Jeremías 3:20 - Tayta Diosninchi Isquirbichishan

²⁰ Chaypis gamcunaga runan caycaptin jucwan cacoj warminömi ruramashcanqui. Chayno ruramashpayquimi juc dioscunatana adurashcanqui. Noga Tayta Diosmi chayno në.

Jeremías 3:20 ပူးပေါင်းရင်းမြစ်များ

Isaías 24:16

Cay pachapa cuchunpita-pacha cantamojtami wiyashcäcuna «¡Juchaynäga alabasha cachun!» nir. Noganami nishcä: «Ay, ima ruraytapis manami camäpacöchu. Pasaypa llaquishami caycä. Fiyu runacunaga engañacunmi. Paycunamanga manami yäracuypächu.»

Isaías 48:8

Chaycunapaj parlajta gamcunaga manami wiyarayquichu. Cananyajpis manami musyashcanquipischu. Rinriqui mana quichacajno mana wiyajmi cashcanqui. Nogaga musyarämi mana wiyacoj cashpayqui juccunata adurashayquita. Musyarämi yurishayquipita-pacha ‹mana wiyacoj› nishushayquitapis.

Jeremías 12:1

Tayta Dios, gamga llapantami musyanqui. Rasun cajtami rimanqui. Chayno captinpis tapucushayqui. ¿Imanirtaj fiyu runacunapäga yarpashanpis alli llojshipan? ¿Imanirtaj llullacuypa mana allita ruraj runacunaga alli goyan?

Jeremías 5:11

Israelcunawan Judäcunaga conträmi ricacusha. Noga Tayta Diosmi chayno në.»

Oseas 3:1

Tayta Dios yapay nimaran: «Cachaycushushpayqui juc runawanna tiyaycaj warmiquiwan amistarcur cuyay. Noga Tayta Diospis chaynömi cuyä Israelcunata. Paycuna juc dioscunata aduraptinpis, chay dioscunapaj churashan mishquicunata micuptinpis cuyämi.»

Oseas 5:7

Noga willapashäta manami wiyacushachu. Wamrancunapis caycan juc runapa churillannami. Chaypitami paycunaga juc quillallacho chacrancunawan iwal llapan ushacanga.

Oseas 6:7

«Acrashä runacunaga Adannömi parlashäcunata mana cumlishachu. Nogataga ticrapamashami.

Malaquías 2:11

Judá runacunaga manami cumlinchu Tayta Dios nishanta. Jerusalenchöwan Israelchöga fiyupa melanaypajcunatami rurarcaycan. Judá runacunaga mana rasunpa caj diosta aduraj warmicunawan majachacashpanmi Tayta Dios cuyashan Templunta manacajman churasha.