Jeremías 30:16 - Tayta Diosninchi Isquirbichishan

¹⁶ «Ichanga gamcunata ñacachishoj cajpis llapanmi ushacanga. Contrayquicunapis llapanmi prësu aywanga. Gamcunata guechushojcunataga quiquincunatapis guechunanpämi camacächishaj. Suwapäshoj cajcunataga paycunatapis suwapangami.

Jeremías 30:16 ပူးပေါင်းရင်းမြစ်များ

Salmos 129:5

Jerusalenta chiquejcunaga binsisha cashpan pengay-tucusha quiquincuna gueshpichun.

Éxodo 23:22

Payta wiyacuptiquega gamcunata chiquishojcunapa contranmi cashaj.

Proverbios 22:23

Paycunapa faburnin Tayta Diosmi canga. Paycunata suwapajtaga Tayta Diosmi ima-aycantapis guechonga.

Isaías 14:2

Israelcunataga achca nasyun runacunami jamachenga. Nircorga nasyunnincama yan'ganga. Tayta Dios acrashan partichönami Israelcunaga uywayninman ticrachenga chay runacunata. Israelcunanami prësu apanga ñaupata paycunata prësu apajcunataga. Ñaupata ñacachejcunatapis paycunanami mandanga.

Isaías 33:1

Ay imanöraj canqui jucta illgächej. Gamtaga manarämi illgächishunquirächu. Ay imanöraj canqui juccunata engañaj. Manami engañasharächu caycanqui. Illgächiyta ushaycorga quiquiquipis illganquipämi. Juccunata engañayta ushaycuptiquega quiquiquitapis engañashunquipämi.

Isaías 54:15

Pipis magashunayquipaj shamöga manami noga camacächiptëchu shamongapaj. Chayno magashunayquipaj shamojcunataga llapantami binsinquipaj.

Isaías 54:17

Ichanga gamta illgächishunayquipaj manami pipis pillyanacunata rurashachu. Achäquita ashipäshojcunataga llapantami upällachinquipaj. Chaynömi canga nogata sirbimajcunapäga. Chaynöpami nogaga salbashaj.» Tayta Diosmi chayno nin.

Jeremías 10:25

Gamta mana yarpäshoj, mana rejsishoj nasyun runacunata castigay rabyashayqui pascacänanpäga. Chay runacunami Jacobpita mirar aywaj runacunata usharisha. Nasyun intërutami pasaypa ushacashata cachaycusha.

Jeremías 12:14

Tayta Dios caynömi nin: «Israelcunapa bisïnun nasyun runacunaga acrashä runacunatami pirdichisha. Chaypitami paycunataga noga gargushaj. Judá runacunatapis paycunapita gargushämi.

Jeremías 2:3

Gamcunaga noga acracushämi carayqui. Rimir punta shuntar raquishan micuynömi nogapaj raquisha carayqui. Chaymi ñacachishojcunataga noga castigaj cä. Castigarmi fiyupa ñacachej cä. Noga Tayta Diosmi chayno në.»

Jeremías 25:12

«Ganchis chunca (70) wata chayamuptinnami Babiloniapa rayninta y chay nasyuncho caj runacunata llapan juchanpita jusgashaj. Chaura chay nasyunchöga manami imapis quëdanganachu. Noga Tayta Diosmi chayno në.

Jeremías 30:15

Nanaycäshushayquipaj manana jampi caycaptenga ¿imapänataj nanächicur gaparaycanqui? Gamtaga castigashcä yupaytapis mana atipaypaj juchata rurashayquipitami, fiyupa mana allicunata rurashayquipitami.

Jeremías 50:28

«Babiloniapita waquin gueshpejcuna parlashanta wiyay-llapa. Ayñita imano cutichishätapis parlajta wiyay-llapa: ‹Templunta illgächishanpitami Tayta Diosga Babilonia runacunata ayñita cutichisha› nir.

Jeremías 8:16

¡Contranchïcuna aywarcaycämunnami! ¡Cawalluncunapa jämayninpis Danpita-pachami wiyacaycämun! Cawalluncuna wagaptin llapan jircami sicsicyan. Paycunaga aywarcaycämun nasyuncho cajta illgächinanpämi. Siudätapis juchuchengami. Chaycho tiyajcunatapis wañuchengami.›

Lamentaciones 1:21

«Runacunaga wiyaycanmi llaquicur wagaycashäta. Ichanga shogamänanpaj manami pipis canchu. Llapan chiquimajcunami musyaycan mana allicho caycashäta. Paycunami cushicurcaycan gam chayno castigamashayquipita. Tayta Dios, nogata castigaycämashayquino paycunatapis castigayna ari.

Lamentaciones 1:22

«Paycuna mana allita rurashancunatapis llapanta ricaycuy ari. Juchata rurashancunapitaga castigaycuy nogata castigamashayquino. Alläpanami wagaycä. Shongöpis nanaycanmi.»

Ezequiel 29:6

Llapan Egipto runacunami musyangapaj noga rasunpa Tayta Dios cashäta. Israelcunaga gammanmi guellicamuran yanapänayquipaj. Chaypis gamga cashcanqui challcucoj shogushnömi:

Ezequiel 35:5

« ‹Gamga imaypis Israelcunapa contranmi cashcanqui. Juchancunapita castïgucho caycaptinmi jananmanraj paycunawan guërrata rurarayqui.

Joel 3:8

Judá runacunamanmi ranticushaj ollgu warmi wamrayquicunata. Paycunanami ranticonga Sabá runacunaman. Chay runacunaga musyashayquinöpis fiyupa caruchömi tiyarcaycan. Noga Tayta Diosmi nishcä chayno cananpaj.» Sercacho caycaj nasyuncunapaj Joel niran:

Miqueas 4:11

Cananga achca nasyun runacunami gampa contrayqui shuntacasha carcaycan. Paycunami cayno parlan: «¡Jerusalén ushacaycunman! ¡Chauraga fiyupa cushicurmi ricapashwan!» nir.

Miqueas 7:10

Chaytaga ricangami chiquimajcunapis. Chaura paycunaga fiyupa pengay-tucushami ricaconga. Paycunaga caynömi tapumaran: ‹¿Maychötaj caycan Tayta Diosniqui?› nir. Paycunataga ricashaj nogapita mas piyur ruracasha caycajtami. Paycunaga cangapäpis cällicho caycaj mituta lluchcar-ushashanömi.

Nahúm 1:8

Paypa contran cajcunatami ichanga mayu chayar ima-aycatapis apacushanno illgarachin. Paypa contran cajcunataga yanauyaycaj chacaychöpis gaticachangami.

Habacuc 2:16

Chayno rurashayquipitami rispitädu canayquipa ruquenga pengaycho canquipaj. Upuchishayquipitami gamtapis chay machächicojtaga Tayta Dios cöpawan upuchishunquipaj. Chaura galapachacushpayqui pengayniquitapis ricachicunquipämi.

Sofonías 2:8

Israelcunapa munayniyoj Tayta Diosnin caynömi nin: «Wiyashcämi Moab runacuna imano ashllishushayquitapis, Amón runacuna achäquita ashipäshushayquitapis. Paycunaga ashllisha acrashä runacunatami. Nircorga munayniyoj-tucushpanmi acrashä runacunapa nasyunninman mashtacasha.

Zacarías 1:14

Chay anjilnami nimaran noga cayno willacunäpaj: «Munayniyoj Tayta Diosga caynömi nin: ‹Nogaga fiyupami cuyä Sión lömacho caycaj Jerusalenta.

Zacarías 1:15

Ichanga fiyupami rabyaycä imapäpis mana yarpachacuypa goyarcaycaj nasyun runacunapaj. Noga yangalla rabyasha caycaptëpis paycunaga mastami rabyachimaran Israelcunata fiyupa ñacachishpan.

Zacarías 12:2

«Jerusalentaga nogami ticrachishaj castigacuna cöpämanno. Chaymi bisïnun nasyun runacuna Jerusalenman, Judá siudäcunaman magaj yaycorga machashano ricacongapaj. Chauraga yarpashancuna yangami canga.

Zacarías 14:2

Chaypäga Tayta Diosmi shuntamongapaj llapan nasyuncunata Jerusalencho tiyajcunawan pillyananpaj. Nircorga contrancunami siudächöga tiyacaycärenga. Wasicunapita ima-aycantapis apaconga. Warmicunatana bigulanga. Nircur chaycho tiyajcunata pullantaga prësu juc-läman apanga. Jinanchöga waquillannami quëdangapaj.

Zacarías 2:12

Tayta Diosga yapaymi Judá runacunata partisyuntano shuntangapaj. Jerusalén siudänami cangapaj llapan siudäcunapita acracushan siudä.

Zacarías 2:8

Gamcunata ima-aycayquitapis guechushoj nasyuncunamanmi munayniyoj Tayta Diosga cachamasha. Paymi nin: «Pipis acrashä runacunata ñacachej cäga ñawi ñïñötami togriycan.

Deuteronomio 30:7

Chiquishojcunatami, contrayqui cajcunatami ichanga Tayta Dios cay librucho isquirbiraycaj llapan maldisyuncunawan castiganga.

Apocalipsis 13:10

Carsilman aywananpaj captenga carsilmanmi aywanga. Sabliwan wañuchisha cananpaj captenga sabliwanmi wañonga. Chayno päsaptinpis yäracojcunaga pasinsacuchun. Imano ñacarpis sïguir yäracuchun.

1 Samuel 17:53

Gatishanpita cutimur Israelcunaga Filistea runacunapa ima-aycantapis apacuran.