Jeremías 2:11 - Tayta Diosninchi Isquirbichishan

¹¹ ¿Maygan nasyunllaga diosnincunata rucachishachuraj juc dioscunata adurananpaj? ‹Diosnë› nishancunaga manami rasunpa diospischu. Acrashä runacunami ichanga mana sirbej ïdulucunata aduranan casha Noga munayniyoj Diosnin caycaptëpis cachaycamasha.

Jeremías 2:11 ပူးပေါင်းရင်းမြစ်များ

1 Reyes 11:33

Salomonga manami nogata wiyacamashachu. Adurasha Sidón runacunapa Astoret jutiyoj diosanta, Moab runacunapa Quemós diosninta, Amón runacunapa Milcom diosninta. Llutantami ñaupächo rurasha. Manami cumlishachu laynëcunata papänin Davidnöga.

2 Reyes 1:3

Tisbe runa Eliastana Tayta Diospa anjilnin niran: «Samaria raypa cachancunata tariparcur ninqui: ‹Gamcuna Ecronpa diosnin Baal-zebubman musyachicoj aywanayquipaj ¿Israelchöga manachu can Dios?›

2 Crónicas 13:9

Gamcunaga Aaronpita miraj cüracuna Tayta Diosta sirbiycajta, Leví runacunata gargamushcanqui. Ruquinnami cüracunata churacurcushcanqui juc-lä nasyun runacuna-niraj. Pipis juc törutawan ganchis uyshata chayachimuptenga dioscunata adurar cüra cananpäna churashcanqui.

Salmos 106:20

Fiyupa munayniyoj Tayta Diosta adurananpa ruquin adurarcaycaran guewa micoj buyita-niraj rurashanta.

Salmos 115:4

Tayta Diosta mana rispitaj runacunapa ïduluncunaga caycanmi goripitapis, guellaypitapis. Ïduluncunaga runa rurashallanmi.

Salmos 3:3

Chayno niptinpis Tayta Dios, gammi imapitapis chapämanqui. Gammi shacyächimanqui. Gammi cushicachimanqui.

Isaías 37:19

Runacuna ‹diosnë› nishancunatapis rupargärachisha. Chaycunaga manami rasunpa dioschu caran. Chaycunaga guerupita, rumipita runacuna rurashallanmi casha. Chaynöpami illgächishapis.

Jeremías 16:20

¿Runaga quiquincunapa diosnincunata ruracunmanchuraj? ¡Ruraptinpis chaycunaga manami rasunpa dioschu!» Chaura Tayta Dios nimaran:

Jeremías 18:13

Chaymi Tayta Dios cayno nin: «Mä nasyuncunacho tapucachay. Mä pillaga wiyashachush cay runacuna rimashantano. ¡Israel runacunaga manchariypaj mana allitami rurasha!

Jeremías 2:5

Tayta Diosga gamcunapaj caynömi nin: «¿Ima mana allitataj rurashcä gamcunapa unay awiluyquicuna cachaycamänanpäga? Mana bälej dioscunata adurajmi aywacuran. Chaymi quiquincunapis mana bälejna ricacuran.

Jeremías 2:8

Cüracunapis noga munashänöga manami rurashachu. Layta yachachejcunapis manami rejsimashachu. Mandajcunapis nogapa conträ ricacuran. Profëtacunapis Baalpaj willacusha. Chayno rurarmi imapäpis mana bälej ïdulucunallaman yäracusha.

Jeremías 5:7

Tayta Dios cayno nin: «Israelcuna ¿imanöpataj perdunashayqui? Wamrayquicunami cachaycamasha. Mana dios caycajpa jutinchömi jurashapis. Aypalla micuyniqui cananpäpis nogami bindisyunta gorä. Chaypis manami wiyacamashachu. Chaymi shuntacarcur-shuntacarcur juc dioscunata adurasha.

Ezequiel 14:5

Chayno ruraptë Israelcunaga capaschari arpinticunmanpis ïdulucunata adurashanpita, nogata gongaycamashanpitapis› nir.

Ezequiel 5:7

«Chaypitami, Noga Tayta Diosga në: Läduyquicho tiyaj nasyun runacunapita mas piyur mana wiyacojmi gamcunaga cashcanqui. Nishäcunata manami cumlishcanquichu. Ni tiyashayqui ñaupanpa caycaj nasyun runacunapa laynincunallatapis manami cumlishcanquichu.

Miqueas 4:5

Waquin nasyun runacunaga diosnincunatami aduran. Noganchïmi ichanga imaypis Tayta Diosninchi nimashallanchïta wiyacushun.

Romanos 1:23

Chaymi imaycamapis cawaj munayniyoj Tayta Diosta adurananpa ruquenga runa-nirajcunata ruraycullar aduran. Chaynöpis aduran pärejcunatano ruraycur, uywacunatano ruraycur y garachaypa purejcunatano ruraycur.

1 Corintios 8:4

Chauraga ïdulucunapaj churashan aychacunata micunapaj cashantana willapäshayqui. Musyashanchïnöpis ïdulucunaga manami cawanchu. Manami ima munayninpis canchu. Jucnayllami Tayta Diosninchëga.

Gálatas 4:8

Unayga mana rejsirmi Tayta Diosninchïta mana sirbishcanquichu. Mana rasun caj dioscunapa maquillanchömi goyarayqui.

Deuteronomio 32:16

Juc dioscunata adurashpanmi Tayta Diosta rabyachisha.

Deuteronomio 32:21

Mana dios caycaptin juc dioscunata adurashpanmi rabyachiman. Manacaj ïdulucunata adurashpanmi rabyachiman. Nogapis paycunata rabyachishaj juc marca runacunawan. Mana tantiyacoj runacunawanmi rabyachishaj.

Deuteronomio 33:29

Israelcuna cushicäriy. ¿Picunaräshi gamcunamanga tincunman? Tayta Dios quiquinmi gamcunataga salbashunqui. Paymi imapitapis chapäshushpayqui yanapäshunqui. Paymi contrayquicunatapis binsëshishunquipaj. Chiquishojcunataga ushajpämi wañuchinquipaj. Alli-tucuycajtami manacajman churanquipaj.»

1 Pedro 1:18

Gamcunaga mamayqui taytayquipita-pachami jucha rurayllacho cawarayqui. Chayno cawaycaptiquimi Tayta Diosninchëga rantiypa-japuy jorgusha-cashunqui. Rantisha-cashunqui manami goripa chaninwanchu, ni guellaypa chaninwanpischu.

1 Samuel 4:21

Yurej wamrapa jutinta churaparan «Icabod» nir. «Icabod» ninanga «Israelcunaga pengaychömi quëdasha» ninanmi. Chaynöga niran Tayta Diospa conträtu babulninta guechushanpita, warmipa suyrun wañushanpita y runan wañushanpitami.