Jeremías 22:14 - Tayta Diosninchi Isquirbichishan

¹⁴ Gamga ninqui: ‹Palasyöta jatuncaraytami aruchej-aywä. Janaj altusninchöpis jatusaj cuartucunatami rurachishaj› nir. Nircorga bentänancunata ruranqui. Pergancunatana sedru tablacunawan intablanqui. Nircur pucawan pintanqui.

Jeremías 22:14 ပူးပေါင်းရင်းမြစ်များ

2 Samuel 7:2

Profëta Natanta David niran: «Ricashayquinöpis, nogapa palasyöga alli, sedru guerupitami. Diospa babulnenga toldu rurillancho caycan.»

2 Crónicas 3:5

Quiquin Templu ruritaga intërunta ushajpaj intablaran sipres guerupita tablawan. Nircur jananpaga mas fïnu caj goriwan chapyachiran. Gori jananmanna dibujaran palma-nirajcunata, cadina-nirajcunatapis.

Proverbios 17:19

Rimanacoj yachacashaga imaypis pillyallatami ashiycan. Alabacojcunaga quiquillanmi mana alliman chayan.

Proverbios 24:27

Rimëruga chacrayquitaraj camariy. Chacra aruyniquicunataraj aruy. Nircur-raj mushoj wasitaga jatarachiy.

Cantares 1:17

Wasinchïpa gueruncunanami sedru guerucuna. Jananchïpa chapämajninchïnami caycan siprescuna.

Isaías 9:9

Chaytaga Samariacho tiyaj Efraín runacuna llapanmi tantiyan. Ichanga paycuna alli-tucushpan cayno nin:

Ezequiel 23:14

Pay ichanga ñañanpitapis mas piyur-raj pï-maywanpis cacusha. Payga ricaran Babilonia runacunapa dibüjuncuna pergacunacho pucawan pintasha caycajta,

Daniel 4:30

niran: «¡Imano jatuncarayshi Babiloniaga! Mas munayniyoj cashpämi mandashä nasyuncunapa capitalnin cananpaj cayno rurachishcä. Cay siudäta ricarmi imaycamapis nogapaj parlanga.»

Amós 6:8

Tayta Diosga quiquinpa jutinchömi jurasha. Munayniyoj Tayta Diosga caynömi nin: «Jacobpita mirar-aywajcuna alli-tucushanga fiyupami rabyachiman. Palasyuncunatapis melanäcömi. Chaypitami paycunataga siudänintinta cachapaycushaj chiquejcunapa munayninman.»

Hageo 1:4

Nogapa Templö juchuchir-ushacasha caycaptin ¿gamcuna alli wasicunacho, cuyayllapaj wasicunacho tiyanayqui camacanchu?

Malaquías 1:4

Esaú casta Edom runacunaga caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj Tayta Diosmi ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹Tayta Dios para-simri rabyapashan nasyun› nir.