Jeremías 22:15 - Tayta Diosninchi Isquirbichishan

¹⁵ ¿Ray carga sedru wasicunacho goyäna cashantachu yarpanqui? Papäniquega allillami goyasha. Llapantapis allitami rurasha. Chaymi llapanpis paypäga allilla casha.

Jeremías 22:15 ပူးပေါင်းရင်းမြစ်များ

2 Samuel 8:15

Davidga llapan Israelcunapa raynin cashpan llapanta iwalmi ricaran. Alli arregluta ruraj. Pitapis mana chapajchu.

1 Reyes 10:9

¡Alabasha cachun Tayta Diosniquega! Amatar alli ricashushpayqui gamta churasha-cashunqui Israelcunata mandanayquipaj. Israelcunataga imaypis Tayta Dios allimi ricasha. Chaymi churashurayqui raynin canayquipaj, alli mandanayquipaj.»

2 Reyes 22:2

Josiasga Tayta Diosta wiyacur llapantapis allita ruraran. Unay caj awilun David rurashannölla llapantapis ruraran.

2 Reyes 23:25

Unay caj raycunapis guepanman caj raycunapis manami caranchu Josiasnöga. Josiasga llapan shongunpami, llapan callpanwanmi, almantinmi Moisespa laynincho niycashanno Tayta Diosta wiyacuran.

1 Crónicas 3:15

Josiaspa wamrancuna caran: Guechpa caj Johanán, jananman Joacim, jananman Sedequías, jananman Salum.

2 Crónicas 34:2

Josiasga Tayta Diosta wiyacur llapantapis allillata ruraran. Unay caj awilun David rurashannölla llapantapis ruraran.

2 Crónicas 35:22

Tayta Diosga Necaowanmi Josiasta willachiran. Chaypis Josiasga manami wiyacuranchu. Mana wiyacushpanmi Egipto runacunata Meguido pampacho chaparan.

2 Crónicas 35:26

Josiaspa waquin willapancuna, fiyupa rispitashpan Tayta Diospa laynincho nishanno rurashancuna,

Proverbios 20:28

Rasun cajta ruraj captin, cuyapäcoj captin raytaga pipis manami jitarinchu.

Proverbios 21:3

Alli cajta rasun cajllata rurar goyay. Chayno ruraptiquega sacrifisyucunata garashayquipitapis masmi Tayta Dios cushicun.

Proverbios 25:5

Chayno, mana alli runatapis rayta yanapaycashanpita jitariy. Chaura ray mandashanchöga llapanpis rasun cajta, alli cajllatami ruranga.

Proverbios 29:4

Ray llapantapis alli arriglaptenga mandashan runacuna allimi goyan. Ray guellayllapaj yargaj captinmi ichanga nasyunnin pobriyanga.

Proverbios 31:9

Upällallaga ama cacuychu. Llapantapis alli arriglay. Pobricunatawan umildicunataga washay ari.

Eclesiastés 10:17

Fiyupa allichömi canga juc nasyunpa mandajnin alli captenga. Chaychöga mandäshejnincunapis callpan cananpämi micunan öra micun. Manami upyallar cacunchu.

Eclesiastés 2:24

Ichanga Tayta Dios munan cushisha cawananchïtami. Paymi llapantapis camacächisha. Pay mana camacächiptenga ¿piraj micunman, piraj cushisha cawanmanpis? Chaymi runaga micunman, upunman. Arur tarishancunatapis gustunta rurar ushanman. Tantiyacuptë llapantapis Tayta Diosmi camacächisha.

Isaías 3:10

Alli runacunatami ichanga ima rurashallanpis alli llojshipanga. Allita rurashanpitami alli cawanga.

Isaías 33:16

Chayno cawaj cajmi alli pachacho cawanga. Chay runaga goyanga gagacho rurasha caycaj pacacunachönömi. Chay runapaga micuyninpis yacupis manami pishengachu.

Isaías 9:7

Ray David jamashanmanmi jamaycongapaj. Payga llapantami mandanga. Alli goyayga manami ushacanganachu. Imaycamapis payllanami mandanga. Pay mandarga rasun cajta, alli cajllatami imaycamapis ruranga. Chaynöga ruranga munayniyoj Tayta Dios fiyupa cuyamashpanchïmi.

Jeremías 22:18

Chaypitami Josiaspa wamran Judäpa raynin Joacimpaj Tayta Dios cayno nin: «Pay wañuptenga manami pipis wagangapächu. Manami pipis ‹¡Wauguillau! ¡Pañillau! ¡Ay taytallau! ¡Ay mandajnillau!› nir wagangapächu.

Jeremías 22:3

Gamcunaga alli cajllata ruray. Ñacachejcunapa maquincho ñacaycajcunata jorguy. Juc-lä runacunata, wacchacunata, ni biyüdacunatapis ama ñacachiychu. Cay partichöga alli runacunata ama wañuchiychu.

Jeremías 23:5

«Juc junäga Davidpita lijïtimu mirar aywajnami ray cangapaj. Payga alli yachaj cayninwanmi mandangapaj. Cay nasyunchöga alli cajllatanami rurangapäpis.

Jeremías 42:6

Willamashayqui alli captin mana alli captinpis nogacunaga willamashayquinömi Tayta Diosta wiyacushaj. Nogacunami nishcäpis payta ruwacunayquipaj. Tayta Dios nimashanta wiyacushpäcunaga allimi goyäshäcunapis.»

Jeremías 7:5

« ‹Chaypa ruquin gamcunaga allillana caway, allita ruray, jucniqui-jucniquipis ama chiquinacuychu.

Lucas 11:41

Gamcunaga pobricunata imallachöpis yanapay. Chaynöpami rurinta mayllasha pusilluno shonguyquipis alli cangapaj.

Hechos 2:46

Waran-waranmi Templuman shuntacaj Tayta Diosta mañacunanpaj. Wasincunachöpis shuntacar cushisha goyaj, micoj, Santa Sënata micoj y upoj. Mayganpis manami jamurpänacojchu.

1 Corintios 10:31

Noganchïpäga mas alli caycan Tayta Dios alabasha cananta ashiymi. Chaymi gamcunaga micurpis, upurpis, imata rurarpis Tayta Diosninchi alabasha canallanpaj ruranayqui.

Deuteronomio 4:40

Chayno caycaptenga Tayta Diospa laynincunata, mandamintuncunata canan willapaycashäta cumlinqui. Chaura gamcunapäpis, wamrayquicunapäpis alli goyaymi cangapaj. Chaynöpami Tayta Dios goycushunayquipaj caj nasyuncho tiyashpayqui edäyänayquicama cawanquipaj.»