Jeremías 19:7 - Tayta Diosninchi Isquirbichishan

⁷ Chay partichömi Judá runacuna Jerusalén runacuna imapaj yarpashantapis mana camacächishächu. Contrancuna binsinanpämi, wañuchinanpämi camacächishaj. Chauraga wañusha mashtarpaycajtana aycha micoj äbicuna, jirca animalcunapis miconga.

Jeremías 19:7 ပူးပေါင်းရင်းမြစ်များ

2 Reyes 21:14

Waquintaga acrashä runacunata jinanchömi cachaycushaj, chiquejcunapa munayninman entregashaj. Chaura chiquejnincunanami llapan ima-aycantapis suwapanga, guechonga.

Proverbios 21:30

Tayta Diospa ñaupanchöga runa may-jina yachaj cashanpis yangami. Allita yarpashanpis, ni alli yarpayniyoj cashanpis manacajllami.

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Isaías 8:10

Imata rurayta yarpashayquipis manami camacangapächu. Imata ruranayquipaj parlacushayquipis manami camacangapächu. Chaynöga canga Tayta Dios nogacunacho captinmi.

Jeremías 15:2

‹¿Maymantaj aywashaj?› nir tapushuptiquega noga nishäta cayno willanqui: « ‹Gueshyawan wañojpaj cajcunaga gueshyawanmi wañunqui. Guërracho wañojpaj cajcunaga guërrachömi wañunqui. Yargaywan wañojpaj cajcunaga yargaypitami wañunqui. Prësu aywajpaj cajcunaga prësumi aywanqui.›

Jeremías 15:9

Ganchis ollgu wamrayoj warmicunapis chiyacäconga. Jämayninta cachaytapis manami camäpaconganachu. Manaraj timpuncho wamrancuna wañushanpitami pengacur uysucarcärenga. Maygallanpis cawaycar quëdaptenga contrancunawan simrimi wañuchichishaj. Noga Tayta Diosmi chayno në.»

Jeremías 16:4

fiyu gueshyawanmi wañonga. Paycunapäga wagananpäpis manami pipis cangachu. Pampananpäpis manami pipis cangachu. Uywacunapa iscannömi intëru pampacho wañusha mashtaräconga. Guërrawan yargaywanmi paycunaga wañonga. Wañusha mashtarpaycajtanami aycha micoj äbicuna, jirca animalcuna miconga.»

Jeremías 18:21

Canan ichanga gam castigaycuy wamrancuna yargaypitapis sabliwanpis wañunanpaj. Warmincunapis biyüda wamraynajllana quëdachun. Ollgu cajcunaga gueshyawan wañuchun. Mösucunapis guërracho wañuchun.

Jeremías 21:7

Judäpa raynin Sedequiasta, suldäruncunata, mas mandaj suldäruncunatapis cachaycushaj contran ray Nabucodonosorpa maquinmanmi. Contrancunapa maquinmanmi cachaycushaj fiyu gueshyawan, yargaywan, guërrawan mana wañur siudächo cawaycar quëdaj runacunatapis. Nogami camacächishaj chay rayga mana cuyapaypa sabliwan wañuchinanpaj. Noga Tayta Diosmi chayno në.› »

Jeremías 22:19

Jerusalenpita garachacarcärir jorgurcurmi jitariycärengapaj. Bürruta pampajnömi pampaycärengapaj.»

Jeremías 22:25

Gamtaga fiyupa manchacuycashayqui wañuchicoj contrayquicunapa maquinmanmi cachaycushayqui. Gamtaga cachaycushayquipaj Babiloniapa raynin Nabucodonosorpa maquinman y chay nasyun runacunapa maquinmanmi.

Jeremías 32:28

Rasunpami nogaga camacächishaj cay siudä Babiloniapa raynin Nabucodonosorpawan chay nasyun runacunapa maquincho cananpaj.

Jeremías 34:20

Chaypitami camacächishaj contrayquicuna wañuchishunayquipaj. Wañusha mashtarpaycajtanami aycha micoj äbicunawan micucoj jirca animalcuna micushunquipaj.

Jeremías 46:26

Nogami camacächishaj fiyupa chiquej Babiloniapa raynin Nabucodonosorpa maquincho cananpaj, pay mandashan runacunapa maquincho cananpaj. Chaypita mas unaytanami ichanga unay tiyashannöna yapay Egiptucho runacuna tiyacongapaj. Noga Tayta Diosmi chayno në.»

Jeremías 7:33

Chay wañoj runacunataga aycha micoj äbicunawan jirca animalcunami miconga. Chaycuna micuptin manchachinanpaj manami pipis cangapächu.

Jeremías 8:2

Nircur pampaman mashtarenga. Chaura manami pipis shuntangapächu pampananpaj. Chay tullucunaga uywacunapa iscannömi mashtaräconga. Chaura intipis, quillapis, goyllar achicyashanpis chayanga. Chay wañojcunaga chaycunatami aduraran, tapucuranpis.

Jeremías 8:8

« ‹Chayno caycashpayquega ¿imanöpataj «musyaj-yachajmi cä; Tayta Diospa laynintami nogacunaga charä» ninquiman? ¡Secretaryucunami llullacuypa chay laycunataga jucnöman ticrachisha!

Jeremías 8:9

Chaypitami chay musyaj-yachajcunaga pengaycho cangapaj. Trampaman yaycusha animalnöpis mancharenga. Noga nishätaga manacajmanmi churasha. Chauraga ¿imanöpataj yachaj canga?

Lamentaciones 3:37

Tayta Dios mana camacächiptenga imapis manami cay pachacho canmanchu.

Levítico 26:17

Nogaga manami yanapäshayquipänachu. Chiquishojcunapis binsishunquipämi. Waquenga chiquejcunapa munayninchönami canga. Imapis mana gaticachaycäshuptiquimi gueshpinquipäpis.

Levítico 26:25

Mana cumliptiquega conträtuta rurar parlashanchïcho nishänömi castïguta gamcunaman chayachimushaj. Siudäniquicunaman pacacunayquipaj gueshpiptiquipis fiyu gueshyatami cachamushaj. Chauraga contrayquicunapa munayninchöna canquipaj.

Romanos 3:31

Chaura Jesucristuman yäracur salbasha caycarga ¿Moisés isquirbishan laycunata manacajmanchuraj churaycanchi? Manami. Chaypa ruquenga Jesucristuman yäracur yachachishancunata wiyacurmi chay laycunata cumliycanchi.

Romanos 4:14

Laycunata cumlejcunalla Tayta Dios aunishanta chasquinanpaj captenga yangallami canman caran Tayta Diosninchïman yäracushanchïpis. Tayta Diosninchi aunishanpis manami bälinmanchu caran.

1 Samuel 17:46

Cananmi Tayta Dios gamta binsinäpaj camacächenga. Canan örami wañurachishayqui. Nircur umayquitapis rogushaj. Llapan Filistea suldärucunami wañonga. Aychantami garashaj äbicunata, jirca animalcunata. Chaynöpami llapan runa musyanga Israelcunata Tayta Dios yanapashanta.