj, upoj. Jucnin-jucnin micuyta yawachinacuran. Willapashan shongunman alli chayaptin sumaj tantiyacushanpitami cushicur fistata ruraran.

Nehemías 8:17

Prësu aywashanpita cutimoj runacunaga ramädata llapan ruraran. Nircur chay ramädachöna goyaran. Nunpa wamran Josué cashan wichanpita-pacha chay öracama chaynöga manarämi rurasharächu caran. Llapan runacuna fiyupa cushicuran.

Salmos 53:6

¡Ima alliraj canman Sionpita Israelcunata salbananpaj chayaycamuptin! Acrashan runacunata Tayta Dios alliman churaptin Jacobpita mirar aywaj Israelcunaga llapanmi cushiconga.

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Isaías 26:15

Tayta Dios gammi runacunata achcayächir nasyunnëta jatunyächishcanqui. Gam rispitasha canayquipämi chayno camacächishcanqui. Nasyunpa lindancunata mas carumanna witichishcanqui.

Isaías 27:6

Shamoj watacunachöga Jacobpita miraj Israelcuna tacyangami. Paycunaga guerunömi chillguenga y waytanga. Wayuynenga intëru nasyunpämi aypanga.

Isaías 35:10

Tayta Dios salbar jorgamushan cajcunaga cutimongami. Cantashpanmi Sionman yayconga. Chaychöga imaypis cushishallami goyangapaj. Paycunapäga cushicuywan alli goyayllanami cangapaj. Llaquicuypis nanaypis manami canganachu.

Isaías 51:11

Tayta Dios salbar jorgamushan cajcunaga cutimongami. Cantashpanmi Sionman chayanga. Chaychöga imaycamapis cushishallami goyangapaj. Paycunapäga cushicuywan alli goyayllanami cangapaj. Nanaypis llaquicuypis manami canganachu.

Isaías 51:3

Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Isaías 52:9

¡Jerusalenpa juchusha caycaj pergacuna cushicushpayqui llapayqui gaparpay! Acrashan runacunata Tayta Diosga cuyapashanami. Jerusalentaga salbashanami.

Isaías 55:5

Gamga mana rejsishayqui runacunatami gayanquipaj. Mana rejsishayqui marca runacunanami gam cajman cörriypa shamongapaj. Chaynöga cangapaj Israelcunapa Santo Tayta Diosnin gamta fiyupa rispitädu cayman churasha-cashuptiquimi.»

Isaías 60:19

«Manami nistanquipänachu junajpa inti achicyapäshunayquita, ni quilla chacaypa achicyapäshunayquitapis. Noga Tayta Diosnami cashaj imaycamapis achquiquino. Noga Tayta Diosniquimi achicyapäshayqui.

Isaías 60:22

Chay ichiclla caycajmi waranganpa mirangapaj. Wallcalla caycajmi munayniyoj nasyun canga. Nogami Tayta Dios cä. Nogami camacächishaj manapis aycällatana chayno cananpaj. Nishä diyapäga chaynönami canga.»

Isaías 60:9

Chaycunaga shuntacasha aywarcaycämoj büquicunami. Ñaupa puntantanami Tarsis büquicuna aywaycämun. Chay büquicunaga wamrayquicunatami gorintawan guellaynintawan-cama fiyupa carupita apaycämun. Paycunaga aywaycämun Jerusalencho fiyupa almiraypajcunata rurashäpita aduramänanpämi. Nogaga Israelcunapa Santo Tayta Diosninmi caycä.

Jeremías 17:26

Chaymanmi shamongapaj Judá nasyuncho caycaj siudäcunapita, Jerusalenpa läduncunapita, Benjamín trïbu tiyashanpita, aypalla puntayoj caycashan partipita, Néguev partipitapis. Paycunaga Templuman apamongapaj uywancunata rupachinanpaj, chaqui micuy ofrendacunatapis. Insinsuntapis apamonga. Agradësicamashpanpis ofrendancunata apamonga.

Jeremías 3:16

Shamoj watacunacho tiyashayqui nasyuncho aypallamanmi miranquipaj; wamrayquicunapis aypallanami cangapaj. Chauraga manami pipis parlangapänachu conträtuta rurashanchi babulpaj. Chay babulpäga manami pipis yarpangapänachu, ni ruraytapis yarpangapänachu. Noga Tayta Diosmi chayno në.

Jeremías 31:27

Tayta Diosmi nin: «Shamoj watacunachöga Israel runacunapis, Judá runacunapis, uywacunapis aypallaman mirananpämi camacächishaj.

Jeremías 31:4

Cuyashä Israelcuna, yapaynami jatarachishayquipaj. Chauraga yapaymi panderëtacunawan shamunquipaj cushisha dansaraycar aduramänayquipaj.

Jeremías 33:22

Sirbimajnë Davidpita mirajcunata, nishäta rurananpaj Levïpita mirajcunataga camacächishaj aypallaman mirananpämi. Chaura paycunataga syëlucho goyllarcunano, lamar cantuncho agu caycajno captin manami pipis yupayta atipangapächu.»

Ezequiel 36:37

«Noga Tayta Dios në: Mas juctapis rurashärämi. Imata ruranäpäpis Israelcuna mañacamashanta camacächishämi. Chay particho tiyaj runacunataga uyshano mirananpämi camacächishaj.

Ezequiel 37:10

Nogaga Tayta Diospa jutincho willaparä imanöpis pay nimashannölla. Chaura chay cawayga shamur yaycuran wañusha caycajcunaman. Chay wañusha jitarpaycajcunana cawarimur jataricarcäriran. Yupaytapis mana atipaypaj aypallami suldärucunano caycaran.

Ezequiel 37:26

Paycunawan alli parlashaj allillana goyänanpaj. Alli parlashäga para-simrinami canga. Paycuna aypallaman mirananpämi camacächishaj. Imaycamapis paycunacho caycänanpänami rispitädu Templötapis churashaj.

Zacarías 10:8

«Israelcunataga wichyacur gayashpämi juc pachallaman shuntashaj. Chaynöga shuntashaj noga salbasha cashpämi. Chauraga unay wichan aypalla cashanno yupaytapis mana atipaypämi cangapaj.

Zacarías 12:8

«Chay junäga noga Tayta Diosmi imapitapis chapäshaj Jerusalencho tiyajcunata. Chaycho tiyajcuna pishi callpa cajmi cangapaj ray David cashanno fiyupa sinchi. Davidpita mirar aywaj mandaycajcunanami canga Diosno, guërraman aywaycaj runacunapa ñaupanta aywaj anjilnëno.

Zacarías 2:4

Taripaptin niran: «Cörriyllapa ayway tagay mösuta cayno ninayquipaj: ‹Jerusalenchöga aypalla runacunanami tiyanga. Uywacunapis aypallami cangapaj. Chaymi manana canganachu siudäpa curralnin pergapis› nir.

Zacarías 8:19

«Noga, munayniyoj Tayta Diosmi cayno në: Wataman aywajcho chuscu caj quillacho, pichga cajcho, ganchis caj quillacho, chunca caj quillacho llaquicur ayunashayquicunaga cushicuymanmi ticrangapaj. Judäpita mirajcunapäga cangapaj cushicuy fistami. ¡Ichanga gamcuna allilla caway; rasunpa cuyanacuy ari!

Juan 17:22

Gamga nogata musyachimashcanqui imano cashayquitapis. Nogapis paycunata tantiyachishcä gam imano cashayquitapis. Chaynöpami tantiyaconga gamwan noga jucnaylla cashanchïno paycunapis juc yarpaylla cananpaj.

1 Pedro 1:7

Ichanga tucuy ñacaycunata päsar ichipaptinchïrämi Tayta Diosninchïman yäracushanchi musyacan. Gori alli cashanta musyanapäga ninawanrämi chulluchinchi. Chaynömi gamcunapis ñacar-raj Tayta Diosman mas yäracunqui. Gamcuna yäracushayquega goripita masmi bälin. Chaymi imano ñacarpis llapan shonguyquipa yäracuptiquega Jesucristo cutimushpan alli cawayman churashunquipaj.