Jeremías 25:31 - Tayta Diosninchi Isquirbichishan

³¹ Gayacamushanga wiyacan cay pachapa intëru cuchuncamami. Intëru nasyuncho tiyaycaj runacunatami Tayta Diosga jusganga. Wañoj cajtaga llapantami imata rurashantapis jusganga. Fiyu runacunataga llapantami wañuchichenga. Tayta Diosmi chayno nisha.»

Jeremías 25:31 ပူးပေါင်းရင်းမြစ်များ

Isaías 33:3

Busniqui junrurumushanta wiyaycur runacunaga gueshpirmi aywacun. Rabyar jataricurcuptiquega llapan nasyun runacunami machiypa-machir aywacun.

Isaías 34:2

Tayta Diosga nasyuncunapaj rabyashami caycan. Rabyashami caycan nasyuncunapa suldäruncunapäpis. Paymi llapanta illgächenga; ushajpaj wañuchenga.

Isaías 34:8

Chayno canga chay junaj Tayta Dios ayñita cutichiptinmi. Chay watami Sionga ñacachejcunata ayñita cutichenga.

Isaías 66:16

Tayta Diosga llapan runacunatami ninawan castiganga. Espädanta aptacurcurmi llapanta jusgangapaj. Chaynöpami Tayta Dios castigaptin aypalla runa wañongapaj.

Jeremías 2:35

Chayno ruraycarpis nircaycanqui: ‹Juchaynajmi cä. Nogacunapäga Dios manami rabyashanachu caycan› nir. ‹Juchaynajmi cä› nishayquipitami Nogaga llapan rurashayquita ashimuyta gallaycushaj.

Jeremías 23:19

Chaymi mana wiyacamajcunataga rabyashpä löcu tamyano, löcu wayra ima-aycatapis apacojno usharishaj.

Jeremías 45:5

¿Imaypis mana charashayquitachu mañacamayta munanqui? Ama mañacamaychu ari. Nogaga fiyupa ñacaycunatami llapan runacunaman chayachimushaj. Gamtami ichanga maypa aywaptiquipis cawayllapis cawanayquipaj yanapäshayqui. Noga Tayta Diosmi chayno në.› »

Ezequiel 30:3

Chay castïgu junäga rasunpami chayaycämunna. Wallcanami pishin Tayta Dios castigashunayquipaj caycaj junajpäga. Chay junäga pachapis chacacäcongarämi. Nasyuncunapäga fiyupa manchariypämi cangapaj.

Ezequiel 38:22

Chay runacunataga achca gueshyawan castigashaj fiyupa ñacar jinan öra wañunanpaj. Chaynömi camacächishaj payman, suldäruncunaman, waquin marca runacuna yanapaycajmanpis fiyupa löcu tamyantin, runtu tamya, nina rataycaj asufri tamyananpaj.

Oseas 12:2

Tayta Diosga Judá runacunata chiquicurcushami. Imanöpis rurashanpitami Jacobpita mirajcunataga castiganga. Imanöpis rurashanmannömi paycunataga castiganga.

Oseas 4:1

Israel runacuna, wiyay-llapa Tayta Dios rimashanta. Paymi cay nasyuncho tiyajcunapa contran rimaj-aywan. Paymi cayno nin: «Rasun cajta rimaj runacuna caychöga manami canchu. Mananami cuyapänacunnapischu. Nogataga manami pipis ‹Tayta Diosnë› nimannachu.

Joel 3:2

Llapan nasyun runacunata shuntarcurnami apashaj Josafat guechwa pampaman. Chaychönami chay runacunataga jusgashaj acrashä Israelcunata imanöpis rurashanpita. Chay runacunami intëru mundupa mashtacächiran Israelcunataga. Nircur acrashä nasyuntaga raquipänacuran.

Miqueas 6:2

Mundu mana cuyucunanpaj tucnaraycaj simintuncunapis puntacunapis sumaj wiyay-llapa. Acrashä runacunatami jusgaj-aywä. Israel runacunatami imata rurashallantapis jorgapaj-aywä.