Jeremías 23:24 - Tayta Diosninchi Isquirbichishan

²⁴ Noga ricanäpitaga ¿piraj pacacunman? Syëluchöpis allpachöpis caycämi. Noga Tayta Diosmi chayno në.

Jeremías 23:24 ပူးပေါင်းရင်းမြစ်များ

Génesis 16:13

Tayta Dioswan parlashanpita Agarga niran «Ricamaj Tayta Diostami ricashcä» nir. Chaypitami Diosta jutichaparan «Ricamaj Dios» nir.

1 Reyes 8:27

«Ichanga ¿rasunpachuraj Tayta Dios cay pachacho gam tiyanquiman? Janaj syëlupis may-may jatun caycar manami aypanchu gampäga. Chaura rurachipashä Temploga aypaycunmanrächu.

2 Crónicas 2:6

Rasunpaga ¿piräshi Diospa Templunta aruchinman? Janaj syëlupis may-may jatun caycar manami aypanchu Tayta Diospäga. ¿Pitaj nogaga cä Diospa Templunta aruchipänäpäga? Insinsuta paypa jutincho saumachinalläpächari aruchishäpis.

2 Crónicas 6:18

«Ichanga ¿rasunpachuraj Tayta Dios tiyanquiman cay pachacho? Janaj syëlupis may-may jatun caycar manami gampäga aypanchu. Chaura imanöparaj aypaycunman noga aruchipashä Temploga.

Job 34:21

Diosga ricaycanmi runacuna imallata rurashantapis. Musyaycanmi imano cawashallantapis.

Job 34:22

Mana allita rurajcunataga yanauyaycaj chacajpis manami pacanchu.

Salmos 10:11

Fiyucunaga yarpan «Diosga pobricunata gongaycushami. Cäranta chapacurcur imaypis mana ricanchu» nir.

Salmos 139:7

¿Mayllamanga aywacömanchuraj espirituyquipita? ¿Mayllamanga gueshpëmanchuraj gampita?

Salmos 139:8

Syëluman aywacuptëpis chaychömi gam caycanqui. Cay pacha rurinman yaycuptëpis chaychöpis gamga caycanquimi.

Salmos 148:13

Tayta Diosta llapayqui alabay-llapa. Payllami llapanpita mas rispitashaga caycan. Payllami cay pachacho cajcunapitapis syëlucho cajcunapitapis mas munayniyoj caycan.

Salmos 90:8

Mana allita rurashäcuna, juchata rurashäcuna gampa ñaupayquichöga llapanmi musyacaycan.

Proverbios 15:3

Tayta Diosga may-chaychöpis caycanmi. Alli cajcunatapis fiyu cajcunatapis ricaycanmi.

Isaías 29:15

¡Ay imanöraj canqui mana allita rurananpaj yarpaycashanta pacashpan Tayta Diospita pacacojcuna! Paycunaga chacaypami mana allicunata ruran. Nircur «Manami pipis ricamanchïchu. Manami pipis musyanchu» nin.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Isaías 66:1

Tayta Dios cayno nin: «Syëluga jamanämi. Mundu allpanami chaquë lluchcaränan. Chayno caycaptëga ¿maychöraj wasita aruchipämanman? ¿Maychöraj jamaycunäpaj rurachipämanman?

Jeremías 16:17

Nogaga ricashcämi acrashäcuna imata rurashallantapis. Manami imapis canchu mana ricashäga. Ima jucha rurashancunapis manami nogapitaga pacaranchu.

Jeremías 32:19

Gam yarpashayquega mana atipaypämi. Llapan rurashayquicunapis fiyupa allimi. Gamga ricaycanquimi runacuna imata rurashantapis. Chaymi rurashanmanno cada-ünunta cutichinqui.

Jeremías 49:10

Nogami ichanga Esaú runacunata ima-aycantapis ushajpaj guechushaj. Pacacunantapis ushajpämi alayri cachaycushaj. Mananami mayman pacacunanpäpis canganachu. Wamrancunapis, castancunapis, bisïnuncunapis ushajpämi ushacanga. Manami pipis canganachu

Ezequiel 8:12

Chaycho nimaran: «Runa, ¿ricanquichu, cada Israel auquincuna ïduluncunata pacayllapa adurarcaycashanta? Paycunaga nircaycan: ‹Tayta Diosga manami ricamanchïnachu. Payga caypita aywacushanami› nir.»

Ezequiel 9:9

Tayta Diosnami nimaran: «Israelcunawan Judäcunaga alläpanami juchata rurasha. Cay nasyunchöga mana allita rurajcunallami juntasha caycan. Cay siudächöpis manami allita rurannachu. Chay runacunaga caynömi nircaycan: ‹Tayta Diosga manami ricamanchïnachu. Payga caypita aywacushanami› nir.

Daniel 2:22

Paymi maycho pacaraycajtapis musyachicun pipis mana musyashanta. Chacaycho caycajtapis rican. Paypäga llapanpis achicyajmi caycan.

Daniel 4:35

Paypäga manami imapischu cay pachacho tiyaj runacunaga. Payga munashannömi imatapis ruran, janaj pachacho cay pachachöpis. Paytaga manami pipis ichipanchu. Manami pipis tapunpischu ‹¿imanirtaj chayno rurashcanqui?› nir.

Efesios 1:23

Chaura inlisyapäga Jesucristo caycan cuerpupa umannömi. Chaymi paypa maquincho captinchi may-chaychöpis noganchïwan caycan. Pay munashanno cawananpaj cumlëtunami caycan.

Hebreos 4:13

Chaymi Tayta Dios camashan cäga paypita mana pacacunchu. Paypäga llapanpis ricacajllami caycan. Chaymi imata rurashallanchïtapis jusgamäshunpaj.