Jeremías 2:18 - Tayta Diosninchi Isquirbichishan

¹⁸ Cananga ¿ima allitataj jorgunqui Egiptuman yäracur, Nilo mayu yacuta upushpayqui? ¿Ima allitataj jorgunqui Asiriaman yäracur, Éufrates mayu yacuta upushpayqui?

Jeremías 2:18 ပူးပေါင်းရင်းမြစ်များ

2 Crónicas 28:16

Chay wichan ray Acazga Asiriapa rayninman cachata cacharan «yanapämay» nir.

Isaías 23:3

Achca nasyun runacunawanmi ranticanacoj. Paycunaga fiyupami gänaj Egiptupita shuntashan micuyta ranticur.

Isaías 31:1

¡Ay imanöraj canqui yanapänanpaj Egiptucunaman ruwacoj aywajcuna; Egipto runacunapa cawalluncunaman yäracojcuna; aypalla carrëtancuna cashanman yäracojcuna; cawalluta muntacurcur pillyajcunaman yäracojcuna! Paycunaga yarpayllapis manami yarpärinchu Israelcunapa Santo Tayta Diosninman. Paymanga manami yäracunpischu.

Isaías 7:20

Chay wichanga Asiriapa rayninta Tayta Dios chararangapaj Éufrates mayupita mañacushan fiyupa afilasha cuchillutanörämi. Chay pägapaj mañacushan cuchilluwanmi Judäta castigangapaj. Shapraynajtanömi chacrantaga pasaypa galayashata cachayconga.

Jeremías 2:36

¿Imanirtaj apurä purinqui yanapäshoj nasyuncunata rucachinayquipaj? Asiria runacuna illajpita llullapäshushayquinömi Egipto runacunapis rurashunquipaj.

Jeremías 31:22

¿Imaycamataj puricunqui mana wiyacoj jipashno? Cay munduchöga noga Tayta Diosmi almiraypajcunata camacächishaj: Runanman warmi cutejnömi gamcunaga nogaman cutimunquipaj.»

Lamentaciones 4:17

Yanapämänanchïpaj yarpashpanchïmi shuyaraycanchi mana salbamänanchïpaj caj nasyunta. Shuyarar ricchacuycashallanami ñawinchïpis uticasha.

Lamentaciones 5:6

Micunäcunapäpis maquëta chojpacur mañacöcuna Egipto runacunata, Asiria runacunata.

Ezequiel 16:28

Chayno pengaypaj ruraycarpis manami yamashcanquichu. Chaypa ruquenga Asiria runacunawanpis amistäta rurar cacushcanqui. Chaypis manami yamacarayquichu.

Ezequiel 17:15

Chayno parlacushanpis Judäpa raynenga Babiloniapa rayninpa contran ricacuran. Chaymi Egiptuman cachata cacharan, cawallucunata, suldärucunata mañacamunanpaj. ¿Gamcuna riguinquichu llullaparcur paycuna cawaycajlla gueshpinanpaj cashanta? ¿Conträtuta rurar parlacushanta mana cumlëga cawanmanchuraj?

Ezequiel 23:30

cananga castïgu chayaycäshunqui. Gamga chay nasyuncho tiyajcunawanmi cacushcanqui. Ïdulucunata adurashantapis aduräshishcanqui.

Oseas 5:13

«Efraín runacunaga musyanmi gueshyarcaycashanta. Judá runacunapis musyanmi gueriwan gueshyaycashanta. Chaymi Efraín runacunaga aywaran Asiria nasyunman, chay nasyunpa raynin yanapänanpaj ruwacushpan. Chay rayga manami allchacächiranchu. Ni guerincunatapis manami jampiparanchu.

Oseas 7:11

Efraín runacunaga caycan upayasha caycaj palumanömi. Egipto runacunata ruwacun yanapänanpaj. Nircorga Asiriamanna aywan.

Josué 13:3

Chay partiga jircantin caycan Egipto nasyunman inti yagamoj läduncho caycaj Sihor mayupita-pacha Ecronpa norte caj-länincho caycaj lindancamami. Chaycamami chayaraycan Canaán nasyonga. Chay manaraj guechushayqui particunacho caycan Filistea runacunapa pichga mandajnin tiyashan siudäcunami. Chay siudäcunaga caycan Gaza, Asdod, Ascalón, Gat, Ecrón. Aveo runacuna tiyashan partipis guechuypärämi caycan.