Jeremías 20:7 - Tayta Diosninchi Isquirbichishan

⁷ Tayta Dios, gamga llullapämashcanquimi. Nogaga nimashayquitami riguishcä. Gam nogapita mas callpa cashpayquimi binsimashcanqui. Cananga imay örapis runacuna asipänanmi caycä. Llapanmi manacajman churamar asipäman.

Jeremías 20:7 ပူးပေါင်းရင်းမြစ်များ

2 Reyes 2:23

Chaypita Eliseoga aywacuran Betelman. Näninpa wichaycaptin siudäpita achcaj wamracuna llojshircur asiparan «¡Wichämuy sepla! ¡wichämuy sepla!» nir.

Job 12:4

«Noga alli runa juchaynaj captë ñaupatacunaga Tayta Dios wiyajmi mañacushäcunata. Canan ichanga amïgöcuna asipämanna.

Job 30:9

«Cananmi ichanga paycuna asipäman. Asipämänan cashami jutëtapis parlan.

Salmos 119:51

Mana rispitacojcunami mana jamaypa achäquita ashipaycäman. Nogami ichanga yachachimashayquicunata mana gongächu.

Isaías 8:11

Sumaj charircamar Tayta Dios willapämaran cay Judá runacuna rurashannöga imatapis mana ruranäpaj. Tayta Dios nimaran:

Jeremías 15:10

Mamäpis nogataraj cawaycächimaran. Nogaga cawashcäpis llapanwanpis rimanacur pillyallar goyänalläpämi. Pitapis manami guellayta ristashcächu. Chayno manami pipis ristamashachu. Chaypis llapanmi maldisyunaycäman.

Jeremías 15:18

Chaura noga llaquicushäga ¿imanirtaj imaypis mana päsanchu? Shongu nanaynëga ¿imanirtaj mana chawanchu? Nogapäga gam ricacushcanqui pashtaj yacu illajpita chaquicäcojnömi.

Jeremías 17:16

Chayno niycämaptinpis nogaga manami mañacamurächu castiganayquipaj. Paycuna fiyupa ñacananpäpis manami nirächu. Gamga musyanquimi imata nishallätapis. Wiyaycämaptiquimi llapantapis nishcä.

Jeremías 20:9

«Tayta Diosta amana yarpashänachu. Paypa jutinchöpis mananami parlashänachu» nir yarpaptëga willacunäpaj nimashayqui cuerpöcho nina imatapis rupaycajnörämi ricacun, tullöcamaraj chayarinpis. Upälla cacuyta munarpis manami upälla cacuytaga camäpacöchu.

Jeremías 29:26

‹Gamtaga Tayta Diosmi churasha-cashunqui Joiadapa ruquin Templucho mas mandaj cüra canayquipaj. Pipis juc löcu profëta-tucushpan rimayta gallaycuptenga ¿manachu jinan öra prësu charircur tablapita sëpuman jatichir cadinawan watachinquiman?

Jeremías 38:19

Chaura Sedequías niran: «Babiloniacunaman guellicoj Judá runacunatami manchacö. Babiloniacunapa maquincho captë chay guellicojcunaga magar-ushamangami.»

Lamentaciones 3:14

Llapanmi marca-masëcunapis nogataga asipäman. Imay örapis nogapaj parlar asircaycanmi.

Ezequiel 3:14

Tayta Diospa Espiritun jogarimar chaypita apacamaran. Noganami aywacurä fiyupa llaquisha, rabyasha. Ichanga Tayta Diosmi sumaj charisha apaycämaran.

Oseas 9:7

Chayamushanami juchayquiman-tupu castiganäpaj caj junajcuna. Israelcuna, musyanquipänami castïgu mayna chayamushanta. Gamcunaga nircaycanqui: «Profëtaga upami, löcuyaycanmi» nir. Chaynöga nircaycanqui fiyupa juchasapa cashpayquimi, fiyupa chiquicushpayquimi.

Jonás 4:2

Chaymi Tayta Diosta mañacushpan niran: «Tayta Dios, willacoj aywanäpaj wasëcho caycajta gayamaptiqui nogaga maynami musyarä cuyapäcoj cashayquita. Chaypitami Tarsisman aywacuyta munarä. Nogaga musyämi gam fiyupa cuyapäcoj alli cashayquita, jucllaga rabyayta mana yachashayquita. Chaymi castiganayquipaj willacarcachirpis cuyapanqui.

Miqueas 3:8

Nogatami ichanga Tayta Diospa Espiritun yanapäman callpayoj canäpaj, alli cajllata ruranäpaj, balurchanäpaj. Chaynöpami Israelcunataga mana wiyacoj cashanta, juchayoj cashanta niycä.

Lucas 16:14

Chayno yachachishancunata wiyar fariseucunaga rïcuyayllapaj yarpashpanmi Jesusta asiparan.

Lucas 23:11

Herodesnami suldäruncunawan Jesusta manacajman churar asiparan. Mandaj jatiränan röpata jatiparan. Nircorga Pilato cajman cutichiran.

Hechos 17:18

Chayno yarpaysapa «epicúreo» nishancunawan «estoico» nishancunawanpis parlaj. Jesuspa alli willacuyninta Pablo willacuptin, wañojcuna cawarinan cashanta willacuptin waquenga niran: «Cay yachaj-tucoj runaga ¿imataraj rimacunpis?» Waquinna niran: «Cay runaga mana rejsisha dioscunatami munachicuycan» nir.

Hechos 17:32

«Wañushanpita cawaramusha» nir Pablo willapaptenga runacuna asiparan. Waquinna niran: «Rimashayquitaga juc junajrämi wiyashayqui.»

1 Corintios 9:6

¿Bernabëwan nogallachu arupacunä mantinicunäpaj?

Hebreos 11:36

Chaynöllami waquin yäracojcunataga ashllir-usharan, magar-usharan, cadinawan watarächiran, carsilman wichgaran.