Jeremías 23:40 - Tayta Diosninchi Isquirbichishan

⁴⁰ Nircorga gamcunapaj camacächishaj imaycamapis manacajman churasha canayquipaj, pengaycho canayquipämi. Chaytaga manami imaypis gonganquipächu.› »

Jeremías 23:40 ပူးပေါင်းရင်းမြစ်များ

Jeremías 20:11

Chaypis Tayta Dios, gamga pipis mana binsinan pillyay yachajnömi nogawan caycanqui. Gaticachämajcunaga quiquinmi mana alliman chayanga. Chaura imatapis manami ruramanganachu. Quiquincunami mana alliman chayar fiyupa pengaycho quëdanga. Chayno pengaycho ricacushantaga imaycamapis runacuna rimaycangami.

Jeremías 24:9

Paycunata castigaptë cay pachacho caj llapan nasyun runacunami mancharenga. Garguptë canga willapapämi, pï-maypitapis asipashami. May-chaychöpis maldisyunädumi goyanga.

Jeremías 42:18

«Israelcunapa munayniyoj Tayta Diosninmi nin: ‹Egiptuman aywacuptiquega Jerusalencho tiyajcunata fiyupa rabyacurcur illgächishänömi gamcunatapis castigashayquipaj. Chaura gamcunataga maychöpis mana allimi ricashunquipaj. Manacajmanmi churashunquipaj. Fiyupa maldisyunädumi canquipaj. Mananami caymanpis cutimunquipänachu.›

Ezequiel 16:52

Paycuna juchata rurashanpita mas melanaypajcunata rurasha cashpayquimi paycunataga limyutanöna caycächinqui. Chaypitami gamga pengayman churasha canquipaj. Chaymi manacajman churasha cashpayquipis upällalla cacunquipaj.

Daniel 12:2

Chay junäga wañushacuna pamparaycajcunapis achcajmi cawarimonga, waquinnami imaycamapis syëlucho goyänanpaj, waquinnami imaycamapis pengaypaj y manchacuypaj cananpaj.

Daniel 9:16

Nogacunaga musyämi Tayta, llapantapis alli jusgashayquita. Jerusalenpaj ama rabyashallaga caynachu ari. Jinachöpis Jerusalenga caycan rispitädu lömacho caycaj acrashayqui siudämi. Bisïnun nasyuncunacho tiyaj runacunaga fiyupa jamurparmi asipan Jerusalentawan acrashayqui runacunatapis nogacunapa juchäpita, unay caj awilöcunapa juchanpita.

Oseas 4:7

Mas achca cüracuna cashpanga masmi juchatapis ruraran. Chayno juchanpitami cananga alliman churanäpa ruquin pengaymanna churashaj.

Deuteronomio 28:37

Chayno Tayta Dios maymanpis apachishushayquichöga canquipaj mana alli ricasha, pï-maypitapis chiquisha, rimashallami.