Jeremías 18:8 - Tayta Diosninchi Isquirbichishan

⁸ Chay nasyun runacuna mana alli rurayta cachaycärir allillatana ruraptenga paycunata castiganäpaj caycashächöpis mananami castigänachu.

Jeremías 18:8 ပူးပေါင်းရင်းမြစ်များ

2 Crónicas 12:6

Chaura Israelpa mandajnincunawan rayga llaquicur «¡Tayta Diosga juchanchïpitami castigaycämanchi!» niran.

Salmos 106:45

Tayta Diosga yarpäriran paycunawan conträtuta rurar parlacushanta. Chaymi yapay yanaparan. Chaynöga yanaparan fiyupa cuyacoj cashpanmi.

Salmos 135:14

Tayta Diosga acrashan runacunata jusgangami. Tayta Diosga sirbejnincunata cuyapangami.

Salmos 90:13

Tayta Dios, ¿imaycamaraj mana yarpämanquichu? Nogacunata yarpaycamayna. Gam acrashayqui caycaptëga nogacunata cuyapaycamay ari.

Éxodo 32:12

Illgarachiptiquega Egiptucuna nenga: ‹Chunyaj jircacho wañuchinanpaj, cay pachapita illgächinanpaj yarpaypami Diosga caypita jorgusha› nir. Ama rabyacuychu ari. Juchata rurashanpita castiganayquipa ruquenga cuyapaycuy ari.

Éxodo 32:14

Chayno Moisés ruwacuptin Tayta Diosga «Ushajpaj illgarachishaj» nishanpita pësacur cuyapashpan mana illgächirannachu.

Jeremías 12:16

Chay runacuna acrashä runacunata Baal diosta adurayta manana yachacherga acrashä runacunanönami cangapaj. Ichanga yachachicuynëcunata yachacunan, aduramaytapis yachacunan.

Jeremías 15:6

Gamcunami cachaycamashcanqui. Gamcunami chiquicarcamashcanqui. Chayno cashayquipita mana awantarnami castigar illgächishayqui. Noga Tayta Diosmi chayno në.

Jeremías 26:13

Gamcuna amana ruraynachu mana allicunataga. Tayta Diosninchïtana wiyacuy. Payta wiyacuptiquega castigashunayquipaj nishancunawanpis mananami castigashunquipänachu.

Jeremías 26:19

«Chayno nishanpita Judá runacunawan ray Ezequiasga Miqueasta ¿wañuchiranchu? Manami. Chaypa ruquenga raypis amatarmi manchariran. Chaymi cuyapänanpaj Tayta Diosta mañacuran. Chaynöpami Tayta Diospis mana castigaranchu castigananpaj caycaj castïgucunawan. Canan noganchi ¿imanöpataj fiyupa juchata ruraycushwan?»

Jeremías 26:3

Chay runacunaga capaschari wiyacunmanpis. Capaschari mana allita rurarcaycashanpita yarpachacur mananapis ruranmannachu. Chaura nogapis juchancunapita castiganäpaj caycashächo manami castigashänachu.

Jeremías 36:3

Tucuy-niraj ñacaycunawan ñacachinäpaj cashanta musyaycushpanga Judá runacuna capaschari mana alli ruraynincunata cachaycunmanpis. Chauraga mana allita rurashancunapita, juchancunapita perdunashämi.»

Jeremías 42:10

‹Gamcuna cay nasyunllacho tiyacuptiquega Nogami jatarachishayqui. Mananami tunichishayquipänachu. Lantatanömi noga tacyachishayqui; manami achurishayquipächu. Nogaga fiyupa ñacanayquipaj castigashäpita pasaypami pësacö.

Ezequiel 18:21

«Capas mana allita ruraj runa jucha ruraycunallacho caycashanta cachaycun. Nircur laynëtana cumlir, alli cajta rurashpanga cawangami. Manami wañongachu.

Ezequiel 33:11

Ichanga noga Tayta Diosmi jurashpä në: Nogaga manami munächu jucha ruraj runa wañunanta. Chaypa ruquenga munä mana allita ruraycashanta cachaycur allina cawanantami. Israelcuna mana allita rurarcaycashayquitaga cachaycuyna. ¿Imanirtaj wañuyta ashircaycanqui?

Ezequiel 33:12

«Runa, gamga marca-masiquicunata willapay: ‹Allillata ruraj runa jucha rurayman chayaptin, ñaupata allita rurashanpitaga manami salbacongachu. Mana allillata ruraj runa, mana alli ruraycashanta cachaycur allitana rurarga salbacongami. Ñaupata jucha rurashancunaga mananami chapachu canga. Chaymi allillata ruraj runa jucha rurayman chayaptin ñaupata allillata rurashanga castïgupita mana chapangachu.

Ezequiel 33:13

Allita ruraycaj runataga capas nëman: «cawanquipämi» nir. Chay runa allita ruraj cashanman yäracushpan mana manchacuypa mana allita ruraptenga manami yarpäshänachu allita rurashancunataga. Chaypa ruquenga mana allita rurashanpitami wañonga.

Ezequiel 33:14

Mana allita ruraj runata capas nëman: «wañunquipämi» nir. Chaura chay runa capas jucha ruraycashanta cachaycur alli cajtana rurar, rasun cajllatana ruranga.

Oseas 11:8

«¿Imanöpataj gamtaga gongaycöman Efraín? ¿Imanöpataj gamtaga jaguiriycöman Israel? ¿Imanöparäshi ruraycöman Adma siudäta illgächishänöga? ¿Imanöparäshi ruraycöman Seboim siudäta rurashänöga? Gamta cuyapar fiyupa llaquicuptëmi shongöpis nananraj.

Amós 5:15

Mana alli cajtaga chiquiy. Alli cajtaga cuyay. Gamcunaga yarpay despächucunachöpis alli arriglayta. Chaura munayniyoj Tayta Diosga capaschari cuyapaycushunquimanpis quëdasharaj caycaj Israelcunata.

Jonás 4:2

Chaymi Tayta Diosta mañacushpan niran: «Tayta Dios, willacoj aywanäpaj wasëcho caycajta gayamaptiqui nogaga maynami musyarä cuyapäcoj cashayquita. Chaypitami Tarsisman aywacuyta munarä. Nogaga musyämi gam fiyupa cuyapäcoj alli cashayquita, jucllaga rabyayta mana yachashayquita. Chaymi castiganayquipaj willacarcachirpis cuyapanqui.

Deuteronomio 32:36

«Acrashan runacunapa callpan manana captenga Tayta Dios yanapangami. Payta sirbejcuna ushacänanpaj captenga cuyapangami.

Jueces 2:18

Chaypis Tayta Diosga mandaj juezta churaran yanapänanpaj. Mandaj jueznin cawashancamaga llapan chiquejcunapitami washaran. Tayta Diosmi paycunata cuyaparan fiyupa ñacar llaquicuptin.