Jeremías 25:16 - Tayta Diosninchi Isquirbichishan

¹⁶ Upucarcärerga gumitangami, mancharengami, löcuyaytami gallaycärenga. Chaynöga canga paycunacho guërra cananpaj noga camacächiptëmi.»

Jeremías 25:16 ပူးပေါင်းရင်းမြစ်များ

Jeremías 13:12

«Jeremías cananga acrashä runacunata cayno ninqui: ‹Bïnutaga imaniraj urpumanpis wiñanchïmi› nir. Chaura Israel runacunaga nishunquipaj: ‹¿Nogacunaga manachu musyä urpuga bïnuta wiñanapaj cashanta?› nir.

Jeremías 13:14

Nircurmi urputa paquejnöpis jucninta-jucninta tacanacachenga. Chaura paycuna illganga urpu paquir ushacashannömi. Chaynömi ruranga llapan runacunata papänincunatapis wamrancunatapis. Manami pitapis cuyapangachu. Pitapis mana cuyapashpanmi illgächenga› nir. Noga Tayta Diosmi chayno në.»

Jeremías 25:27

Upuchej aywanäpaj cachamashpan Tayta Diosga nimaran: «Jeremías, chay runacunata niy machänancama, tuninancama, gumitanancama chay cöpapita upunanpaj. Chaynöga ruracanga paycunacho guërra cananpaj camacächiptëmi.

Jeremías 45:5

¿Imaypis mana charashayquitachu mañacamayta munanqui? Ama mañacamaychu ari. Nogaga fiyupa ñacaycunatami llapan runacunaman chayachimushaj. Gamtami ichanga maypa aywaptiquipis cawayllapis cawanayquipaj yanapäshayqui. Noga Tayta Diosmi chayno në.› »

Jeremías 48:26

Moab runacunaga nogapa conträmi ricacuran. Chaypita paycunataga rabyasha caycashä cöpawan machächiy. Machacarcärerga gumitashan jananchömi gochpanga. Chaura llapanmi asipanga.

Jeremías 51:39

Fiyupa acaycho caycashan örami Noga upuchishaj fiyupa machächicojta. Chaura machacäcongapaj. Machacäcurnaga manami musyangapänachu imano carcaycashantapis. Chaymi paycunaga puñucäcongapaj imaycamapis manana ricchamoj. Noga Tayta Diosmi chayno në.

Jeremías 51:7

Babiloniaga maquëcho caran gori cöpata aptaraycashänömi. Chay cöpawanmi llapan nasyuncho tiyajcunata upuchirä. Nasyuncunacho tiyaj runacunaga chay cöpapita bïnuta upucurcurmi löcutaran.

Lamentaciones 3:15

Tayta Diosga fiyupa llaquicuyllamanmi churamasha. Ashgaj berbënatami upuchimashapis.

Lamentaciones 4:21

Uz particho caj Edom nasyun runacuna mä cushicuy ari. Gamcuna cajmanpis castïgu chayamongapämi. Chauraga macharcur garapächulla cashannömi pengaypaj ricacunquipaj.

Abdías 1:16

Imanömi gamcuna rispitädu puntächo cushicur machänayquicama upurayqui, chaynömi llapan nasyuncunapis castigaptë ashgaj cöpata upongapaj. Paycunaga wicyayllami upongapaj. Chaynöpami paycunaga ushajpaj illgangapaj.

Nahúm 3:11

Gampis chaynömi machasha runano tapraycachaycanquipaj. Imata ruraytapis mana camäpacushpayquimi contrayquicunapita pacacunquipaj. Pacacunayquipaj ashir purinquipaj.

Apocalipsis 14:10

mana cuyapaypami Tayta Dios castiganga. Jesucristo y anjilcunapis ricaycaptinmi chay runacunaga asufri rataycajcho rupar ñacangapaj.

Apocalipsis 14:8

Chay anjilpa guepantana juc anjil shamur niran: «¡Tunishanami, tunishanami jatuncaray Babilonia siudä! Babiloniami llapan runacunata yachachiran juc dioscunata adurayta.»

Apocalipsis 18:3

Mañösa car juchata rurashanwanmi llapan nasyuncuna machasha. Tucuy nasyuncunapa raynincunapis paywan cacusha. Cay pachacho caj nigusyanticunapis fiyupa rïcuyasha tucuy munashanta payta ranticushpan.»