Jeremías 25:30 - Tayta Diosninchi Isquirbichishan

³⁰ «Jeremías, gam willay Noga imano ruranäpaj caycashätapis. Cayno willacunqui: «Tayta Diosmi syëlupita-pacha gayacamun. Janaj rispitädu sillunnincho jamaraycashanpita-pachami räyuno busninwan gayacamun. Acrashan runacunapa contranmi gayacamun. Übasta lluchcajcuna-jinami gayarämun cay pachacho tiyaj cajmanga llapan runacunaman.

Jeremías 25:30 ပူးပေါင်းရင်းမြစ်များ

2 Samuel 15:25

Ray Davidga Sadocta niran: «Tayta Diospa babulnintaga siudäman cutichiy. Tayta Dios yanapämaptenga cutimushämi. Chaura babultapis tolduntapis ricashärämi.

1 Reyes 9:3

Nircur niran: «Wiyashcämi llapan mañacamashayquita. Imaycamapis tiyanäpaj rurachipämashayqui Templutapis chasquishcämi. Chaymi mana gongaypa ricaycäshaj.

2 Crónicas 30:27

Chaypita cüracunawan Leví runacunaga ichircur llapan runacunata bindisyunta goran. Chaymi paycunata Tayta Dios wiyaran. Mañacushancunapis juchaynaj Tayta Dios caycashanman chayaran.

Salmos 11:4

Tayta Diosga caycan rispitädu Templunchömi. Jamacunanpis syëluchömi caycan. Runacuna imata rurashallantapis llapantami ricapaycan.

Salmos 132:14

Tayta Diosmi niran: «Cay jircachömi imaypis caycäshaj. Caychömi tiyashaj. Cay partimi noga tiyanäpäga alli casha.

Salmos 46:6

Tayta Dios rimarcamuptenga intëru nasyun runacunami gaparpan, mandajnincunapis sicsicyan. Cay pachapis wac-läpa cay-läpami rachicäcun.

Salmos 58:5

majiquërucuna upayächinanpaj tucapaptinpis mana wiyajnömi.

Salmos 78:65

Chay örami runa puñushanpita riccharamojno Tayta Dios jataricurcuran. Bïnuwan machashanpita pillyaj runa paucar jataricurcojno

Isaías 16:9

Chaypitami wagashaj Sibmacho caj übascunapaj, Jazercho caj übascunapäpis. Hesbonpäwan Elealepäpis amatarmi wagashaj. Cosëcha timpu micuy goturaycashan jananchömi runacunaga pillyar gaparpanga.

Isaías 33:3

Busniqui junrurumushanta wiyaycur runacunaga gueshpirmi aywacun. Rabyar jataricurcuptiquega llapan nasyun runacunami machiypa-machir aywacun.

Isaías 42:13

Tayta Diosga fiyupa callpasapa runanömi, fiyupa jinyu runanömi pillyanga. Guërracho pillyapaj gaparpashanno callpaycurmi gaparanga. Contrancunataga llapantami binsenga.

Jeremías 17:12

Tayta Dios, tiyashayqui Temploga fiyupa rispitädumi. Gallarinanpita-pachapis casha fiyupa rispitashami.

Jeremías 25:38

Tayta Dios fiyupa rabyacurcur castigaptinmi paycuna tiyashan partiga ricacusha liyun tiyashan machay garayasha quëdashanno. Chaynöga quëdasha fiyupa manchariypaj guërra captinmi.

Jeremías 48:33

Cananga mananami wiyacannachu Moab runacunapa chullpa chacrancunacho cushicuywan gaparpashanpis. Bïnupis manami cannachu churaräcunancunacho. Bïnupaj übasta lluchcajcunapis manami cannachu. Manami cushicuypitanachu gaparpaycanpis.

Oseas 11:10

«Gamcunaga nogatami wiyacamanquipaj. Noganami liyun gaparajno parlamushaj. Liyun gaparajno parlaptëmi nogapa cajcunaga inti yaganan caj-läpita sicsicyaycar shamongapaj.

Oseas 5:14

Nogami ichanga Efraín runacunapäwan Judá runacunapäga cashaj yargaypita liyun micunanpaj charishanno. Paycunataga quiquëmi rachir-usharishaj. Nircur aywacushämi. Llapan charishä cajcunatami apacushaj. Chay apashätaga manami pipis guechumangapächu.

Joel 3:16

Sión lömapita-pacha Tayta Dios gayacamonga. Jerusalenpita-pachami räyuno busninta wiyacächimonga. Syëluwan cay pachapis sicsicyangami. Acrashan Israel runacunatami ichanga Tayta Dios ima-aycapitapis washashpan chapanga.»

Amós 1:2

Cayno nirmi Amosga willacuran: «Tayta Diosga Sión lömapita liyunnömi gaparämun. Jerusalenpitami busninpis junrurumun. Chauraga jircacho caycaj guewacunapis wañuytacäcunmi. Carmelo puntapis chaquicäcunmi.

Amós 3:8

Liyun wagamuptenga ¿piraj manchariyllawan mana sicsicyanmanchu? Willacunanpaj pitapis Tayta Dios niptenga ¿piraj mana willacunmanchu?

Zacarías 2:13

Tayta Diospa ñaupanchöga pï-may runacunapis upällalla cacuchun. Noganchïman payga shamun fiyupa rispitäducho tiyaycashan janaj pachapitami.

Deuteronomio 26:15

Grasyas Tayta Dios, lëchipis mishquipis yacunöraj cashan nasyunta unay awilöcunata aunishayquita camaripämashayquipita. Cananga syëlucho tiyaycashayquipita-pacha bindisyunniquita churaycamuy Israel nasyunman, goycamashayqui chacramanpis.›

Apocalipsis 19:15

Llapan nasyuncunata castigananpämi afilasha sabli shiminpita llojshimuran. Chaywanmi llutanta ruraj runacunata fiyupa rabyar mana cuyapaypa castiganga. Übasta gapchishannömi runacunata castiganga llapanpaj munayniyoj Tayta Diosta rabyachishanpita.