Jeremías 2:21 - Tayta Diosninchi Isquirbichishan

²¹ Gamcunata nogaga shuyni tiyachirä mas alli casta caj übasta lantajno, mas alli casta caj übas murutanömi. Ichanga ¿imanöpataj fiyupa mana alliman ticrashcanqui?

Jeremías 2:21 ပူးပေါင်းရင်းမြစ်များ

Génesis 18:19

Paytaga noga acrashcä wiyacamänanpaj wamrancunata, llapan famillyancunata yachachinanpämi, alli cajllata rasun cajllata rurananpämi. Abraham chayno ruraptenga conträtu rurashäta noga cumlishämi.»

Génesis 32:28

Chay runanami niran: «Cananpitaga manami Jacobnachu jutiqui canga. Jutiquega canga Israel. Chayno jutiqui canga Dioswanpis, runacunawanpis pillyar llapanta binsishayquipitami» nir.

Salmos 105:6

Sirbejnin Abrahampita mirar aywajcuna yarparay. Tayta Dios acrashan Jacobpita mirar aywajcuna yarparay.

Salmos 44:2

Quiquiquimi mana rispitashojcunatapis jitarirayqui. Jäpa runacunata illgächirayqui. Chaymannami awilöcunata tiyachirayqui.

Salmos 80:8

Egiptupitami übas lantata apamurayqui. Mana rispitashojcunataga chacrapita jitarishcanqui chay übasta lantanayquipaj.

Salmos 80:9

Chacrata sumaj picharcurmi lantashcanqui. Lantanami sapichar intëru nasyunman juntasha.

Éxodo 15:17

Tayta Dios, Israelcunataga gammi pushanquipaj tiyanayquipaj acrashayqui puntaman. Tiyanayquitaga quiquiquimi camarishcanqui. Chaychömi imaycamapis tiyachinquipaj.

Isaías 1:21

Ñaupata alli goyaj Jerusalén runacuna, imanöshi pirdicashcanqui. Ñaupataga llapaniquimi rasun cajllata rurarayqui. Allillata rurarmi goyarayquipis. Cananga llapaniquipis wañuchicojllamanmi ticrashcanquipis.

Isaías 27:2

Chay junaj Tayta Diosga nengapaj: «Fiyupa mishquejta wayoj übas chacrata cantapay-llapa.

Isaías 41:8

Tayta Diosga mastapis niran: «Jacobpita miraj Israelcuna, gamcunaga sirbimajnëmi carcaycanqui. Gamcunataga nogami acracushcä. Gamcunaga amïgö Abrahampita mirar-aywajmi carcaycanqui.

Isaías 5:4

¿Imanötaj mas ruräman caran übas lantäta? Mas ¿imallaraj pishishapis chayman wiñanäpaj? Nogaga yarparä mishquejta übas wayunantami. Chaura ¿imanir-raj pochgojtaga wayusha?

Isaías 60:21

«Marcayquichöga alli runacunallanami tiyanga. Chaychöga paycunallami imaycamapis tiyacongapaj. Paycunami caycan lantashä lantapita chillguimojcunaga. Paycunataga quiquëmi churashcä munayniyoj cashäta juccunata musyachinäpaj.

Isaías 61:3

Sioncho llaquicuycajcunata shoganäpaj: pengacuycashanpa ruquin corönatana jatipänäpaj, llaquicuycashanpa ruquin cushicuyta tarichinäpaj; wagaycashanpa ruquin cushicur cantananpaj. Chaymi paycunataga nengapaj «Sinchi guerucuna» nir. Paycunaga caycangapaj Tayta Dios munayniyoj cashanta juccunata musyachinanpämi.

Jeremías 11:16

Ñaupa wichan gamcunataga nej cä ‹aypalla wayuyniyoj cupösu olivo› nir. Cananmi ichanga carcaycanqui räyu chayaptin ratarir rämancunatapis ushacurcushano.

Jeremías 11:17

«Nogami gamcunapa munayniyoj Tayta Diosniqui cä. Nogami gam Israel runacunatawan Judá runacunataga churarä juc lantata lantajno. Cananmi ichanga camacächishcä juchayquipita castïgu chayashunayquipaj. Gamcunaga rabyachimashcanqui Baalta adurashpayquimi.»

Jeremías 5:10

¡Chaymi contrancuna yaycuchun übas wertacunata muturinanpaj! Chillguiycajcunatapis rachirgärichun. Chaycunaga manami nogapanachu.

Lamentaciones 4:1

Imanöshi Templucho caj aläjacuna intëru isquïnacho mashtarpaycan. Goripis chegrayacäcushami.

Ezequiel 15:2

«Runa, ¿übas yörapa tullun imallapäga allichuraj? ¿Waquin guerucunapita mas allichuraj caycan?

Mateo 21:33

Mastapis tincuchiypa willapar Jesús niran: «Juc runashi chacrancho übasta lantachisha. Nircurshi intëru cantunpa guenchachisha. Übasta gapchinanpaj jatun muchcata rurachisha. Chacranta täpananpäna jatun törrita rurachisha. Chayno rurarcacherga aroj runacunata arrindacuycurshi juc-lä marcaman aywacusha.

Marcos 12:1

Chaura Jesús tincuchiypa yachachir niran: «Juc runashi chacranman übasta lantachisha. Nircurshi intëru cantunpa guenchachisha. Übasta gapchinanpaj jatun muchcatapis rurachisha. Chacrata täpananpäna jatun törrita rurachisha. Chayno rurarcacherga aroj runacunata arrindacuycurshi juc-lä marcaman aywacusha.

Lucas 20:9

Chayno nircur Jesusga tincuchiypa willapar llapan runacunata niran: «Juc runashi chacranman übasta lantachisha. Nircorga aroj runacunata arrindacuycurshi unaycama goyaj aywacusha juc-lä marcaman.

Juan 15:1

Chaypitaga Jesús niran: «Noga caycä alli übas lantami. Taytänami caycan übasta lantaj.

Deuteronomio 32:32

Contranchïcunaga fiyumi, wañuchicojmi, Sodoma, Gomorra runacunanömi. Chay runacunaga caycan ismusha übasnömi.

Deuteronomio 4:37

Payga unay caj famillyayquicunata cuyashami. Wamrancunatapis acrasha-cashunqui fiyupa munayninwan Egipto runacunapa maquinpita jorgamushushpayqui.

Josué 24:31

Josuëpis wiñay-masincunapis ricaranmi Israel runacunata yanapar milagrucunata Tayta Dios rurashanta. Chaymi Josuëwan wiñay-masincuna cawashanyäga Israelcuna Tayta Dios munashanno cawaran.