Jeremías 30:15 - Tayta Diosninchi Isquirbichishan

¹⁵ Nanaycäshushayquipaj manana jampi caycaptenga ¿imapänataj nanächicur gaparaycanqui? Gamtaga castigashcä yupaytapis mana atipaypaj juchata rurashayquipitami, fiyupa mana allicunata rurashayquipitami.

Jeremías 30:15 ပူးပေါင်းရင်းမြစ်များ

Esdras 9:13

«Nogacunataga manami castigamashcanquichu juchata rurashämannöga. Chaypa ruquenga wallcajllapis cayman cutimunäpämi camacächishcanqui.

Job 34:29

Dios mana rimacuptenga ¿piraj payta jitapanman? Dios ticracurcuptin runaga ¿imataraj ruranman? Paymi ricaycan marcacunatawan runacunatapis,

Job 34:6

Llullacuycämanmi «juchayojmi cä» nishpäga. Guerëcunaga manami allchacanchu, juchaynaj caycaptëpis› nir.

Salmos 107:17

Paycuna waquenga juchanpita gueshyarcaycaran, llaquicurcaycaran.

Isaías 1:6

Chaqui-puntayquipita umayquicama manami sänuga canquinachu. Intëruyquipis gueri-guerillanami, goyuy-goyuyllami, däñashallami caycanqui. Manami pipis jampipäshurayquichu ni watapäshurayquipischu. Nanayniqui chawananpaj asëtiwan manami pipis churapäshurayquichu.

Isaías 5:2

Chacrata ojtir allpata sumaj tacuchiran. Rumincunatapis acrarcur-acrarcur jitariran. Chaymanna lantaran alli ñawiyoj übas sapicunata. Übas chacra chaupinchönami täpar ricchacuna törrita aruran. Übasta bïnupaj gapchinanpäpis juc pösuta camariran. Amïgöga yarparan übasnin mishquejta wayunantami. Nishan chay übasga pochgojtami wayusha.

Jeremías 11:13

Judá runacuna, gamcunapaga siudäniquicuna cashanmanno achcami diosniquicunapis. Jerusalenpa cällincuna aypalla cashantanömi Baal diospaj saumachinanpaj altarcunatapis rurashcanqui.

Jeremías 15:18

Chaura noga llaquicushäga ¿imanirtaj imaypis mana päsanchu? Shongu nanaynëga ¿imanirtaj mana chawanchu? Nogapäga gam ricacushcanqui pashtaj yacu illajpita chaquicäcojnömi.

Jeremías 2:19

Quiquiquicunapa juchayquipitami castïgu chayashunqui. Mana wiyacamashayquipitami mana allimanpis chayanqui. Imata rurashayquitapis sumaj yarpachacushpayqui mä tincuchiy. Chaymi tantiyacunquipaj Tayta Diosniquita cachaycuyga fiyu mana alli cashanta. Nogataga manami rispitamashcanquinachu. Noga Tayta Diosmi chayno në.

Jeremías 30:12

«Noga Tayta Diosmi cayno në: «Gueriquega manami imanöpapis allchacannachu. Nanächicuycashayquipäga manami jampi canchu.

Jeremías 30:14

Llapan yanapäshoj nasyun runacunami gongaycushurayqui. Paycunataga manami imapis gocunnachu. Yupaytapis mana atipaypaj juchata rurashayquipitami, fiyupa mana allicunata rurashayquipitami mana cuyapaypa castigashcä. Gamtaga contrayquinöpis nogami gueshyaj-tucachishcä.

Jeremías 30:16

«Ichanga gamcunata ñacachishoj cajpis llapanmi ushacanga. Contrayquicunapis llapanmi prësu aywanga. Gamcunata guechushojcunataga quiquincunatapis guechunanpämi camacächishaj. Suwapäshoj cajcunataga paycunatapis suwapangami.

Jeremías 30:17

Gamtami ichanga gueriquicunata jampipäshayqui. ‹Dios cachaycushan siudä› nir manacajman churashuptiquipis gamtaga allchacächishayquipämi. Noga Tayta Diosmi chayno në.»

Jeremías 46:11

«¡Donsëlla jipashno caycaj Egipto runacuna, Galaadman ayway jampi ashej! Aypalla jampita shuntar jampicushayquipis yangami canga. Gamcunapäga mananami jampi cannachu.

Jeremías 6:13

«Rucupis wamrapis yarparcaycan mana allita ruraypa imatapis tariyllatami. Profëtacunapis cüracunapis engañacojllami.

Lamentaciones 1:5

Chiquejcunanami munaynincho chararaycan. Contrancunaga mas allimannami chayasha. Jerusalencunataga achca juchata rurashanpitami Tayta Dios ñacaycächin. Wamrancunatapis chiquejcunami prësu apasha.

Lamentaciones 2:13

Cuyayllapaj Jerusalén, ¿imamanraj o imawanraj gamta tincuchëman? Cuyayllapaj Sión siudä, ¿gamta imaman tincuchiyparaj willapäman shoganäpaj? Gamtaga fiyupami mana allicuna chayashurayqui. Cananga ¿piraj allchacächishunquiman?

Lamentaciones 3:39

Juchasapa cashanpita castigasha caycarga runa ¿imapitataj quijacunman?

Lamentaciones 4:13

Chaynöga llapanpis casha profëtacuna juchata rurashanpitami, cüracuna fiyupa mana allita rurashanpitami. Paycunaga jinan siudächömi alli runacunata wañuchishpan yawarninta mashtaran.

Miqueas 1:9

Samariapa guerenga caycan ima jampiwanpis mana allchacajmi. Chay gueriga jogushami Judätapis. Jerusalén siudämanpis chayashami.

Miqueas 7:9

Tayta Dios mana munashanta rurarmi juchata rurashcä. Chaymi awantashaj castigamaptinpis. Payga imano cashätapis jusgamangami. Nircorga allimi arriglamanga. Tayta Diosga achicyajmanmi jorgamanga. Paymi salbamanga.

Nahúm 3:19

Manami jampi cannachu gueriquipaj. Gueriquega caycan mana allchacajmi. Mana alliman chayashayquita mayajcunaga llapanmi cushicuywan macshongaraj. ¿Pï-mayraj mana ñacashachu fiyupa ñacachiptiqui?»