Jeremías 25:34 - Tayta Diosninchi Isquirbichishan

³⁴ ¡Uyshëruno caj mandajcuna gaparpay; nanaywan atay! ¡Yachachishpayqui pusharajcuna llaquicuywan pampacho gochpay! Chaynöga ruray wañuchishunayquipaj öra chayamushana captinmi. Gamcunataga werannin uyshata pishtajnömi wañuchishunquipaj.

Jeremías 25:34 ပူးပေါင်းရင်းမြစ်များ

2 Crónicas 36:10

Chay wata shamojcho tamya quillacuna päsariptin Joaquintawan Tayta Diospa Templunpita jorgushan alli cösacunata ray Nabucodonosor apachiran Babiloniaman. Nircur Jerusalencho tiyajcunapawan Judäpa raynin cananpäga churaran Joaquinpa famillyan Sedequiastana.

Salmos 2:9

Fyërru bastunniquiwan magarmi llapan raycunata binsinquipaj. ¡Allpa mancata shallurejnömi usharinquipaj!»

Isaías 10:12

Sión lömatawan Jerusalenta Asiriapa rayninwan ushaycacherga paytapis Tayta Dios castigangami. Castiganga alli-tucushanpita, ollgoj car munayniyoj-tucushanpita.

Isaías 2:16

Tarsispita shamoj büquicunata, cuyayllapaj büquicunatapis Tayta Diosga illgächengami.

Isaías 30:14

Tunerga puyñu shallojnömi ricacunquipaj. Ushajpaj shallusha cashpan tullpapita shanshata jorgucunapäpis mana allino, ni yacuta chagacunapäpis mana allinöna ricacunquipaj.»

Isaías 33:1

Ay imanöraj canqui jucta illgächej. Gamtaga manarämi illgächishunquirächu. Ay imanöraj canqui juccunata engañaj. Manami engañasharächu caycanqui. Illgächiyta ushaycorga quiquiquipis illganquipämi. Juccunata engañayta ushaycuptiquega quiquiquitapis engañashunquipämi.

Isaías 34:6

Edomchömi fiyupa wañuchinacuy canga. Tayta Diosga Bosra siudächömi rupachinanpaj pishtanga. Chaymi Tayta Diospa sablenga yawarpita y wirapita ñitisha caycangapaj. Uyshacunapawan chïbucunapa yawarnin wiran ñitisha caycajnömi caycanga.

Isaías 34:7

Chay runacunawan iwalmi wañongapaj chucaru wäcapis, töru-mallwacunapis, buyicunapis. Chay nasyunchöga intëruchömi yawar mashtaranga. Ñuchu allpapis wirawan tacushallami caycangapaj.

Jeremías 18:22

Paycunaman illajpita suwacuna yagacuycuchun. Paycuna fiyupa manchariywan gaparpashan wiyacächun. Chayno päsachun mana alliman chayachimänanpaj uchcuta rurashanpita, purishäcunaman togllata churashanpita.

Jeremías 22:28

Jeconiasga ¿mana sirbej cañalla paquichu? ¿Pipis mana munashan manca paquichu? ¿Imanirtaj paytaga llapan wamrancunatawan jitarisha mana rejsishan pachaman?

Jeremías 23:1

Tayta Dios nin: «¡Ay imanöraj canqui mana alli uyshëruno caj mandajcuna! Gamcunaga uyshäno caycaj acrashä runacunatami mashtacächishcanqui, pantacächishcanqui.

Jeremías 25:12

«Ganchis chunca (70) wata chayamuptinnami Babiloniapa rayninta y chay nasyuncho caj runacunata llapan juchanpita jusgashaj. Chaura chay nasyunchöga manami imapis quëdanganachu. Noga Tayta Diosmi chayno në.

Jeremías 25:23

Chayno upuchirä Dedán, Temá, Buz runacunatapis, sentïdunpa ajchanta rutucoj runacunatapis,

Jeremías 25:36

Uyshëruno caycaj mandajcunaga gaparpan. Pusharajcunana llaquicuywan gaparpan. Chaynöga carcaycan Tayta Dios llapanta illgächishanpitami. Manami imapis micunanpaj cannachu.

Jeremías 27:7

Llapan nasyun runacunami Nabucodonosor ray cashancama, wamran ray cashancama, willcan ray cashancamaga paycunapa maquillancho caycanga. Chaypitanami ichanga paycunapa nasyunninpis cangapaj mas aypalla nasyuncunapa, munayniyoj raycunapa maquinchöna.

Jeremías 3:19

«Israel, gamcunataga wamräno canayquitami yarparä. Intëru munducho caj nasyunpita mas alli caj nasyunta, mas alli caj chacratapis goycuytami yarparä. Nogaga yarparä ‹Papä› nimänayquitami, imaypis mana gongamänayquitami.

Jeremías 48:26

Moab runacunaga nogapa conträmi ricacuran. Chaypita paycunataga rabyasha caycashä cöpawan machächiy. Machacarcärerga gumitashan jananchömi gochpanga. Chaura llapanmi asipanga.

Jeremías 48:38

«Moab runacunapa wasin janancunacho intëru cällicunacho wiyacaycan llaquicur wagarcaycashallanmi. Chayno wagananpäga nogami illgarachishcä imapäpis mana sirbej puyñutano. Noga Tayta Diosmi chayno në.

Jeremías 50:27

Llapan nubillucunatapis wañuchiy. Wañuchinanpaj caycaj partiman apachiy. ¡Wawallau! ¡Babilonia castigasha cananpaj junaj chayamushanami!

Jeremías 6:26

Marca-masëcuna, fiyupa llaquicushpayqui gachga röpacunata jaticuy. Uchpacho gochpay. Nircur jucnaylla wamrayqui wañusha caycajpäno fiyupa wagay. Ushamänanchïpaj caycäga manapis aycällatanami chayamonga.»

Lamentaciones 4:21

Uz particho caj Edom nasyun runacuna mä cushicuy ari. Gamcuna cajmanpis castïgu chayamongapämi. Chauraga macharcur garapächulla cashannömi pengaypaj ricacunquipaj.

Ezequiel 34:20

Chaypitami noga Tayta Diosga cayno në: Wera uyshatawan uyu uyshataga sumajmi arriglashaj.

Daniel 11:8

Chayno rurashpanmi diosnincuna-nirajta jundiypa rurashanta apacurcur Egipto nasyunman cuticonga. Goripita guellaypita ima-aycan caycajcunatapis apacongapaj. Chaypita unaycamami ishcan nasyuncuna mana rimapänacuyllapa cacongapaj.

Oseas 8:8

Israelga ushacaypanami aywaycan. Juc-lä nasyun runacunaga manacajtanöllanami rican,

Amós 5:11

Gamcunaga pobricunata manacajmanmi churarcaycanqui. Rïgupitapis impuestuta pägashunayquipämi nircaycanqui. Chayno cashayquipitami mana tiyanquipächu llagllasha rumicunapita wasicunata rurashayquichöpis. Chayno, manami upunquipächu bïnutapis lantashayqui übas wayushantaga.

Zacarías 10:3

Chaymi Tayta Diosga nin: «Nogaga fiyupami rabyacurcushcä mandajnincunapaj. Acrashä runacunata pusharajcunataga castigashämi. Chay uyshäcunataga noga munayniyoj Tayta Diosmi ricashaj. Paycunaga caycan Judäpita mirar-aywaj runacunami. Paycunaga canga guërracho pillyananpaj caycaj sinchi cawallucunanömi.

Zacarías 11:3

Uyshërucunaga gaparayparämi wagarcaycan, cuyayllapaj guewancuna ushajpaj illgasha captin. Jordancho fiyupa juntasha caycaj jachacuna ushajpaj illgasha captinmi liyunpis wagaycan.

Santiago 5:5

Cay pachachöga gustullayquitami, munashallayquitami rurashcanqui. Pishtananpaj werayächisha uywanömi caycanqui. Örayqui chayaycämunnami.