Jeremías 2:34 - Tayta Diosninchi Isquirbichishan

³⁴ Pobricunapawan alli runacunapa yawarnin pillchishushallayquimi röpayquichöpis caycan. Imatapis mana allita mana ruraycaptinmi chay runacunataga wañuchishcanqui.

Jeremías 2:34 ပူးပေါင်းရင်းမြစ်များ

2 Reyes 21:16

Judá runacunata Tayta Diospa ñaupancho juchata rurachishanpa jananmanpis Manasesga juchaynaj runacunataraj wañuchiran. Yawarninpis intëru Jerusalencho mashtararan.

2 Reyes 24:4

Manasesga juchaynaj runacunatami wañuchiran. Yawarninpis intëru Jerusalencho mashtararan. Chaypitami Tayta Diosga manana perdunayta munarannachu.

Éxodo 22:1

«Pipis uyshata, cabrata, wäcata suwacurcur pishtacurcuptin, u ranticushana caycaptin taripacashpanga päganga juc wäcata suwacushanpita pichgata, juc uyshata u cabrata suwacushanpitana chuscuta.

Éxodo 22:2

«Chacaypa suwacuycajta tariycur wañuycachiptenga manami juchayojchu canga wañuchëga.

Isaías 57:5

Gamcunaga roble gueru chaquincunacho, rämasapa yöracunapa chaquinchöpis dioscunata adurashpayqui melanaypaj ganracunatami rurarcaycanqui. Dioscunata adurashpayquipis wamracunata pishtarcur rupaycächinqui ragra läduncunacho, gagapa shillincunacho.

Isaías 59:3

Gamcunapaga maquiquipis yawarwan tiñicashami caycan. Dëduyquicunapis runa wañuchejllami. Llullacuyllatami parlanquipis. Shimiquicunapis mana allicunallatami parlan.

Isaías 59:7

Mana allita rurananpäga apuraypa apurarmi cörrin. Alli runata wañuchinanpaj rasyaylla aywan. Wañuchicuyllapämi yarparcaycan. Paycuna purishanpaga mana allita rurashallanmi caycan.

Jeremías 19:4

Israelcunaga nogata cachaycäramashami. Cay partitapis mana rejsishamannönami ticrachisha. Cay jircachömi insinsutapis juc dioscunapäna rupachisha. Chay dioscunataga manami rejsiranchu quiquincunapis, ni unay caj awiluncunapis, ni Judäpa raynincunapis. Wamracunata wañuchirmi yawarninta intërucho mashtasha.

Jeremías 2:33

«Juccunata cuyanayquipaj ashiytaga sumajmi yachanqui. Chaymi guellaypaj cacoj warmicunapis gampita yachacusha.

Jeremías 6:15

¿Fiyupa melanäcushä cajta rurashanpita quiquincunaga pengacushachuraj? Manami ni imanillarpis pengacushachu. Manami musyannachu imano pengacuna cashantapis. Chayno cashanpitami castigaptëraj mayanga. Chayrämi mana alliman chayangaga.» Tayta Diosmi chayno nisha.

Jeremías 7:31

Ben-hinom guechwa pampa Tofetchömi altarta ruracarcärisha, chay altarcho ollguta warmitapis wamrancunata sacrifisyuta rurar rupachinanpaj. Chayno rurananpäga noga manami nirächu; ni yarpayllapis manami yarparächu.

Jeremías 7:6

Juc-lä runacunata, wacchacunata, ni biyüdacunatapis ama ñacachiychu. Cay partichöga ama wañuchiychu alli runacunata. Juc dioscunatapis ama aduraychu. Mana allilla goyarga quiquiquicunami disigrasyaman chayanquipaj.

Jeremías 8:12

¿Fiyupa melanäcushä cajta rurarcur paycunaga pengacushachuraj? Manami ni imanillarpis pengacushachu. Manami musyannachu imano pengacuna cashantapis. Chayno cashanpitami castigaptëraj mayanga. Chayrämi mana alliman chayanga. Noga Tayta Diosmi chayno në.

Lamentaciones 1:9

Juchata rurashpanmi röpantapis ganrachisha caycan. Manami yarpachacuranchu imaman chayananpaj cashantapis. Mana riguiypämi mana alliman chayasha. Pipis manami canchu cuyapar shogananpaj. Tayta Dios, ricäramay ari fiyupa llaquicuycashäta. Chiquimajcunanami alliman chayasha.

Lamentaciones 4:14

Chaypitami cällicunapapis puriycan gaprano, mayman chayaytapis mana musyashpan. Yawarpita mana cawaj captinmi pipis mana yatayllapis yataycuyta munanchu.

Ezequiel 20:31

Ofrendayquicunata garashpayqui, wamrayquicunata rupachishpayqui gamcunaga sïguirmi juchata ruraycanqui. ¿Chayno carcaycashpayquichi nogata tapucamaj shamunqui? Israelcuna, tapucamaptiquipis manami willashayquipächu. Noga Tayta Diosmi chayno në.

Ezequiel 22:25

Profëtayquicunaga rabyar gaparpan aychata rachipänacunanpaj liyuncuna gaparpajnöraj. Paycunaga runacunata wañurachin. Bälej cösancunata, ima-aycantapis guechun. Chaymi runacuna wañuptin biyüdacunapis achca quëdan.

Ezequiel 23:45

Ichanga juc junaj alli runacunami jusganga majayojcunawan cacoj wañuchicoj warmicunataga. Chay warmicunaga caycan majayojcunata guechupacojmi. Wañuchicushan yawarllami maquincunapis caycan.»

Ezequiel 24:7

Oxidasha mancanöga caycanqui siudächo pasaypa wañuchinacuylla captinmi. Wañuchicushan yawarpis manami allpachöchu mashtaraycan allpawan tacucäcunanpäga. Chaypa ruquenga allpaynaj gaga jananchömi mashtaraycan.

Ezequiel 9:9

Tayta Diosnami nimaran: «Israelcunawan Judäcunaga alläpanami juchata rurasha. Cay nasyunchöga mana allita rurajcunallami juntasha caycan. Cay siudächöpis manami allita rurannachu. Chay runacunaga caynömi nircaycan: ‹Tayta Diosga manami ricamanchïnachu. Payga caypita aywacushanami› nir.